Yoxuwa 22:10 - Emakhuwa Bible

¹⁰ Ephiyakaru oGeliloti, waattamela oYordanu, mweelaponi ya oKanaani, aRubeni, aGadi ni eriyari ya epuumba ya Manaxe yaahaatekasa altaari* atokotoko mukerekhere wa oYordanu.

Yoxuwa 22:10 Iomraidhean Croise

Epacerero 12:7

Vano vaavaale Yave aahiixoonihera wa Abraamu, anamweerela: “Kinoovahani elapo ela ni wa ekhapiraanyu yootheene.” Vanonto Abraamu aamutekela Yave altaari* vanipuroni nne iixoonihenraawe.

Epacerero 12:8

Evinyero vaavaale aarowa mpaka omwaako ori mpatta ninkhuma nsuwa oBeteli. Vano aakunga eheemaawe eriyari ya oBeteli ni wookela ninkela nsuwa wAi. Aamutekela Yave altaari* ni aahiitthana Nsina na Yave.

Epacerero 28:18

Waaxiiye oxeexelo Yakobe aakuxa nluku aaphiteenraawe waamuru, aaheemexa ntoko nrimbu, anamiinela makhura vasuluwaya.

Yesaya 19:19

Vanihukuni nenenenno anookhala altaari* a Yave eriyari ya elapo ya wExipitu ni ecaambulo yoowuupuxera wa Yave mmwiinanonimwaya.

Yoxuwa 22:11

Vano ipuumba sikina sa aYixrayeli sisuwelakaru weera yaahaateka altaari* oGeliloti, mmwiinanoni wa oKanaani, waattamela oYordanu, mpatta wa aYixrayeli,

Yoxuwa 22:9

Hiiho aRubeni, aGadi ni eriyari ya epuumba ya Manaxe yaahaahiya aYixrayeli oXilo oKanaani weera ehokoleele mweelaponimwaya oGiliyade, mwa yeeyo yaaphwannyaya niwoko na yeeyo Yave aamulamulenlaawe Moisesi.