Yoweli 2:1 - Emakhuwa Bible

¹ Mwiipe nipalapatta oSiyoni! Aani, mukhuwele vamwaakwaaka Wootteela! Muthukumele amaki ootheene a mulaponi, niwoko nihuku na Yave nneera niphiyaka. Nookhuveela

Yoweli 2:1 Iomraidhean Croise

1 Nyaha 15:28

Vano, aYixrayeli ootheene yaahaahoola Arka* a wiiraana a Yave ehakalanleene, ni oruma wa mapalapatta ni mapalapatta a manyaaka ni ikengere, vamoha ni oruma wa atthakare ni amakita.

Icipo 119:120

Erutthwaaka enthukumela ohoolowanyu; malamulowaanyu ankiruuhelaxa woova.

Icipo 87:1

Yave aateka esidadaawe vamwaako wootteela;

Okhuma 10:14

Misoope saakwanela wExipitu wootheene ni aari nasope mwincipale aakwanenle mipatta sootheene. Khanakhale nasope, hata kharwa akhala.

Yesaya 13:6

Mulalamike, niwoko nihuku na Yave nookhuveela; nnimoowa ntoko ophwata wa mpatta wa Namaweraxa.

Yesaya 13:9

Moone, nihuku na Yave nnimoowa; nihuku noonanara noosareya isara ni onyoonyiwa vancipale. Munihukuni nno elapo enooheleya nthala ni anamattheka anoophwateya.

Yesaya 2:12

Yave a ikuru sootheene oothanla nihukunawe wa anamwiixoona ni anamwiikuxa ootheene – aani ootheene oovuwihiwa – ni awosa anooyevihiwa.

Yesaya 66:2

Vekhaikhai, Ntatanaka noopaka itthu sootheene iya ni hiiho sookhala,” onghima Yave. Mutthu Miyo kinimuttittimihaaka ti ola: yoole ori oowiiyeviha ni a munepa woosareya omoova Muluku ni onthukumela woowiiwa maswaaka.

Yesaya 66:5

Mwiiwe masu a Yave, nyuwosa munthukumela woowiiwa maswaawe: “Axunninyu anoothanyani ni anookhoottani niwoko na Nsinanaka yaaheera: ‘Yave avuwihiweke weera noone ohakalalawanyu!’ Wa soothesene, awosa eneera yuulihiheye muru.

Yeremiya 16:10

Nyuwo mwaathaliheraka muloko ola sootheene iya ni awosa yookohani: ‘Yave olakelenle heeni erisa yoowoopiha ela wa hiyo? Nipankeni yootakhala heeni hoye hoye yoottheka heeni nimpakenlaahu Yave Mulukwaahu?’

Yeremiya 16:7

Khaawo anaavahe yooca yoowaalipihera yaale angwiinlela anamakhwa ni khaawo anaavahe yoowura ya opepesa – hata wa tiithi naari wa maayi.

Yeremiya 4:5

“Vano mulaleiye ha oYuda ni oYerusaleemu: ‘Mwiipele nipalapatta mweelaponi yootheene!’ Mwiinle ni nsu ntokotoko, mweeraka: ‘Muthukumane, nitthawele isidade soolipihiwa!’

Yeremiya 5:22

Nyuwo khoontthuneya okoova?” onghima Yave, “koontthuneya othukumela ohoolowaka? Ti Miyo kikhalihale muhaava ntoko mwiinano wa ephareiya – mwiinano woohimala ephareiya ehingweraaya ovinuwa. Mitekuteku sinoophweeya, mene khasingwera opwaherera; seiyo sinoowera oruma, mene khasingwera ovinuwa mwiinaanoweene yoowo.

Ezekiyeli 12:23

Vano mwaaleele: ‘Yave oneera ha: Kinoomaliha niphwanaphwaniho nna ni khanuulummwatho oYixrayeli.’ Mwaaleeletho ha: ‘Eneera ekhuveelaka mahuku sineeraaya sikwaniheriwe nyoonelo sootheene.

Ezekiyeli 21:12

Mwaana a mutthu, mukhuwele ni mwiikhupanyere, niwoko ekatana eyo yohiittanano mulokwaaka; yoowiittanano asitokweene ootheene a oYixrayeli. Awosa ni mulokwaaka amvonyeriwa vakatanani. Vano mmane ekakasa.

Ezekiyeli 30:3

Vano, nihuku nookhuveela, nihuku na Yave nookhuveela; nno nnikhale nihuku na mahutte, ehuhu ya othorihiwa wa miloko.

Ezekiyeli 33:3

ni owo oona ekatana enrweela mulaponi, aniipa nipalapatta noowooperera muloko,

Ezekiyeli 33:6

Vaheera namalipelela oona erwaaka ekatana, ahiniipa nipalapatta weera ooperere muloko, ni ekatana yarwa, enamwiiva mmoha a yaawosa, mulopwana owo anaakhwe niwoko na yootakhalaawe, mene kinoomoonela namalipelela okhalano nthowa na okhwa wa mutthu owo.’

Ezekiyeli 7:10

Moone nihuku! Noophiya! Nthorihelo nohoonihereya, ekopo yoophuwa, wiixoona woottuva.

Ezekiyeli 7:12

Yoophiya ehuhu, noophiyera nihuku. Namathuma ahitthape hata namathumiha ahithanane, niwoko isarasaka soosareela munakupani moothemwene.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Daniyeli 9:16

Ii! Yave, muhapuxe isarasanyu ni onyoonyeriwawanyu oYerusaleemu, esidadaanyu, mwaakwaanyu wootteela, muttharaka soopakasanyu sootheene sa ekhaikhai. Sootthekasahu ni miteko sootakhala sa makholowaahu sootannyera otthebwiwa wa oYerusaleemu ni mulokwaanyu wootheene ni ootheene anirukureenre.

