Yoxuwa 1:6 - Emakhuwa Bible

⁶ Mukhaleke ookhomaala ni oolipa murima, niwoko munoohoolela muloko ola weera mphwanye elapo kaaroromelinghaaka ni nlipelo makholowaanyu ovaha.

Yoxuwa 1:6 Iomraidhean Croise

Epacerero 12:7

Vano vaavaale Yave aahiixoonihera wa Abraamu, anamweerela: “Kinoovahani elapo ela ni wa ekhapiraanyu yootheene.” Vanonto Abraamu aamutekela Yave altaari* vanipuroni nne iixoonihenraawe.

Epacerero 26:3

Mpwaherereke okhala elapweene yeela mahuku vakhaani. Miyo nkikhale ni nyuwo, nitho nkooreeliheni. Nkoovaheeni, nyuwo vamoha ni ekhapiraanyu yootheene elapo yootheene ela ni nkikwanihere nlipelo kaapakenlaaka atithinyu, Abrahaamu.

2 Samuweli 10:12

Murima khuru, niwanele mulokwaahu ni isidade sa Mulukwaahu oolipeene murima. Yave apake yeeyo enimureerela.”

1 Mamwene 2:2

“Miyo kihanle vakhaani okhwa. Mwiilopwaneihe, mukhaleke oolipa.

1 Nyaha 22:13

Weyo sinooweettela nnenesene wiipasoopa wiiwelela ikano ni malamulo Yave aavanghaawe aYixrayeli mwa Moisesi. Olipe ni ominye murima! Ohoove ni ohiporore!

1 Nyaha 28:10

Woone, Yave oothanlenle oteka Empaawe mwa yeeyo eniikhale Nipuro Nootteela*. Olipe ni ovare muteko.”

1 Nyaha 28:20

Davide aamweerelatho: “Olipe ni ominye murima! Ovare muteko! Ohoove hata ohiporore, niwoko Muluku, Yave Mulukwaaka, ori ni weyo. Owo kharwa oohiya hata oothaama mpaka omala otekiwa wootheene wa Empa ya Yave.

2 Nyaha 15:7

Mene mukhale oolipa ni muhiporore, niwoko munootthuveleliwa mutekwaanyu.”

2 Nyaha 20:11

Vano ngwoone moota annirukunuwelaaya, erwaaka onoomola mulaponi munivanghaanyu ntoko yoohiyeriwa.

2 Nyaha 20:7

Nyuwo ti Mulukwaahu ngwoomonle amaki a elapo ela ohoolo wa aYixrayeli, mulokwaanyu, munavaha wa mahuku ootheene ekhapira ya nthamwenaanyu Abrahaamu.

Icipo 27:14

Mungweherere Yave, mukhale oolipa ni oominya murima; mungweherere Yave!

Daniyeli 10:19

Owo aakeerela: “Ii! Mulopwana oosiveleyaxa, muhoove. Murettele okhaleke ni nyuwo! Mukhaleke oolipa, aani oolipaxa.” Owo ahimakaru masu ale, kaalipihereya, kinamweerela: “Pwiiyaaka, muulume mweenre mukivaha ikuru.”

Axewu 2:4

Mene vano, mulipihe murima Zerubabeli,’ onghima Yave. ‘Mulipihe murima, Yoxuwa, mwaana mulopwana a Yehozadaki, mutokweene a asaserdoti*. Mulipihe murima! ootheene nyuwosa a muloko wa mulaponi ni muvare muteko,’ onghima Yave, ‘niwoko Miyo kiri ni nyuwosa,’ onghima Yave a ikuru sootheene.

Zakariya 8:9

Yave a ikuru sootheene oneera ha: ‘Nyuwosa muniiwa masu ala olelo ahimmwale ni maprofeeti yaapaceriwaaya mathipelo a Empa ya Yave a ikuru sootheene, mukhale nyoono wii weera Empa ya Yave etekiwe.

Nuumeru 26:53

“Elapo enookawaniwa eriyaraaya ntoko yoohiyeriwa, ottharihiwaka waatta wa masina alepingwe a khula nihimo.

