Yoweli 1:15 - Emakhuwa Bible

¹⁵ Ii! Nihuku nno! Vano nihuku na Yave nookhuveela ni nnimoowa ntoko ophwata wooweraxa wa Muluku a ikuru sootheene.

Yoweli 1:15 Iomraidhean Croise

Icipo 37:13

mene Yave onaatheya atthu oonanara murima niwoko oosuwela weera nihukunaya nnimoowa.

Yeremiya 30:7

Moota nneeraaya noopihe nihuku nno! Noohilikanxereya! Eniikhale ehuhu ya othanana wa Yakobe; mene owo onoovuluxiwa.

Yeremiya 46:10

Vaheera nihuku nno ti na Muneene Yave a ikuru sootheene. Nnikhale nihuku na ikukuttula – noowiinlela ikukuttula awananaawe. Ekatana enoonyaanya mpaka okwaneya, aani mpaka okwaneya ohaawelawaya ephome. Niwoko Yoole onlamula sootheene, Yave a ikuru sootheene, onoopaka yooveleela mulaponi ya ottuttuwani, omoolokoni Efratesi.

Ezekiyeli 30:3

Vano, nihuku nookhuveela, nihuku na Yave nookhuveela; nno nnikhale nihuku na mahutte, ehuhu ya othorihiwa wa miloko.

Yoweli 2:11

Yave onnakhuwela ohoolo wa anakhottwaawe. Awo ari oohaalikeleya ni yaawo aniiwelela nlamulonawe ari ooweraxa. Nihuku na Yave ti ntokotoko ni noowoopihaxa. Khaawo anaawere ovilela.

Yoweli 2:31

Nsuwa nnithatuwe epiphi ni mweeri onuuthatuwe ephome nihinaaye ophiya nihuku ntokweene ni noowoopihaxa na Yave.

Yoweli 3:14

Atthu oohaalikeleya angweherera muNreyareyani na Olakela. Moone, nihuku na Yave nookhuveela muNreyareyani na Olakela.

Obadiya 1:15

Nihuku na Yave nookhuveela wa miloko sootheene. Mweenre mpaka hiiha, munoopakeliwatho. Yoonarara mpankaanyu, enimoomorelani.

Zefaniya 1:7

Mmaale ohoolo wa Yave onlamula sootheene, niwoko nihuku na Yave nookhuveela. Yave ooreherera yooveleela; ohaatteeliha yaawo aalattunlaawe.

Yakobe 5:9

Axunna, muhaapaneke mukina ni mukhwaawe weera muhithorihiwe. Mphuki ori vamulako!

Ethupululo 6:17

Vano, noophiya nihukunaya ntokotoko na isara, ni taani anaawere ovilela?”