Yoxuwa 10:13 - Emakhuwa Bible

¹³ Vanonto, nsuwa naaheemela ni mweereene mpaka aYixrayeli owiinlela ikuhu amwiittanaaya, ntoko elempwalaaya mulivuruni ya Yaxari. Nsuwa naaheemela eriyari erimu wookwanaka nihuku nootheene ohiilaka.

Yoxuwa 10:13 Iomraidhean Croise

2 Samuweli 1:18

alamulelaka weera yaxuttihiwe asilopwana ootheene a epuumba ya Yuda. Ecipo ela yoolalamika esuweliwe ntoko ecipo ya Nyuura ni yoolempwa mulivuruni ya Yaxari:

2 Mamwene 20:10

Hizekiya aamwaakhula: “Khoonrika munttuusi orowa ohoolo. Fataari ohokoleeleke ottuli.”

Exteri 8:13

Ekaratta emoha ya ekano yaalempwale eweheriwaka sikina yaathalihiwa ntoko nlamulo wa khula elapo esuwelihiwaka miloko sootheene weera nihuku nno aYuda ekhale oolikaneene wiixaakiha ni amwiittanaaya.

Yobi 9:7

Onuuluma ni nsuwa ni nno khannoopa; Owo oniipithiha waara wa ithenyeeri.

Icipo 148:3

Munttottopele Yave nyuwo nsuwa ni mweeri; munttottopele Yave nyuwosa ithenyeeri sootheene soowaaraxa.

Icipo 19:4

Vaheera nsunaya ninsuwanyeya mweelaponi ya vathi yootheene ni maswaaya mpaka ekotenle elapo. Wiirimu Yave aakungela nsuwa eheema,

Yesaya 24:23

Mweeri onooyeviheya ni nsuwa nnimuulihiheya muru niwoko Yave a ikuru sootheene onoolamula vamwaako Siyoni ni oYerusaleemu – oovuwihiweene vamaithoni wa asitokweenaawe.

Yesaya 38:8

Kinoopakiha weera munttuusi wa nsuwa otuphele ohokoleelaka ottuli malipa muloko, ottharaka mwaakheriwe mmakweeleloni a Ahazi.’ ” Vano nsuwa naahokoleela malipa muloko.

Yoweli 2:10

Ohoolowaya elapo enootetereya, erimu enothukumela, nsuwa ni mweeri soophilaatteya ni ithenyeeri soohiya waara.

Yoweli 2:31

Nsuwa nnithatuwe epiphi ni mweeri onuuthatuwe ephome nihinaaye ophiya nihuku ntokweene ni noowoopihaxa na Yave.

Yoweli 3:15

Nsuwa ni mweeri sinooriipihana ni ithenyeeri khasaara.

Habakuki 3:11

Nsuwa ni mweeri saaheemela wiirimu woowoona otutha wa nyuupasanyu sivavaka; waara wa nivakananyu noowaaraxa.

Nuumeru 21:14

Tivawo eneeriwaaya mulivuruni ya ikhotto sa Yave: “oWayebi mulaponi mwa wOsufa ni moovinavineya mwa mooloko wArenoni

Nuumeru 31:2

“Ngwiinlele ikukuttula aMidiyani mwa yeeyo yaapakenlaaya aYixrayeli. Vahoolowaya, nyuwo munoothukumanyihiwa ni makholowaanyu.”

Matheyo 24:29

Woowaakuveya saamalakaru soohooxa sa mahukweene yaawo, ‘Nsuwa khanoopa ni mweeri khawaaratho; ithenyeeri sinoomora sikhumaka wiirimu, ni ikuru sa wiirimu nsikhale sootathiwa.’

Matheyo 5:45

weera nyuwo mukhale anamwane a Atithinyu ari wiirimu. Vano, Yaawo anaariha nsuwanaya nnaamwaleela oonanara murima ni ooreera murima, ni animwaarupihela epula oororomela ni oohiroromela.

Luuka 18:7

Weeraka Muluku khanrowa owuulumela mulattwaaya oothanliwaawe, animdyoonttelela ohiyu ni othana? Anaapwaherere waawehereriha vancipale?

Miteko 2:20

Nsuwa nnithatuwe epiphi, ni mweeri onuuthatuwe ephome nihinaaye ophiya nihuku ntokweene ni noovuwaxa na Apwiya.

Yoxuwa 10:11

Vano awosa yaatthawaka aYixrayeli onkhuruweloni wa oBeti-Horoni mpaka wAzeka, Yave aahaavonyera maralala matokweene wiirimu yaawiivale atthu ancipale opwaha ikatana sa aYixrayeli.

Yoxuwa 10:14

Hata khalayi naari ohoolo khanirwa nikhala nihuku nikina ntoko nenne, Yave aamwaakhulenlaawe mutthu. Vekhaikhai Yave aawana aweerelaka aYixrayeli!

Ethupululo 21:23

Esidade kheenghaawela nsuwa, hata mweeri weera omwaleele, niwoko ovuwa wa Muluku onnamwaleela, ni Eputtiputthi ti onyaaraaya.

Ethupululo 6:10

Awo yaakhuwela ni nsu ntokotoko: “Mpaka yaakhani, Namalamula, Ootteela ni Ekhaikhai nnoowehereraahuni weera mwaathorihe atthu amanke elapo ya vathi ni mwiinlele ikuhu ephomaahu?”

Ethupululo 6:12

Kaahoona Eyo yaahunlaaya ewalelo* yanaathannamosa. Waakhumelela otetereya otokotoko. Nsuwa naariipa ntoko makhala oohisiwa; mweeri waaxeera ntoko ephome,

Ethupululo 8:12

Ndyelo anaaxexe aahiipa nipalapattanawe, ni mpatta wanaararu wa nsuwa, wa mweeri, ni wa ithenyeeri waamaniwa, moota wooweera mpatta wanaararuwaaya waariipa ni mpatta wanaararu wa othana ni wa ohiyu khawaanre.

Ahooleli 16:28

Vano Samesoni aamvekela Yave eeraka: “Ii! Yave, Yave! Mukuupuweleleke miyo. Ii! Muluku! Kinoodyoonttelelani weera mukivahe ikuru emaara yookisera ela. Kintthuna waarulela ikukuttula aFilisti niwoko na maithwaaka.”

Ahooleli 5:2

“Asitokweene a aYixrayeli ehoolelaka ni muloko wiiveleelaka ni otthunawaya, Yave atthapeliwe!