Yoxuwa 1:8 - Emakhuwa Bible

⁸ Masu a Elivuru ela ya Nlamulo ekhaleke mmwaanomwanyu. Mutthokelele othana ni ohiyu weera mukwanihere oororomeleyeene sootheene silempwalemo. Hiiho munooreereliwa mphironimwanyu siweettelakani nnenesene.

Yoxuwa 1:8 Iomraidhean Croise

Epacerero 24:63

Oxekuwa omoha, aavenya akelaka omatta weera atthokelele. Attukhulaka maitho, aahoona ikamelu* saattamelaka.

2 Nyaha 26:5

Owo aamwaasa Muluku mweehuhuni ya okumi wa Zakariya, mwa yoowo aamuhusihale moomoovani Muluku. Mweehuhuni yootheene Uziya aamwaasaawe Yave, Muluku aamweettiherela nnene.

Icipo 119:11

Koothokorora maswaanyu mmurimanimwaka weera kihootthekeleni.

Icipo 119:15

Kintthokelela ikanosanyu ni kinuupuwela nnenesene iphirosanyu.

Icipo 119:97

Ii! Moota ankisivelaaya malamulowaanyu! Miyo kintthokelela nihuku nenenno.

Icipo 119:99

Kinniiwexexa waapwaha ahusihaaka ootheene, niwoko kintthokelela ikanosanyu.

Icipo 19:14

Masu a eyaanowaaka ni sootthokelela sa murimaaka soosiveliheni Nyuwo Yave, Mwalaaka ni Namoopolaaka.

Icipo 40:10

Nkiniipithiha ekhaikhaiyaanyu mmurimanimwaka; kinuuluma sa ororomeleyawanyu ni ovuluxawanyu. Nkiniipithiha osivelawanyu naari ekhaikhaiyaanyu mmuthukumanoni mutokotoko.

Masu a Miruku 3:1

Mwanaka ohittiwale oxuttihawaka, mene othokorore malamulowaaka vamurimani,

Yesaya 59:21

Vano Yave oneera: “Wa Miyo, owiiraananawaka yaawo ti wu: Munepaaka ori mwa nyuwo ni maswaaka kihenlaaka vayanoniwanyu khayoohiyani eyanowaanyu hata iyano sa anamwaniinyu naari iyano sa ikhapirasaya okhuma vaanaanova mpaka ommaleloni,” onghima Yave.

Matheyo 12:35

Mulopwana ooreera murima onookhumiha itthu sooreera mmuhakhunimwawe wooreera, ni mulopwana oonanara murima onookhumiha itthu soonanara sa mmuhakhunimwawe woonanara.

Matheyo 28:20

mwaaxuttihaka wiiwelela sootheene Miyo koolamulenlaakani. Ni Miyo kinookhala ni nyuwo mahuku ootheene, mpaka ommaleloni wa ehuhu.”

Matheyo 7:21

Khaahiyono ootheene ankeerela ‘Apwiya, Apwiya!’ eniivolowe moomweneni wa wiirimu, mene paahi yaawo ampaka otthuna wa Atithaka ari wiirimu.

Matheyo 7:24

Tivawo, yoowo oniiwa maswaaka yaala ni oniiwelela, ori ntoko namiruku otenke empaawe vamwala.

Luuka 11:28

Owo aamwaakhula: “Ooreelihiwa oophwaha ti yaale aniiwa masu a Muluku ni aniiwelela.”

Yohaane 13:17

Hapo nyuwo moosuwela itthu iya, mmwireelihiwe mwapaka seiya.

Yohaane 14:21

Yoowo okhalanne malamulowaaka ni oniiwelela, ti yoowo onkisivela. Yoowo onkisivela, anaasiveliwe ni Atithaka ni Miyotho nkimusivele ni nkiixoonihere wa yoowo.”

awEfeso 4:29

Ehikhume mmwaanomwanyu masu oonanara, mene masu paahi angwera waapuhiha akina ntoko entthuneyaaya weera yaavahe mahala yaale aniiwa.

Deuteronomiyo 29:8

Naakuxa elapwaaya, nnaavaha aRubeni, aGadi ni eriyari ya epuumba ya Manaxe ntoko yoohiyeriwa.

Deuteronomiyo 29:9

Mutthariheke oororomeleyeene sootthuneya sa wiiraana wu weera itthu siweetteleni nnenesene mwa sootheene muneeraanyu mpake.

Deuteronomiyo 30:14

Hoye! Nlamulo nri vakhiviruwanyu – nri mmwanomwanyu ni vamurimaniwanyu – tivawo nyuwosa muneeraanyu mweetteleke.

Deuteronomiyo 31:11

aYixrayeli ootheene ereene vamaithoni wa Mulukwaanyu vanipuroni Owo aneeraawe athanle, vano mwaasomelekewo Nlamulo nna mwaatthuni.

Deuteronomiyo 31:24

Moisesi amalihakaru olepa masu ootheene a nlamulo nna mulivurini,

Deuteronomiyo 5:1

Moisesi aahaathukumanyiha aYixrayeli ootheene anaweerela: “Mwiiwe aYixrayeli ikano ni sooruma kinooleelaakani olelo. Muxuttere ni mweettele nnenesene.

Deuteronomiyo 5:29

Ohaawelawaka ti weera owo opwaherere otthuna okittittimiha ni wiiwelela malamulowaaka ootheene weera weetteleye nnene muloko owo ni anamwanaaya wa mahuku ootheene!

Deuteronomiyo 5:32

Tivawo, mwiipasoope woopaka sootheene Yave Mulukwaanyu oolamulenlaaweni; muhihapuweru.

aKolosi 3:16

Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu.

Yoxuwa 1:7

Mukhaleke ookhomaala ni oolipaxa murima! Nnene woowiiwelela malamulo ootheene murumeiyaaka Moisesi oovanghaaweni, muhihapuwelaka moono mulopana naari muthiyana weera siweetteleni nnene weiwo muneeraanyu mvireke.

Yoxuwa 8:34

Vahoolowaya Yoxuwa aasoma masu ootheene a malamulo – mareeliho ni malapho– ntoko elempwalaaya mulivuruni ya Nlamulo.

Ethupululo 22:14

Ooreelihiwa ti yaawo ankattha soowarasaya, weera ewere ophiya vamwirini wa okumi, ni weera evolowe musidadeni, eviraka mmilakoni.