Yoweli 2:12 - Emakhuwa Bible

¹² Yave oneera: “Muhokoleele wa Miyo vaanaano va ni murimaanyu wootheene, mutthukaka, mwiinlaka ni mulalamikaka.”

Yoweli 2:12 Iomraidhean Croise

2 Samuweli 24:10

Aalikenleene muloko, Davide aatondolowa, anamweerela Yave: “Kootthekaxa wa yeela kipankaaka. Vano kinoodyoonttelelani weera mulevelele yoottheka ya murumeiyaanyu niwoko koopaka ya ololo.”

2 Nyaha 30:6

Munlamuloni na mwene, anamitthenga yaaviravira oYixrayeli ni oYuda wootheene, ekuxaleene ikaratta soottittiwa ni mwene nitho asitokweenaawe, ni mutthenga ola: “aYixrayeli, muhokoleele wa Yave, Muluku a Abrahaamu, Isaki ni Yixrayeli, weera Owo ahokoleele wa nyuwosa muhanle ni moopongwe mmatatani mwa mwene a wAsiriya.

2 Nyaha 6:27

muri wiirimu, mwiiwe ni mulevelele yoottheka ya arumeiyaanyu aYixrayeli, mulokwaanyu. Mwaaxuttihase ephiro ya ekhaikhai ni murumihele epula mulaponimwaya mvanghaanyu mulokwaanyu ntoko yoohiyeriwa.

Exteri 4:16

“Murowe mwaathukumanyihe aYuda ootheene ari oSusa ni mwatthuke mukeerelaka miyo. Muhice naari muhiwure othana ni ohiyu miraru. Miyo vamoha ni arumeiyaaka asithiyana ninootthuka ntoko nyuwosa. Vahoolowaya kinoowaattamela amwene onoohitthunihereyaru munlamuloni. Wakhala okhwa, nkikhweeke!”

Okhuma 33:5

Waalalamika, niwoko Yave aamweerela Moisesi: “Mwaaleele aYixrayeli: ‘Nyuwosa ti muloko woottiyamaaru. Miyo kaarowa ni nyuwo hata wa ehuhu vakhaani, kaamphwata muloko owo. Vano, murule itthusanyu sooreera soorikaxa ni kinoolakela yoowoopakasani.”

Yesaya 22:12

Nihuku nenenenne Namalamula, Yave a ikuru sootheene oowiitthanani weera mwiinle ni mulalamike, murosole mayihaanyu ni ngware isaakho.

Yesaya 58:4

Emalihero ya otthukawanyu ti onyakulihana ni opuhera mmananaka ni icipakhira. Khamungwera otthuka ntoko mumpakaanyu olelo munaroromela weera nsunanyu nnimwiiwiwa wiirimu.

Yeremiya 3:22

“Muhokolowe, muloko woohiroromeleya; kinoolamiha murimaanyu woovaanya.” Muloko waahaakhula: “Aani, nnimoowa wa Nyuwo, niwoko Nyuwo ti Yave Mulukwaahu.”

Yeremiya 36:7

Apaale wiidyoonttelelawaya onoophiya wa Yave, ni khula mutthu anaahiye mweettelowaawe woonanara, niwoko ti onyoonyiwa otokotoko olaleiwale ni Yave mwaha wa muloko ola.”

Yeremiya 4:1

“Mwahokolowa, vano muhokoleele wa Miyo,” onghima Yave. “Mwasuseeriha ottaiwaka milukusanyu sa mwiikho, muhihapuwakatho,

Yeremiya 4:2

ni nyuwosa mwalipela mwa Nsina na Yave moota woororomeleya, wa ekhaikhai ni wookwanela, vano miloko sinooreelihiwa ni Yoowo ni sinoomvuwiha.”

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Daniyeli 9:3

Vano kaamwaattamela Yave Muluku kimudyoonttelelaka ni mavekelo, soodyoonttelela ni kitthukaka, kiwanreene isaakho ni kiihenleene ettuura.

Hoxeya 12:6

Vanonto, muhokoleele wa Mulukwaanyu, ni mweettele ororomeleya ni ekhaikhai; mahuku ootheene mungweherere Mulukwaanyu.

Hoxeya 12:7

Nanakoso omvarela muteko mphimo woohiroromeleya; ni ontthunaxa olokottha.

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 6:1

“Nrowe, nihokoleele wa Yave. Owo ooninyaanya, mene onoonilamiha; Owo oonivulaliha, mene onoovoliha makhwattaahu.

Yoweli 1:13

Ngware isaakho, nyuwosa asaserdoti* ni mulalamike nyuwosa munrumeela ohoolo wa altaari*. Murwe, mvirihe ohiyu ngwanreene isaakho, nyuwosa munrumeela vamaithoni wa Mulukwaaka, niwoko sooveleela sa etrigu ni soowura soorakamelihiwa Mpaani mwa Mulukwaanyu.

Zakariya 7:3

yaavekelaka asaserdoti* a Empa ya Yave a ikuru sootheene ni maprofeeti: “Nilalamikeke ni nitthukeke mmweerini wanaathanu ntoko nimpakaahu iyaakha sootheene?”

Zakariya 7:5

“Mwaakohe atthu ootheene a elapo nitho asaserdoti*: ‘Nyuwosa mwaatthukaka ni mwaalalamikaka mmweerini wanaathanu ni wanaathannamiili iyakhasene seiye miloko mithannamiili sivinre, vekhaikhai mwaakipakela Miyo?

Malekiya 1:9

“Vano asaserdoti*, mweerere omukurunuxa Muluku weera animorele ikharari! Weeraka ni moota wa yoovaheene yeela mwa matataanyu Owo onoowaakhulani?” onkoha Yave a ikuru sootheene.

Miteko 26:20

Woopacera kaahaalaleera yaawo yaari oDamasku; vahoolowaya yaawo yaari oYerusaleemu ni oYudeiya woothewene, nitho wa amalapo, kiweerelaka weera erukunxe murima ni ehokoleele wa Muluku epakaka miteko sinoonihera orukunxawaya murima wa ekhaikhai.

Ahooleli 2:4

Ndyelo a Yave amalihakaru wuuluma, muloko wootheene wa aYixrayeli waahiinla ikuttho.

Ahooleli 20:26

Vahoolowaya aYixrayeli ootheene, yaarowa oBeteli, enakilaathiwo yiinlaka ohoolo wa Yave. Yaatthuka nihuku nne mpaka oxekuwa empakelaka Yave sooveleela soohisa ni sa murettele.

1 Samuweli 7:3

Samuweli aaheerela muloko wootheene wa aYixrayeli: “Mwatthuna omuhokoleela Yave ni murimaanyu wootheene, vano mvenxe miluku sikina variyariwanyu nitho miluku sikina siniitthaniwa Axetoroti ni vahoolowaya mumvahe mirimasanyu Yave munrumeelaka Yoowo paahi. Owo onoowoopolani mmatatani mwa aFilisti.”

1 Samuweli 7:6

Ethukumanneene oMizepa, yaarika maahi, enayeehera vamaithoni wa Yave. Nihuku nenenenne yaatthuka ni yaalapa sootthekasaya yeeraka: “Noomutthekela Yave.” Ti oMizepa Samuweli aahoolenlaawe aYixrayeli ntoko mphuki.