Daniyeli 9:20

Miyo kilokololaka ni kivekelaka, kilapaka sootthekasaka ni seiyo sa mulokwaaka aYixrayeli, ni kimvekelaka Yave Mulukwaaka keerelaka mwaakwaawe wootteela,

Hoxeya 5:8

Mwiipe nipalapatta oGibeya, ni nloope oRama. Mukhuwelele ecipo ya ekhotto oBet-Aveni, Ii! oBenyamini, moove!

Hoxeya 8:1

“Muhele nipalapatta owanoniwanyu! Nrepo nnaaraara osulu wa Empa ya Yave, niwoko muloko woonanariha wiiraanawaka ovaanyaka Nlamulonaka.

Yoweli 1:15

Ii! Nihuku nno! Vano nihuku na Yave nookhuveela ni nnimoowa ntoko ophwata wooweraxa wa Muluku a ikuru sootheene.

Yoweli 2:11

Yave onnakhuwela ohoolo wa anakhottwaawe. Awo ari oohaalikeleya ni yaawo aniiwelela nlamulonawe ari ooweraxa. Nihuku na Yave ti ntokotoko ni noowoopihaxa. Khaawo anaawere ovilela.

Yoweli 2:15

Mwiipe nipalapatta oSiyoni. Mulamulele otthuka moota wootteela ni mpake muthukumano wootteela.

Yoweli 2:31

Nsuwa nnithatuwe epiphi ni mweeri onuuthatuwe ephome nihinaaye ophiya nihuku ntokweene ni noowoopihaxa na Yave.

Yoweli 3:14

Atthu oohaalikeleya angweherera muNreyareyani na Olakela. Moone, nihuku na Yave nookhuveela muNreyareyani na Olakela.

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Amosi 3:6

Nipalapatta naarumaka musidade, muloko khoonthukumela? Enimweereya erisa musidade Yave ahilamulenle?

Amosi 5:18

Ii! Nyuwosa munghaawela nihuku na Yave! Munghaawelela heeni nyuwosa nihuku na Yave? Nno nnikhale nihuku na epiphi, ohikhanle waara.

Amosi 8:2

Owo aakeerela: “Amosi munoonani?” Vano miyo kaamwaakhula: “Kinoona mpapara wa ifiigu soowiitthwa.” Vano Owo aakeerela: “Woophiya ommaleloni wa aYixrayeli, mulokwaaka; nkuurelatho.”

Obadiya 1:15

Nihuku na Yave nookhuveela wa miloko sootheene. Mweenre mpaka hiiha, munoopakeliwatho. Yoonarara mpankaanyu, enimoomorelani.

Zefaniya 1:14

Nihuku ntokweene na Yave, nookhuveela; nookhuveela, ningwa woowaakuveya. Mwiiwe! Nihuku na Yave nnoowaawa ni okhuwelaxa woowaawa wa anakhotto.

Zefaniya 1:16

nihuku na wiipiwa mapalapatta ni okhuweleliwa ekhotto isidade soolipihiwa ni itoore* sa mmaloothoni.

Zefaniya 1:7

Mmaale ohoolo wa Yave onlamula sootheene, niwoko nihuku na Yave nookhuveela. Yave ooreherera yooveleela; ohaatteeliha yaawo aalattunlaawe.

Zefaniya 3:11

Nihuku nno nyuwosa khamuulihiheya muru mwa soopakasanyu sa okivaanyawanyu, niwoko kinimwaavenxa musidadenimu yaawo anghakalalela wiixoonawaya. Nyuwosa khamukhalatho oowiixoona vamwaakoniwaka wootteela.

Zakariya 14:1

Moone, nihuku na Yave nnimoowa mwa nenno soohuhulasanyu sinookawaniwa variyariwanyu.

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

Malekiya 4:1

“Vano, vekhaikhai nihuku ntokotoko nnoophiyera ntoko ttukuttha. Anamwiixoona ootheene ni atakhali ootheene anookhala ntoko ikokhola, ni nihuku nno ninrwa onimwaapattela mooro,” oneera Yave a ikuru sootheene. “Khoohalaru mukwankhwaari naari mano nikukhu.

Nuumeru 10:2

“Mpake mapalapatta meeli a eparatha* yoohaniwa weera mvarele muteko woothukumanyiha muloko ni wooniherela okonelingwe eneneero yoottimulela.

Nuumeru 10:3

Yaarumaka mapalapatta meeli, muloko wootheene othukumaneke ohoolowanyu vamulako wa Eheema ya Muthukumano*.

1 aKorinto 14:8

Ohiya toko yeeyo, nipalapatta naahiruma nnenesene, taani aneera iireherere weera arowe okhottoni?

aFilipi 2:12

Hiiho, oosiveleyaaka, ntoko mwiiwelelaanyu mahuku ootheene, khoohiyono miyo kaakhalaaka variyariwanyu paahi, mene wootepaxa vaanaano vaava miyo kinkhalaaka ottaiwene, mureherereke ovuluwawanyu wa mmunepani ni woova ni othukumela.

1 aTesalonika 5:2

niwoko nyuwo asineenaanyu moosuwela nnenesene weera nihuku na Apwiya nnirwe ntoko namwiiya ohiyu.

Yakobe 5:8

Mukhaletho oopixa murima, ni mulipihere mirimasanyu, niwoko orwa wa Apwiya wookhuveela.

1 Pedru 4:7

Emalihero ya itthu sootheene yookhuveela. Tivawo, mukhale oowehaweha ni oowiisuumaaliha, weera muvekele.

Ethupululo 6:17

Vano, noophiya nihukunaya ntokotoko na isara, ni taani anaawere ovilela?”