Yoxuwa 22:25 - Emakhuwa Bible

²⁵ Yave aamukhaliha Yordanu ntoko mwiinano variyari wa hiyo ni nyuwosa, aRubeni ni aGadi. Khamuniiwanana ni Yave.’ Mwa yeeyo ikhapirasaanyu sinimooceeliha sawihu omoova Yave.

Yoxuwa 22:25 Iomraidhean Croise

2 Samuweli 20:1

Vanonto aakhalawo mulopwana mmoha ookukureya iitthaniwa Xeba, mwaana mulopwana a Bikeri, muBenyamini. Aahiipa nipalapatta akhuwelaka: “Khaninono mpatta wa Davide! Mwaana mulopwana a Yixai khannimpwattha! Khula muYixrayeli aroweke owaani!”

1 Mamwene 12:16

aYixrayeli ootheene yoonakaru weera mwene khaatthuna owiiwa, yaamwaakhula: “Kheewo enaattamme ni Davide, mwaana mulopwana a Yixai! Muroweke oheemaniwanyu aYixrayeli! Mwiipasoope vaatewanyu, ekhapira ya Davide!” Vano aYixrayeli yaarowa mmawannyaya.

1 Mamwene 14:16

Yave onimwaahiya aYixrayeli niwoko na soottheka Yerobowami aapankaawe, aatthekihaka aYixrayeli.”

1 Mamwene 15:30

Eyo yeereenle niwoko na soottheka Yerobowami aapankaawe aatthekihakatho aYixrayeli. Hiiho aatannya isara sa Yave, Muluku a aYixrayeli.

Nehemiya 2:20

Miyo kaawaakhulasa: “Muluku a wiirimu onooneettihera nnene. Hiyo, arumeiyaawe, nnoopacera otekatho. Vaheera nyuwo khamunono mpatta, hata nsu muYerusaleemu, niwoko khamumpatta nnyahanimwaya.”

Icipo 16:5

Yave, Nyuwo mookivaha mpattaaka ni ekoomixaaka; ti Nyuwo munlipiha sa muhoolomwaka.

Miteko 8:21

Khamunono mpatta naari ikuru mmutekonimu, niwoko murimaanyu khooreenre ohoolo wa Muluku.

Yoxuwa 22:24

Hoye! Nipakenle yeeyo noovaka weera ehuhu ya muhoolo ikhapirasanyu seerele sawihu: ‘Nyuwo khamuniiwanana ni Yave, Muluku a aYixrayeli.

Yoxuwa 22:26

Tivawo nilakenlaahu: ‘Nrowe, naateke altaari* – Khoohiyono wa sooveleela soohisa hoye hoye sikina.’

Yoxuwa 22:27

Ohiyanawaya, ekhaleke namoona variyariwahu, ni ikhapira sineera sirwe, weera nnoomulapa Yave mphironimwawe mootteela ni sooveleelasahu soohisa, sa enama ni sa murettele. Hiiho, ehuhu ya muhoolo, ikhapirasanyu khasiwera oneerela: Nyuwo khamuniiwanana ni Yave.’

1 Samuweli 26:19

Vano, pwiiyaaka, mwene, mwiiweke masu a murumeiyaanyu: Yave ooseserani okisoonda, Owo aakheleke yooveleelaaka. Wa soothesene, yaari atthu apanke, vano elaphiwe vamaithoni wa Yave. Awo aakirakameliha wa mpattaaka wa yoohiyeriwa ya Yave ni aakeerela: ‘Murowe mwalape miluku sikina.’