Yoxuwa 11:6 - Emakhuwa Bible

⁶ Yave aamweerela Yoxuwa: “Muhiwoove, niwoko omaalo, ehuhuweene yeela, kinoowinnyerera ookhwa ootheene wa aYixrayeli. Nyuwosa mmwikakatthe itthottobwa sa ikavalusaya* ni muhiseke ikaarosaya.”

Yoxuwa 11:6 Iomraidhean Croise

2 Samuweli 8:4

Davide aakuxa ikaaro sa ikavalu* macira muloko sa Hadadezeri ni anamweettiha ikaarosene seiye macira miloko mathannameeli nitho anakhotto 20 000. Aahintaka mapitaaya ootheene a ikavalu* sa ikaaro ahiyaka ikavalu* ncira.

2 Mamwene 6:16

Elixa aamwaakhula: “Ohoove. Yaale ari ni hiyo ti yaantte waapwaha yaawo.”

2 Nyaha 20:16

Omaalo mukhuruwe mwaarowelasaka. Awosa eniirweele ekhato ya oZizi, ni nyuwosa mwaakumaneno ekotenlaayawo ekhato, ohoolo wa nikare na oYeruweli.

Icipo 46:10

Mmaaleke ni musuwele weera Miyo ti Muluku. Kinoovuwihiwa variyari wa miloko; kinoovuwihiwa mweelaponimu.

Icipo 46:11

Yave a ikuru sootheene ori ni hiyo; Muluku a Yakobe ti Nipuronahu Noolipaxa. Sela*

Icipo 46:9

Owo ommaliha ikhotto mulaponimu yootheene; Owo onintaka nyuupa anyaanyaka mavaka ahisaka ixikudu* ni mooro.

Masu a Miruku 20:7

Mutthu oororomeleya onkhalano okumi woororomeleya; oorelihiwa anamwanaawe!

Yesaya 30:16

Nyuwosa mweenre: ‘Hoye, nnootthawa ni ikavalu*.’ Vano munootthawa! ‘Nnimweettiha ikavalu* soowaakuveyaxa.’ Vano anamattharelelaanyu ti eneera yaakuve ophiya.

Yesaya 31:1

Ii wa yaale anrowa wExipitu yaasaasaka ekhavihero; yaale anroromela ikavalu* ni ikaarosaya soowaatta, anroromela mwa ikuru sa anamweettihaaya, mene khaaningweha Ootteela a oYixrayeli naari khaanaasaasa ekhavihero enrweela wa Yave.

Ezekiyeli 39:9

Vano, yaawo eniikhale musidadeni sa oYixrayeli, anookhuma, evareleke muteko ikapwitthi ntoko yoopattihera ni ehiseke – ixikudu* ikhaani ni itokweene, nyuura ni nyuupa, ikopo sa mukhottoni ni mavaka. Anoovarela muteko ntoko yoopattihera mweehuhuni ya iyaakha ithannapiili.

Hoxeya 14:3

awAsiriya khaangwera onivuluxa; khaniwelatho ikavalu* sa ekhotto. Seiye sipakiwe ni matataahu khaneerelatho ‘milukusahu,’ niwoko mwa Nyuwo mukwaasuni omphwanya ikharari.”

Nahumi 2:13

Yave a ikuru sootheene ongweerela: “Weyo ti Mwiittanaaka; kinoohisa ikaarosawo sa ekhotto mpaka otthuwa mwiixi, amwattwaawo yiiviwaka ni ekatana. Kinoomaliha olupatthawawo mulaponi, ni masu a anamitthenga awo khayiiwiwatho.”

Deuteronomiyo 7:16

Nyuwosa ontthuneya ophwata miloko sootheene Yave Mulukwaanyu aneeraawe oovahereraseni. Muhimoreliwe ikharari naari muhilape milukusaya niwoko eyo enimookhalelani ntapha.

Yoxuwa 10:8

Yave aamweerela Yoxuwa: “Muhiwoove mamwene awo, kowinnyerera mmatatanimwanyu. Khawowo hata mmoha a yaawosa ongwera woowinani.”

Yoxuwa 11:5

Vano mamwene ootheene ale yaathukumana enakonela mukerekhere wa maahi a oMeromi weera yaawaneno aYixrayeli.

Yoxuwa 11:7

Yoxuwa ni anakhottwaawe yaahaatutuxerasa mukerekhere wa maahi a oMeromi, enaawanano.

Yoxuwa 11:9

Yoxuwa aahaapaka ntoko Yave aamulamulenlaawe. Aakakattha itthottobwa ikavalusaya*, anahisa ikaarosaya.

Yoxuwa 3:5

Yoxuwa aaweerela atthu: “Mwiitteelihe, niwoko omaalo Yave onoopaka itthu sootikhiniheya variyariwanyu.”

Ahooleli 20:28

Pinehasi, mwaana mulopwana a Eleyazari, mwaana mulopwana a Aharoni, ti aarumeelawo. Yaamukoha Yave: “Niroweketho naawananeke axunnihu aBenyamini hoye hoye naari?” Yave aawaakhula: “Murowaseke, niwoko omaalo kinoowinnyerera mmatatanimwanyu.”

Ahooleli 7:9

Ohiyuweene yoole Yave aamweerela Gidiyoni: “Mvenye, murowe akonenlaayawo aMidiyani, niwoko kinoowinnyerera mmtatanimwanyu.”

1 Samuweli 11:9

Yaaweerela anamitthega oYabexi: “Mwaaleele asilopwana a oYabexi-Giliyade: ‘Omaalo nsuwa vamuru, munootapuxasiwa.’” Anamitthenga yaarowa, enaathalihera asilopwana a oYabexi Giliyade masu ale ni asilopwaneene yaale yaahakalalaxa.