Yoweli 2:10 - Emakhuwa Bible

¹⁰ Ohoolowaya elapo enootetereya, erimu enothukumela, nsuwa ni mweeri soophilaatteya ni ithenyeeri soohiya waara.

Yoweli 2:10 Iomraidhean Croise

Icipo 114:7

Mutetereye elapo vamaithoni wa Yave, ohoolo wa Muluku a Yakobe,

Icipo 18:7

Etthaya yaatetereyaxa; mathipelo a nyaako yaattikinyeya. Saattikinyeenre niwoko Owo aanyoonyiwa.

Yesaya 13:10

Ithenyeeri sa wiirimu ni nakupaaya khasaara. Nsuwa nikhumaka nnooheliwa epiphi ni mweeri khawaara.

Yesaya 34:4

Ithenyeeri sa wiirimu sinoolakaseya ni irimu sinoovitikeya ntoko buukhu a khalayi; anakhotto ootheene a wiirimu anoomora ntoko makukhu oowuuma a evideira* ni a efiigu.

Yesaya 5:30

Nihuku nenenenno awosa anootturumela oYuda ntoko oruma wa ephareiya. Mukina aweha elapo ya oYixrayeli, onimoona epiphi ni othanana; mpaka waara wa othana onimwiilihiwa ni mahutte.

Yeremiya 4:23

Kaaweha elapo ya vathi ni eyo khayaarino ekhalelo; kaaweha wiirimu ni soomwaleelasaya soolakaseya.

Yoweli 2:2

nihuku na epiphi ni nooriipa; nihuku na mahutte ni ekuttatta. Anakhotto ancipale ooweraxa animoowa yiixooniheraka ntoko ekamaama ya oxa emmwareela mmanyaakoni moota ohitonke wooniwa hata oneera ohooniwetho ni ikhapira sa muhoolo.

Yoweli 2:31

Nsuwa nnithatuwe epiphi ni mweeri onuuthatuwe ephome nihinaaye ophiya nihuku ntokweene ni noowoopihaxa na Yave.

Yoweli 3:4

Ii! oTiro, oSidoni ni ilapo sootheene sa oFilistiya – mulattu heeni muraanyuno ni Miyo? Muneerera okiinlela ikukuttula niwoko na etthu kipankaaka? Mwatthuna, mwiipasoope! Kinimoohokoloxerani woowaakuveya wa yeeyo muntthunaanyu okipaka.

Amosi 5:8

Yoowo opanke mikuttula sa ithenyeeri ithannapiili ni mikuttula sa ithenyeeri siitthaniwa Oriyoni*, ontatuxa epiphi ekamaama ni othana wa epiphi ya ohiyu; Yoowo oniitthana maahi a ephareiya, anamwaraxela mulaponi, vano Nsinanawe ti Yave.

Nahumi 1:5

Nyaako sintetereya ohoolowawe ni mattumuxa anootothowa. Elapo enimoopopiheya ohoolowawe ni ootheene arimo.

Matheyo 24:29

Woowaakuveya saamalakaru soohooxa sa mahukweene yaawo, ‘Nsuwa khanoopa ni mweeri khawaaratho; ithenyeeri sinoomora sikhumaka wiirimu, ni ikuru sa wiirimu nsikhale sootathiwa.’

Matheyo 27:51

Ehuhuweene yeele ekuwo etokotoko ya Empa ya Muluku yaahaahuwa, ekawanyeyaka okhuma vasulu mpaka vathi. Etthaya yaatetereiya ni nyala saaphweeya.

Miteko 2:20

Nsuwa nnithatuwe epiphi, ni mweeri onuuthatuwe ephome nihinaaye ophiya nihuku ntokweene ni noovuwaxa na Apwiya.

Ethupululo 20:11

Vahoolowaya kaahoona ehice etokoko yootteela, ni Yoole aakilaathiye. Elapo ni erimu yaatthawa vahoolowawe, ni nipuronaya khaniphwanyiwetho.

Ethupululo 6:12

Kaahoona Eyo yaahunlaaya ewalelo* yanaathannamosa. Waakhumelela otetereya otokotoko. Nsuwa naariipa ntoko makhala oohisiwa; mweeri waaxeera ntoko ephome,

Ethupululo 8:12

Ndyelo anaaxexe aahiipa nipalapattanawe, ni mpatta wanaararu wa nsuwa, wa mweeri, ni wa ithenyeeri waamaniwa, moota wooweera mpatta wanaararuwaaya waariipa ni mpatta wanaararu wa othana ni wa ohiyu khawaanre.

Ethupululo 9:2

Ehulakaru ehime yoowiixera*, waatthuwa vaavaale mwiixi, ntoko wa niikho ntokotokoxa. Nsuwa ni wiirimu waariipa niwoko na mwiixi waatthuwa wa ehime yoowiixera*.