Yoweli 1:10 - Emakhuwa Bible

¹⁰ Imatta soophwatiwa ni etthaya yohuumelela; etrigu yoohononiwa; eviinyu enyowani yoomala ni makhura aathowa.

Yoweli 1:10 Iomraidhean Croise

Epacerero 4:12

Mwaalimaka ematta, kheerwatho eruwera. Mmwikhale namarwa oohikhalano wiitthuuwa mweelaponimu.”

Yesaya 15:6

Maahi a oNinrimi aawelela ni malaxaaya aanyaala. Mapoonda ahuuma ni kheewoworu yoorimbelela ehanle.

Yesaya 24:11

Mmiseweni awosa ankhuwelela eviinyu; ohakalala wootheene onthatuwa wooripa murima; otteela murima wootheene wohoomoliwa mweelaponi ya vathi.

Yesaya 24:7

Eviinyu enyowani yoomala ni ematta ya iwuuva* yoonyaala; ni yaale yeetta ehakalalaka anniipulela.

Yeremiya 12:11

Eyo aapaka elapo yoophwatiwa, yoowuumelela ni yoothaamiwa vamaithoniwaka; elapo yootheene yoophwatiwa, mene khawowo ompwatthela.

Yeremiya 12:4

Mpaka yaakhani elapo yiinanelaka ni malaxi a ntuphini enyaalaka? Axinama ni ipalame aaphwatiwa niwoko amaki a elapo aasareya otakhala. Ohiya toko yeeyo – atthu aneera: “Owo khoona ommaleloniwahu.”

Yeremiya 48:33

Ohakalala ni mpuha woolakaseya wa ilapo sooruwereya sa Mowabe. Kohooceeliha waatta wa iwuuva* sinaamiwaayamo. Khawoworu omvotta iwuuva* ni okhuwela wa ohakalala; naari okhuweliwaka – khoohiyono wa ohakalala.

Hoxeya 4:3

Tivawo elapo enlalamikaaya, ni amakaaya ootheene anoondaaya; axinama a ntuphini, ipalame sa wiirimu ni ihopa sa mphareiya sinnikhwa.

Hoxeya 9:2

Mapuro amveeriwa etrigu ni munaameliwa iwuuva*, khayaaciha atthu; eviinyu enyowani eniyaathowe.

Yoweli 1:12

Ematta ya iwuuva* yohuuma ni mwiri wa efiigu* woonyaala. Nyiri sa eromazera*, nivare ni sa masa* – nyiri soowiima sootheene sa mmatta – sohuuma. Vekhaikhai, ohakalala wa omutthu woomala.

Yoweli 1:5

Mvenye nyuwosa anamuhapaliwa ni mwiinleke! Mulalamike nyuwosa anamawura a eviinyu ootheene! Mulalamike niwoko na eviinyu enyowani yeenre evenxiwa owanoniwanyu.

Yoweli 2:19

Yave onaakhula: “Kinimooruuhelani etrigu, eviinyu enyowani ni makhura mancipale mpaka sineeraaya sookwaneeni. Nkirwatho kitthunihera weera miloko sikina sootthebweeni.

Levitiku 26:20

Ikurusanyu khasivareleya muteko niwoko khamuruwera etthu mulaponi, hata nyiri khasiwiimelani.

Habakuki 3:17

Naari ohittuvaka mwiri wa efiigu* hata sihooneyaka iwuuva* muvideirani*; naari wooceeleyaka ohepha wa sooliveira* ni imatta sihiruwereyaka; naari sihikhalaka ikhondoolo hoye hoye imombe munikhoolani –

Axewu 1:11

Mutuphini ni mmwaako kootannyera wuumelela ophwannye etrigu, eviinyu, makhura ni sootheene enruweraaya etthaya, mpakatho atthu, mihuwo ni miteko sootheene sa matataanyu.”

Malekiya 2:3

Niwoko na nyuwosa, Miyo kinoohiiha ekhapiraanyu; kinoottikitthela owiithowanyu mahiloka a axinama ampakeliwa sooveleela mfestanimwanyu, koovonyerasekeni vaate vamoha ni mahiloka.