Yoweli 3:2 - Emakhuwa Bible

² kinoothukumanyiha miloko sootheene, kikuruxelaka mureyareyani na Yehoxafati. Nkathorihelewo miloko mwaha wa yoohiyeraaka, eyo tiiyo mulokwaaka aYixrayeli, niwoko iyo soomwaraxa mulokwaaka siikawelaka elapwaaka.

Yoweli 3:2 Iomraidhean Croise

2 Nyaha 20:26

Vanihukuni nanaaxexe, awosa yaathukumana vanreyareyani na oBeraka, yaamvuwihalaayawo Yave. Tivawo mpaka olelo nreyareya nno nniitthaniwaaya Beraka.

Yesaya 66:16

Vano Yave onookwanihera waathoriha atthu ootheene ni mooro ni ekatanaawe; ancipale animwiiviwa ni ntatanawe.

Yesaya 66:18

“Niwoko na mitekosaya ni soovaanyasaya kinimoorwa othukumanyiha miloko ni ipuumba sootheene sa elapo ya vathi ni seiyo sinimoowa, sooneke ovuwawaka.

Yeremiya 12:14

Yave oneera ha mwaha wa amwaattamanaaka ootheene, miloko sootakhala sinaakamela yoohiyeriwa kaavanghaaka aYixrayeli mulokwaaka: “Kinoowaakha mweelaponimwaya ni kinoovenxa oYuda eriyaraaya.

Yeremiya 25:31

Munyakunyaku oniiwanyeya mpaka ekotenle elapo, niwoko Yave onthoonyera soopaka sa miloko, ni onthoriha omutthu wootheene: Owo onoowinnyerera atakhali woophwatiwani ni ekatana,’ ” onghima Yave.

Yeremiya 49:1

Mwaha wa awAmoni: Yave oneera ha: “Weeraka Yixrayeli khanono anamwane? Khawoworu namahiyeriwa? Heeni Moleki iikuxenraawe oGadi? Mulokwaawe onkhalelani musidade sa oGadi?

Yeremiya 50:17

Yixrayeli muhuwo woomwaraxiwa, woomoliwe ni amwatto. Opacenre omunyaanya aari mwene a wAsiriya; oomalihera opwexakasa makhuvaaya aari Nebukadenezari, mwene a oBabiloniya.”

Ezekiyeli 25:8

“Yave onlamula sootheene oneera ha: ‘Eenre Mowabe ni Seyiri eeraka ha: “Moone, muloko wa Yuda woothatuwa ntoko miloko sikina sootheene,”

Ezekiyeli 34:6

Ikhondoolosaka sooxoraxorela mmanyaakoni ni mmattumuxani oorakamela osulu ootheene. Soomwareela elapo yootheene, ni khaawo otthukuruwenle ni aasaanse.

Ezekiyeli 35:10

Mweenre nyuwo mweera: “Ilapo ni miloko miili iya nsikhale sawihu ni nnikuxe,” Miyo kiri weiwo,

Ezekiyeli 36:1

“Mwaana a mutthu, muthaliherele otthuna wa Muluku nyaako sa oYixrayeli, mweeraka: ‘Ii! Nyaako sa oYixrayeli, mwiiwe masu a Yave.

Ezekiyeli 36:5

Yave onlamula sootheene oneera ha: Muhacenimwaka moopatta, kohuulumela miloko sihanle ni wEdomi wootheene, niwoko moohaawelani ni murima woonanara yaakhaliha elapwaaka okhala yawayeene, weera ehuhule mihuwosaya.’

Ezekiyeli 38:22

Kinoomuthorihela yoowo nihooxo ni oyeehiwa wa ephome; kinoorupiha epula yookumburula, ya maralala ni enxofre* enoompattela yoowo vamoha ni anakhottwaawe ni miloko sincipale sineera sikhale ni yoowo.

Ezekiyeli 39:11

Nihuku nno, kinoomvaha Gogi nihiye oYixrayeli, mureyareyani na yaawo amvira erowaka mpatta ninkhuma nsuwa wookela ophareiyani. Nno nnoowala ephiro ya anamweetta, niwoko Gogi ni mikuttulasawe sootheene sa anakhotto anoovitheliwawo. Tivawo oneeraaya wiitthaneliwewo oHamoni–Gogi.

Yoweli 3:12

“Miloko seette sirwaaka munreyareyani na Yehoxafati, niwoko weiwo kineeraka kakilaathi weera kathorihe miloko sootheene sa mukhwipi.

Yoweli 3:14

Atthu oohaalikeleya angweherera muNreyareyani na Olakela. Moone, nihuku na Yave nookhuveela muNreyareyani na Olakela.

Amosi 1:11

Yave oneera ha: “Niwoko na sootakhala sincipale seereiye wEdomi, nkirwa kihiya ottaruxa. Vano owo oomuttharatthara munneiye, ni ohooceeliha ikharari, amunyoonyeraxiwaka ni apwahererihaka isarasawe.

Mikeyasi 4:12

Vaheera iyo khasisuwenle soowuupuwela sa Yave; khasiniiwexexa soovaanela sa Yoowo onthukumanyiha mulokwaawe ntoko ihupu sinronghiwa oneepettheliwa.

Zefaniya 3:8

“Tivawo, mukiweherere Miyo,” onghima Yave, “ngweherere nihuku Miyo kineeraaka kivenyere okhalela onamoona. Koolakela othukumanyiha miloko ni omwene weera kiyeehere isarasaka, wuupa wootheene wa onyoonyiwawaka. Elapo yootheene enoolalihiwa ni mooro wa isarasaka sa ehace.

Ethupululo 11:18

Amalapo yaanyoonyiwa; ni isarasanyu soophiya. Yoophiya ehuhu yoowaathoriha akhwiiye ni yoowaatthuvela arumeiyaanyu, maprofeeti ni ootteelaanyu ni yaawo anoova Nsinananyu –asikhaani ni asitokweene – ni yoowaaphwata yaawo amphwata elapo.”

Ethupululo 16:14

Siri minepa soonanara simpaka ineneero sootikhiniheya. Iyo sinrowa wa mamwene ootheene a elapo ya vathi, weera saathukumanyihere ekhotto ya nihuku ntokweene na Muluku a ikuru sootheene.

Ethupululo 16:16

Vano saahaathukumanyiha mamwene vanipuroni niitthaniwa vaHeberi Harmagedoni*.

Ethupululo 16:6

hapo awo avuuvihale ephome ya atthu oororomela ni maprofeeti, ni vano Nyuwo mohaawuriha ephome, ntoko awo aphwanenlaaya.”

Ethupululo 20:8

ni anaavenye weera alokotthe ilapo siri mmaloothoni maxexe a elapo, eyo tiiyo Agogi ni Amagogi, weera aathukumanyere ekhotto. Waattawaya ori ntoko muhaava wa mukerekhere ephareiya.