Yoxuwa 2:4 - Emakhuwa Bible

⁴ Wa soothesene, muthiyana owo aavinthe asilopwana eeli aahaakhula: “Ettiitthu, asilopwana eeli yaakiphiyerela, mene miyo nkaasuwenle yaakhumelelasaayawo.

Yoxuwa 2:4 Iomraidhean Croise

2 Mamwene 6:19

Elixa aaweerela: “Ola khoohiyono musewe naari esidade munaasaanyu. Mukitthareke ni kinimooronghani wa mulopwana mummwaasaanyu.” Owo aahaakuxa, anaarongha esidade ya oSamariya.

Okhuma 1:19

Awo yaamwaakhula Farawu*: “Asithiyana aHeberi khaanlikana ni awExipitu. Khaanghaawano oyara ni angyara ahinaaye orwa namayariha.”

Yakobe 2:25

Hiihotho yaaheereiya ni puuta Rakhabi. Khahiyono owo aakhuleliwe niwoko na miteko, aawaakhenlaawe anamahottela ni aatthawihenraawe ephiro ekina?

Yoxuwa 2:3

Mwene a oYeriko aamurumihela Rakhabi mutthenga ola: “Ngwoomole asilopwana yoophiyerenleni, niwoko arweenle ohottela elapo yootheene.”

Yoxuwa 2:5

Wiilaka, ehuhu engwaliwa mulako wa esidade awosa yaattimula ni nkisuwenle akenlaayawo. Mwaatthimakelase, apaale munimwaaphwanya.”

Yoxuwa 6:17

Esidade ni sootheene siri mwemmo sitteeliheriweke Yave. Paahi puuta Rakhabi ni ootheene ari mpaanimwawe eneera yuureliwe, niwoko aawiipithiha anamahottela naarumihalaahu.

Yoxuwa 6:25

Vano Yoxuwa aamuurela puuta Rakhabi, vamoha ni emusaawe ni anatithawe, niwoko aawiipithiha anamahottela Yoxuwa aarumihenlaawe oYeriko. Owo onkhala ni aYixrayeli mpaka olelo.