Yoweli 3:9 - Emakhuwa Bible

⁹ Mwalaleiye yeeyo eriyari ya miloko: Mwiirehererele okhottoni! Ngweemexe anakhotto. Anakhotto ootheene yaattameleke weera ewane!

Yoweli 3:9 Iomraidhean Croise

Icipo 96:10

Mweere eriyari ya miloko: “Yave onlamula.” Elapo ya vathi eri yoolipeene ni kheenttikinyeya. Owo onoothoriha miloko mweekhaikhaiyini.

Yesaya 34:1

Murweeke, nyuwosa miloko ni mwiiwe, mwiiwe nnenesene miloko nyuwosa! Elapo yiiwe ni sootheene sirimo; elapo ya vathi ni sooruwerasaya!

Yeremiya 31:10

Ii! Miloko, mwiiwe masu a Yave, ni mulaleiye mucirumbani soorakamela: ‘Yoole aamwaranxe aYixrayeli onimwaathukumanyiha ni, onoowehaweha muhuwaawe ntoko mukukhuli.’

Yeremiya 50:2

“Muhime ni mulaleiye eriyari ya miloko, mweemexe eneneero ni mulaleiye; muhikhuweru. Mweere: ‘oBabiloniya woowiniwa; Beli ooyevihiwa, Marduki ootteenguwa. Icaambulo sa aBabiloniya sooyevihiwa ni milukusaya sootteenguwa.’

Yeremiya 51:11

Munone nyuupa, mukuxe ixikudu! Yave ohaatannya mamwene a oMediya, eerelaka ophwata oBabiloniya. Yave onimwiinlela ikukuttula ophwatiwa wa Empaawe!

Yeremiya 51:27

“Mweemexe eneneero mulaponi! Mwiipe nipalapatta eriyari ya miloko! Murehererele miloko soowanano; mwiitthane imwene iya: wArarate, oMini ni wAxekenaxi. Munthanlele mutokweene a anakhotto anaawaneno; murumihele ikavalu* okhottoni ntoko nasope.

Yeremiya 6:4

“Mwiirehererele ongwanano! Mvenye, niwananeke nsuwa vamuru! Mene ii! Nsuwa noothetemana ni munttuusi wa oxekuwa woorakama.

Ezekiyeli 38:17

Yave onlamula sootheene, oneera ha: ‘Weeraka nyuwo khamuhiyono yoole kaamuhimaaka mmahukuni avinre, mwa arumeiyaaka, maprofeeti a oYixrayeli? Ehuhuweene yeele, awosa yaathalihera otthuna wa Muluku iyaakha sincipale weera Miyo kaamooruuhani weera mwaawaneno aYixrayeli.

Ezekiyeli 38:7

Mwiireherere; mukhale oolikaneene, nyuwo ni nakupa ootheene oorukureenreni, ni mukhale muhoolelaaya.

Mikeyasi 3:5

Yave oneera ha: “Nyuwosa maprofeeti oowootha munghapuxa mulokwaaka! Mukina oovahakani yooca, munlaleiya, murettele, vaheera yaahoovahani yooca, munaalaleerela ekhotto.

Axewu 2:7

Kinoothukumeliha miloko sootheene, mwa seiyo, sinooruuha mihakhusaya ni kinoosariha ovuwa Empa ya Muluku ela,’ onghima Yave a ikuru sootheene.

Zakariya 14:2

Kinoothukumanyiha miloko sootheene weera siwaneno oYerusaleemu; esidade enookuxiwa, impasaya sinoohuhuliwa ni asithiyana anoopuheriwa. Eriyari ya amaki a esidade anooronghiwa ottai ootthukiweene, mene akinaawo kheeronghiwa.

Zakariya 14:3

Vano Yave onookhuma awananeke milokosene seiyo, ntoko ongwanaawe vanihukuni na ekhotto.