Yoxuwa 15:12 - Emakhuwa Bible

¹² Mwiinano wa mpatta ninkela nsuwa waari Ephareiya Etokotoko. Saari ti seiya nyiinano sa oYuda mmipattani moothemwene, ettharihiwaka mahimwaaya.

Yoxuwa 15:12 Iomraidhean Croise

Ezekiyeli 47:20

Mpatta ninkela nsuwa ephareiya etokweene ti mwiinano mpaka wiithela wa oLebo-Hamati. Ola ti mwiinano wa mpatta ninkela nsuwa.

Ezekiyeli 48:7

aYuda akhalaneke ettima emoha; eyo evireke mmwiinanoni mwa ettima ya aRubeni, okhuma mpatta ninkhuma nsuwa mpaka ninkela nsuwa.

Deuteronomiyo 11:24

Mmapuroni moothemwene muneeraanyu mvire eniikhale awinyu. Elapwaanyu eniikhume munikareni mpaka oLibanu ni okhuma mooloko Efratesi mpaka ephareiya ya mpatta ninkela nsuwa.

Yoxuwa 15:11

Vahoolowaya waarowa mpatta wa ottuttuwani wa mwaako wEkroni, okottoombelaka wookela oXikerona, opwahereraka mpaka omwaako Bahala ni waaphiya oYabeneyeli okotaka mphareiya.

Yoxuwa 15:47

wAxidoti ni iboomasaya ni mittetthesaya; oGaza ni iboomasaya ni mittetthesaya mpaka Nxaapwa na wExipitu ni mukerekhere Ephareiya Etokotoko.

Yoxuwa 18:5

Mukawanyihe elapo mipatta mithannamiili. aYuda ekhaleke mweelaponimwaya ya ohitto ni epuumba ya Yoseefe mweelaponimwaya ya ottuttuwani.