Yoxuwa 21:45 - Emakhuwa Bible

⁴⁵ Kheewo ya soororomeliha sooreera sootheene sa Yave wa muloko wa aYixrayeli ohiyanyihenraawe; sootheene sookwaniheriwa.

Yoxuwa 21:45 Iomraidhean Croise

1 Mamwene 8:15

eeraka: “Atthapeliwe Yave, Muluku a oYixrayeli. Owo aakwanihera ni matataawe yeeyo aaroromelinghaawe atithaka Davide ni eyaanowaawe eenraawe:

1 Mamwene 8:20

Yave ookwanihera yoororomelihaawe – miyo ti namarandela a Davide ni vano kookilaathela ehice ya emwene wa aYixrayeli, ntoko Yave aaroromelinghaawe, ni kootekela Empa Nsina na Yave, Muluku a aYixrayeli.

1 Mamwene 8:24

Mookwanihera yoororomelihaanyu wa murumeiyaanyu Davide, atithaka. Mwaaroromeliha ni eyanowaanyu ni mookwanihera ni matataanyu – ntoko onooneyaaya olelo.

1 Mamwene 8:56

“Yave atthapeliwe, mwa Yoowo ovanghe mulokwaawe aYixrayeli wiitthuuwa, ntoko aaroromelinghaawe. Ookwanihera soororomeliha sooreera sootheene aavanghaawe mwa murumeiyaawe Moisesi.

Nehemiya 9:8

Mwaahoona weera murimaawe waari woororomeleya wa Nyuwo, mwaakhaliha wiiraana ni yoowo muroromelihaka ovaha ekhapiraawe ilapo sa aKanaani, aHiti, awAmori, aPerizi, aYebusi ni aGirgasi. Vano mookwanihera yoororomelihaanyu, niwoko ti oororomeleya.

Yesaya 48:3

Khalayi Miyo kaahima itthu sivinre, eyanowaaka yaalaleiya seiye ni Miyo kaasuweliha; vano wootutuxereya koopaka, sinakhumelela.

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

1 aKorinto 1:9

Muluku ti oororomeleya, Yoowo owiitthanneni weera mukhale ngwiiwananani ni Mwanawe Yeesu Kristu.

1 aTesalonika 5:24

Yaawo angwiitthanani ari oororomeleya ni eniipake yeeyo.

Titu 1:2

Nroromelo ni esuwelo ela yoolipiheriwa munroromeloni ya okumi woohimala, mwa yoowo Muluku oohootha aaroromelihalaawe ehinaaye ehuhu.

aHeberi 6:18

Vano, sookhala itthu piili sahaawereya oceendyiwa: yoororomelihiwa ni nlipelo. Ni mwaha wa itthusene seiyo khoongwereya weera Muluku anilokotthe. Hiiho, hiyo nikhaleke oolipihiweene, hiyo nnimutthawela Muluku weera nivare nnenesene oweherera nivahiwaahu.

1 Samuweli 3:19

Samuweli unnuwaka hiihaale Yave aari ni yoowo akwaniheraka maswaawe ootheene.