Yoxuwa 2:11 - Emakhuwa Bible

¹¹ Nisuwelakaru yeeyo, muloko waathananelaxa ni ootheene naatteenguwasa niwoko na nyuwo woonaka weera Yave Mulukwaanyu ti Muluku oosulu wa erimu ni vathi.

Yoxuwa 2:11 Iomraidhean Croise

1 Mamwene 8:60

Hiiho miloko sootheene sa elapo ya vathi sinoosuwela weera Yave ti Muluku ni khoowowo muluku mukina.

2 Mamwene 5:15

Vahoolowaya Nahamani ni arumeiyaawe ootheene yaahokoleela vaate wa mulopwana a Muluku. Aaheemela ohoolo wa Elixa, anamweerela: “Vano koosuwela weera khoowoworu muluku mukina mweelaponi yootheene ahikhanle Muluku a oYixrayeli. Dyoontte, mwaakhele yoovaha ya murumeiyaanyu.”

Nehemiya 6:16

Amwiittanaahu ootheene esuwelakaru yeeyo, miloko soowaattamana sootheene saahoova sihovelaka, niwoko saasuwela weera muteko wootheene ole waamalihiwe ni ekhavihero ya Mulukwaahu.

Exteri 8:17

Waakhala ohakalala variyari wa aYuda mweelaponi sootheene ni mmasidadeni sootheene mwemmo yaaphiyalaayamo ekano ya mwene. Atthu ancipale a miloko sikina sa moomweneni yaathatuwa aYuda, niwoko woopiha wa aYuda waahaatepelasa.

Icipo 102:15

Miloko sootheene sinimoova Nsina na Yave; mamwene ootheene a elapo anoottittimiha ovuwawanyu.

Icipo 22:14

Kimmiiniwa ntoko maahi ni makhuvaaka ootheene aakocakoca. Murimaaka woothatuwa nnyoma etothowelaka mmirimanimwaka.

Icipo 58:7

Awosa elakaseyeke ntoko maahi ankhwalala; awosa yaatheteyaka muupa, nyuupasaya sikhaleke soohinoneya.

Icipo 83:18

Mwaasuwelihe weera Nyuwo muniitthaniwa Yave, aani weera Nyuwo paahi ti Muluku a Musulusulu mweelaponi yootheene.

Okhuma 15:14

Miloko sinniiwa ni sinthukumela; othanana onnaavara aFilisti.

Okhuma 15:15

Asitokweene a wEdomi anoopopiheya; asitokweene a oMowabi woohaavara woova ni yaawo amanke oKanaani aatteenguwa.

Yesaya 13:7

Niwoko na yeeyo matata ootheene anootondolowa ni mirima sa atthu ootheene sinooporora ni woova.

Yesaya 19:1

Masu mwaha wa wExipitu ti ala: “Moone, Yave oneetta munihutteni noowaakuveya ninrowa wExipitu. Miluku soolokottha sa wExipitu sinthukumela ohoolowawe ni mirima sa awExipitu simporora.

Ezekiyeli 21:15

Vano, kookhaliha ekatana kimweerelaka noomala mmilakonimwaya moothemwene weera mirima sitothowe ni emoroxiwe ancipale. Ii! Eyo epakeliwe weera eceremele ntoko overinya; yoovareliwa eereliwaka noomala.

Nahumi 2:10

Ii! Esidade yoovalavela! Otoloxiwa, ohuhuliwa! Murima onnavava; makutha annitteenguwa; erutthu yootheene ennithukumela ni ikhove sootheene sinnaamora.

Deuteronomiyo 1:28

Nnikele woowi? Axunnihu aanipororiha yeerakaru: ‘Atthu a weiwo ti oolipaxa ni oorakamaxa oonipwaha hiyo. Isidadesaya ti sitokotoko sikhalanaka ixiri soorakamela osulu. Noowoonawotho awAnaki.’”

Deuteronomiyo 20:8

Vanonto, asitokweene a anakhotto yaandyeerereke: “Akhala mukina onoova ahilipaka murima, owo ahokoleeleke owannyawe weera axunneiye aYixrayeli ehipoporasetho.”

Deuteronomiyo 4:39

Musuwele yeeyo olelo ni muhele vamurimani weera Yave ti Muluku a wiirimu ni vathi. Khawowo mukina.

Yoxuwa 14:8

Vaheera axunnaka yaakihoonle yaapororiha muloko ni woova. Wa soothesene, miyo kaamutthara Yave Mulukwaaka ni murimaaka wootheene.

Yoxuwa 2:24

Awosa yaamweerela Yoxuwa: “Woohihovela, Yave ooninnyerera elapo yootheene. Atthu ootheene a weiwo aasareya woova niwoko na hiyo.”

Yoxuwa 5:1

Vano mamwene ootheene a awAmori yaamanke mpatta ninkela nsuwa wa oYordanu ni mamwene ootheene a aKanaani yaamanke mukerekhere wa ephareiya yaasuwela moota Yave aangwelelihalaawe Yordanu ohoolo wa aYixrayeli mpaka olapuwawahu. Tivawo yaaporonraaya ni yahaalipihalaaya mirima woowaawanano aYixrayeli.

Yoxuwa 7:5

Mwa yeeyo yaawiiva asilopwana miloko miraru ni athannamosa a aYixrayeli. Yaahaattharelela aYixrayeli okhuma vamulako wa esidade mpaka oXevarimi ewiivaka akina muxepani. Niwoko na yeeyo muloko waapororaxa.

Yoxuwa 9:24

Awosa yaamwaakhula Yoxuwa: “Arumeiyaanyu yaaleeliwa nnenesene moota Yave Mulukwaanyu aamulamulenlaawe murumeiyaawe Moisesi weera aamoovahani elapo yootheene ela ni weera aangwiiva amaki ootheene a elapo yeela. Naamoova weera eniinikhumelele eheeni niwoko na nyuwosa, tivawo nuupuwenlaahu hiiho.

Ethupululo 6:16

Awo yaakhuwelela nyaako ni nyala: “Munimorele ni munivithe wa ekhove ya Yoole okilaathiye vahiceni ni wa isara sa Eputtiputthi!