Yoxuwa 11:21 - Emakhuwa Bible

²¹ Ehuhuweene yeele Yoxuwa aarowa waaphwata awAnaki a mmanyaakoni, oHeberoni, oDebiri, wAnabi ni nyaako sootheene sa oYuda ni oYixrayeli. Owo aahaaphwataxa vamoha ni isidadesaya.

Yoxuwa 11:21 Iomraidhean Croise

Yeremiya 3:23

Vekhaikhai, naalapaahu miluku sikina vanttumaxani ti wiilokottha; vekhaikhai ovuluxiwa wa oYixrayeli ori mwa Yave Mulukwaahu.

Yeremiya 9:23

Yave oneera ha: “Namiruku ahiivuwiheno mirukusawe hata nakuru mukurunimwawe naari namapuha moopuhanimwawe.

Amosi 2:9

Yaaroorakamaxaru ntoko mwiri wa esidari*, ni yaaroolipaxaru ntoko ikaravaliyu, ti Miyo kaaphwante awAmori ohoolo wa aYixrayeli. Koovurula soowiimasaya, kinaruttumula mikwankhwaarisaya.

Nuumeru 13:33

Noowoonatho aNeefili* – ekhapira ya Enaki, moota wooweera hiyo niixoona ntoko misoope, ni awosatho yaanoona hiiho.

Deuteronomiyo 1:28

Nnikele woowi? Axunnihu aanipororiha yeerakaru: ‘Atthu a weiwo ti oolipaxa ni oorakamaxa oonipwaha hiyo. Isidadesaya ti sitokotoko sikhalanaka ixiri soorakamela osulu. Noowoonawotho awAnaki.’”

Deuteronomiyo 2:21

Waari muloko woolipaxa, woowaatta ni woorakamaxa ntoko awAnaki. Yave aahaaphwata ohoolo wa awAmoni mwa yaawo yaawoomonle, eniitekiha mmapuronimwaya.

Deuteronomiyo 9:2

Atthu a weiwo ti oolipaxa ni oorakama; ti awAnaki! Nyuwosa mohiiwa wuulummwawaya mpaka moosuwela eneeriwa: “Khaawo ongwera waawina awAnaki!”

Yoxuwa 10:42

Owo aahaawina mamwene ootheene ale vamoha ni ilaposaya ekwaha emoharu yeeyo, niwoko Yave, Muluku a aYixrayeli, aahaawanela aYixrayeli.

Ethupululo 6:2

Kaaweha, ni ohoolowaka yaakhala ekavalu* emoha yootteela, ni yoole eettiha aakhalano muupa. Aavahiwa ecireemba ni owo aavenyawo, ntoko namawina oolikana owina.

Ahooleli 1:20

oHeberoni aavahiwa Kalebi, ntoko Moisesi aaroromelinghaawe. Vano Kalebi aawoomolawo anamwane asilopwana araru a Enaki.