Yoxuwa 1:5 - Emakhuwa Bible

⁵ Khaawo eniiwere woowinani mmahukuni ootheene a okumaanyu. Kinookhala ni nyuwo ntoko kaaraaka ni Moisesi. Nkirwa koohiyaani meekhiinyu.

Yoxuwa 1:5 Iomraidhean Croise

Epacerero 39:2

Yave aari ni Yoseefe ni aamukhavihera weera sootheene simweettele nnenesene ni aakhala vaate wa apwiyaawe ngwExipitu.

1 Mamwene 1:37

Mooteene yoowo Yave aaraawe ni pwiiyaaka mwene, hiihotho akhaleke ni Salomoni weera omwenaawe okhale woovuwaxa opwaha wa pwiiyaaka mwene Davide!”

1 Mamwene 11:38

Mwapaka yeeyo kineeraaka koolamuleleni ni mweetta mphironimwaka mwemmo Miyo kintthunaaka mwiiwelelaka ikanosaka ni malamulowaaka ntoko aapankaawe murumeiyaaka Davide, kinookhala ni nyuwo. Kinimoovahani omwene wa mahuku ootheene ntoko kaampakenlaaka Davide ni kinimoovahanitho oYixrayeli.

1 Mamwene 6:13

Miyo kinookhala variyari wa aYixrayeli kihihiyaka mulokwaaka.”

1 Mamwene 8:57

Yave Mulukwaahu akhaleke ni hiyo ntoko aaraawe ni makholowaahu; Owo ahinihiye naari ahinithaame.

1 Nyaha 28:20

Davide aamweerelatho: “Olipe ni ominye murima! Ovare muteko! Ohoove hata ohiporore, niwoko Muluku, Yave Mulukwaaka, ori ni weyo. Owo kharwa oohiya hata oothaama mpaka omala otekiwa wootheene wa Empa ya Yave.

Icipo 46:11

Yave a ikuru sootheene ori ni hiyo; Muluku a Yakobe ti Nipuronahu Noolipaxa. Sela*

Okhuma 3:12

Muluku aamwaakhula: “Miyo nkikhale ni nyuwo. Ni ela eri eneneero weera ti Miyo kinoorumihani: Mwaakhumihaka atthu mwExipitu, nyuwosa mmwinlape Muluku mwaakweene yoola.”

Yesaya 42:16

Kinooweettiha oohoona mphironi ahisuwenlaaya; mphironi soohisuwanyeya kinooweettiha. Kinootatuxa epiphi waara ohoolowaya ni iphiro soothipeya kinoothatawaliha. Ti seiyo itthu kineeraaka kipake, ni Miyo nkaahiya.

Yeremiya 1:8

Muhiwoove yaawo, niwoko Miyo kiri ni nyuwo ni kinimookosoopani,” onghima Yave.

Daniyeli 11:16

Namahuhula owo onoopaka yeeyo ontthunaawe; khaawo aneera amooceelihe. Owo onimwiitekiha mweelaponi Yooreeraxa ni onookhalano ikuru soophwatano yeeyo.

Matheyo 28:20

mwaaxuttihaka wiiwelela sootheene Miyo koolamulenlaakani. Ni Miyo kinookhala ni nyuwo mahuku ootheene, mpaka ommaleloni wa ehuhu.”

aRooma 8:31

Nneereke hai sa itthusene seiya? Muluku aari ni hiyo, taani aniittane ni hiyo?

aRooma 8:37

Mwa itthu sootheene seiyatho, nri anamawina oopwahaxa niwoko na Yoole onisivenle.

Deuteronomiyo 20:1

Mwarowa waawanano amwiittanaanyu ni moona ikavalu*, ikaaro sa ikavalu* ni anakhotto oowaattaxa waapwaha awinyu, muhiwoove, niwoko Yave Mulukwaanyu ookhumihaleni wExipitu, onookhala ni nyuwosa.

Deuteronomiyo 20:4

Yave Mulukwaanyu onimoohoolasani oowanelasakani mwa amwiittanaanyu weera oowinihaseni.”

Deuteronomiyo 31:23

Yave aamvaha Yoxuwa, mwaana mulopwana a Nuni nlamulo nna: “Mukhaleke oolipa ni oominya murima, niwoko nyuwo munoohoolela muloko wa aYixrayeli mweelaponi kaaroromelinghaaka ni nlipelo ni Yoomeene kinookhala ni nyuwo.”

Deuteronomiyo 4:31

Vano Yave Mulukwaanyu ti Muluku a ikharari. Owo khoohiyasani hata khoophwatasani naari khattiwala wiiraana aapakenlaawe makholowaanyu ni nlipelo.

Deuteronomiyo 7:24

Owo onoowinnyerera mmatatanimwanyu mamwenaaya ni nyuwosa munoocipiha masinaaya mulaponi moota woomalela. Khaawo anoowereeni mpaka muneeraanyu mwaaphwate.

2 Timootheyo 4:17

Apwiyatho yaari ni miyo ni aakivaha ikuru weera mutthenga olaleiwe nnenesene ni miyo, ni weera amalapo ootheene yiiwe owo. Ni miyo koovuluxiwa mmwaano mwa mwatto.

aHeberi 13:5

Muhilamuliweke ni osivela wa musurukhu, ni muhakalaleleke yeeyo murinaanyu, niwoko Muluku mwaneenaawe eenre:“Nkirwa koohiya, naari koothaama.”

Yoxuwa 1:17

Hiiho ntoko naamwiiwelenlaahu nnenesene Moisesi, nnoowiiwelelani nyuwotho. Yave Mulukwaanyu akhaleke ni nyuwo ntoko aaraawe ni Moisesi.

Yoxuwa 1:9

Kohoolamulelani: Mukhaleke ookhomaala ni oolipa murima. Muhoove hata muhiporore, niwoko Yave Mulukwaanyu onookhala ni nyuwo weiwo muneeraanyu mvire.”

Yoxuwa 10:8

Yave aamweerela Yoxuwa: “Muhiwoove mamwene awo, kowinnyerera mmatatanimwanyu. Khawowo hata mmoha a yaawosa ongwera woowinani.”

Yoxuwa 21:44

Yave aahaavahasa wiitthuuwa wa mipatta sootheene, ntoko aaroromelinghaawe ni nlipelo makholowaaya. Khaawo a amwiittanaaya aawera waawanano, niwoko Yave aawinnyerera ootheenaawo mmatatanimwaya.

Yoxuwa 3:7

Vano Yave aamweerela Yoxuwa: “Olelo kinoopacera woovuwihani vamaithoni wa aYixrayeli ootheene weera esuwele weera Miyo kiri ni nyuwo ntoko kaaraaka ni Moisesi.

Yoxuwa 6:27

Vano Yave aari ni Yoxuwa ni epilaawe yaamwareela mweelaponi.

Ahooleli 2:18

Imaara sootheene Yave aarumihelaawe muhooleli, Owo aakhala ni muhooleli aavuluxaka mmatatani mwa amwiittanaaya, muhooleli areene nlelo ni okumi. Yave aahaamorela ikharari mwaha wa wiinlawaya ohoolo wa yaale yaahooxa ni yaathananiha.

Ahooleli 6:16

Yave aamwaakhula: Miyo kinookhala ni nyuwo ni munimwaawina anakhotto a aMidiyani ootheene.”

1 Samuweli 10:7

Hiiho sineeraaya sikwanihereyeke ineneero iyo, mwapake yeeyo eniyooreereleni, niwoko Muluku ori ni nyuwo.