Nuumeru 33:53

Mwakuxe elapo ni mwamakemo, niwoko Miyo kohoovahasani elapo weera ekhale yawinyu.

1 aKorinto 16:13

Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa.

awEfeso 6:10

Vanonto, mwiilipihe mwa Apwiya ni mwa ikurusaya sitokotoko.

Deuteronomiyo 1:21

Moone, Yave Mulukwaanyu ohiikaati elapo ela ohoolowanyu. Murowe, mwakuxe, ntoko Yave, Muluku a makholowaanyu oweerenlaaweni. Muhoove hata muhiporore.”

Deuteronomiyo 1:8

Moone, kohoovahani elapo eyo. Mwavolowe ni mwakuxe elapo Yave aaroromelinghaawe ni nlipelo waavaha makholowaanyu Abrahaamu, Isaki Yakobe ni ekhapiraaya.”

Deuteronomiyo 11:8

Tivawo, mwiiwelele malamulo ootheene kinoovahaakani olelo weera mphwanye ikuru soovolowela ni owina elapweene yeeyo munrowaanyu, ni

Deuteronomiyo 31:23

Yave aamvaha Yoxuwa, mwaana mulopwana a Nuni nlamulo nna: “Mukhaleke oolipa ni oominya murima, niwoko nyuwo munoohoolela muloko wa aYixrayeli mweelaponi kaaroromelinghaaka ni nlipelo ni Yoomeene kinookhala ni nyuwo.”

2 Timootheyo 2:1

Tivawo, weyo mwanaka, olipihere murima mmahalani ari mwa Kristu Yeesu.

Yoxuwa 1:18

Yoowo anaarambure mahusihowaanyu ahiiwelelaka yoohimaanyu apakeye yeeyo muneeraanyu mulamulele, iiviwe. Mukhaleke paahi ookhomaala ni oolipa murima.”

Yoxuwa 1:7

Mukhaleke ookhomaala ni oolipaxa murima! Nnene woowiiwelela malamulo ootheene murumeiyaaka Moisesi oovanghaaweni, muhihapuwelaka moono mulopana naari muthiyana weera siweetteleni nnene weiwo muneeraanyu mvireke.

Yoxuwa 1:9

Kohoolamulelani: Mukhaleke ookhomaala ni oolipa murima. Muhoove hata muhiporore, niwoko Yave Mulukwaanyu onookhala ni nyuwo weiwo muneeraanyu mvire.”

Yoxuwa 10:25

Yoxuwa aaweerela: “Muhoove. Muhiporore. Mukhomaale ni mulipihe murima. Ti yeeyo Yave aneeraawe aapakeleke amwiittana ootheene muneeraanyu mwaawananeke.”

Yoxuwa 13:6

Vano wa ootheene amanke mmanyaakoni okhuma oLibanu mpaka oMiserefoti-Mayimi, eyo tiiyo aZidoni ootheene, Miyo muneenaaka kinoowoomola ohoolo wa aYixrayeli. Ontthuneya nyuwo waakawela aYixrayeli elapo eyo ntoko yoohiyeriwa, keenre Miyo koolamulelakani.

Yoxuwa 18:3

Yoxuwa aaweerela aYixrayeli: “Mpaka yaakhani muramusaka okuxa elapo Yave, Muluku a makholowaanyu, oovanghaaweni?

Yoxuwa 21:43

Hiiho Yave aahaavaha aYixrayeli elapo yootheene aaroromelinghaawe ni nlipelo makholowaaya ni awosa yaakuxasa, eniitekihasa.

Yoxuwa 5:6

aYixrayeli yaaheetta munikareni wa iyaakha miloko mixexe mpaka anakhotto ootheene yaakhumme wExipitu okhwaasa yeenre yahaamwiiwelelaka Yave. Vano Yave aahaaroromeliha ni nlipelo weera khayaarwa woona elapo Owo aaroromelinghaawe makholowaaya weera aannivaha, elapo yoosareya mukaka ni oravo.

1 Samuweli 4:9

Mwiilipihe aFilisti! Mukhaleke ni mirima soolipa weera muhithatuwe ipottha sa aHeberi ntoko yaaraaya ipotthasanyu. Mukhaleke ni mirima soolipa ni ngwaneke!”