Yoxuwa 11:15 - Emakhuwa Bible

¹⁵ Hiiho ntoko Yave aamulamulenlaawe murumeiyaawe Moisesi, hiihotho Moisesi aamulamulenlaawe Yoxuwa ni Yoxuwa aapaka yeeyo. Aapaka sootheene Yave aamulamulenlaawe Moisesi.

Yoxuwa 11:15 Iomraidhean Croise

2 Nyaha 30:12

oYuda, ntata na Muluku naari mwa muloko aavahaka wiiwanana mmuupuweloni weera ekwanihere yeeyo mwene ni asitokweenaawe yaalamulenlaaya, ettharihaka masu a Yave.

Nuumeru 33:50

Munghawalawani wa oMowabe, muxerexere Yordanu, okhopela wa oYeriko, Yave aamweerela Moisesi:

Nuumeru 33:52

mwawoomole amaki ootheene a mulaponi. Mwaphwate icaambulo soopatthiwa sootheene ni miluku sootheene soohaniwa, ni mwaaphwate altaaraaya ootheene ari mmattumuxanimwaya.

Matheyo 23:23

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mumvaha mpatta wanaamuloko wa sooreerela sooreeraxa, endro*, ni kominyu*, mene munnattiwala iyo sinnyesereriwa sa nlamulo: ekhaikhai, ikharari, ni ororomeleya. Ontthuneya nyuwo opaka itthusene seiya muhihiyakatho soopacera.

Luuka 11:42

Ii! Munoohaawa, nyuwo aFarisi*! Niwoko munimvaha Muluku anaamuloko a sooreerela sooreeraxa, aruda* ni a makukhu oohiyanahiyana a maphuwa ootheene a mutuphini, mene khamumpwatthela ekhaikhai ni osivela wa Muluku. Ontthuneya weera nyuwo mukwanihereke yeeyo, muhaahiyaka anaamuloko.

Miteko 20:20

Moosuwela weera nkaahovela woolaleerani yootheene yeeyo yaari ya mpuhaanyu, kaahooxuttihanitho sootheene mwaatthuni ni empa empa.

Miteko 20:27

niwoko kohoolaleerani otthuna wootheene wa Muluku.

Deuteronomiyo 12:32

Mwiipasoope weera mpake sootheene kinoolamulelaakani. Muhaandyeerere malamulo makina naari muhivukule malamulo a Yave.

Deuteronomiyo 31:3

Yave Mulukwaanyu muneenaawe onoomulapuwa ohoolowanyu. Owo onoophwata miloko iyo ohoolowanyu ni nyuwosa munookuxa elapwaaya. Yoxuwatho onoomulapuwa ohoolowanyu, ntoko Yave eenraawe.

Deuteronomiyo 31:5

Yave onoowinnyererasani ni nyuwosa mpakele iyo sootheene seiye koolamulenlaakani.

Deuteronomiyo 31:7

Vanonto, Moisesi aamwiitthana Yoxuwa, anamweerela vamaithoni wa aYixrayeli ootheene: “Mukhaleke oolipa ni oominya murima, niwoko ti nyuwo munimuhoolele muloko ola mweelaponi Yave aaroromelingaawe waavaha makholowaaya ni mwaakaweleke ntoko yoohiyeriwaaya.

Deuteronomiyo 4:2

Muhaandyeerere malamulo makina naari muhivukule malamulowaaka, mene mwiiwelele malamulo a Yave Mulukwaanyu mwa yaawo kinoolamulelaakani.

Deuteronomiyo 4:5

Moone, kohooxuttihani ikano ni malamulo ntoko aakilamulenlaawe Yave Mulukwaaka weera mwiiwelele yaawo mweelaponi muneeraanyu mvolowe weera mwakuxase.

Deuteronomiyo 7:2

Yave Mulukwaanyu aawinnyererakani ni mwaawinaka, vano ontthuneya ophwata woomalela. Muhiiraaneno naari muhimoreliwe ikharari.

Yoxuwa 1:7

Mukhaleke ookhomaala ni oolipaxa murima! Nnene woowiiwelela malamulo ootheene murumeiyaaka Moisesi oovanghaaweni, muhihapuwelaka moono mulopana naari muthiyana weera siweetteleni nnene weiwo muneeraanyu mvireke.

Yoxuwa 11:12

Yoxuwa aawina isidade sa emwene sootheene iye, awiivaka mamwenaaya. Aaphwata woomalela, ntoko Moisesi murumeiyi a Yave aalamulenlaawe.

Yoxuwa 11:14

aYixrayeli yaahiikuxera soohuhula ni mihuwo sootheene sa isidade iye, nave yaawiiva amaki ootheene woomalelaxa, ehimuhiyaka mukumi.

Yoxuwa 11:16

Hiiho Yoxuwa aakuxa elapo yootheene ele – elapo ya mmanyaakoni, oNegeba wootheene, elapo yootheene ya oGoxeni, elapo ya vathi wa mmanyaakoni, wAraba, nyaako sa oYixrayeli ni mihawalawasaya.

1 Samuweli 15:11

“Koothanana omvarawaka omwene Sawuli niwoko ookihiya ahiiwelelaka soolamulasaka.” Samuweli aahitta, anamukhuwelela Yave ohiyu wootheene ole.