Yoonasi 4:3 - Emakhuwa Bible

³ Vano Yave, miyo kinoodyoonttelelani: mukiive, niwoko wa miyo fataari okhwa ohikhanle okhala ni okumi.”

Yoonasi 4:3 Iomraidhean Croise

1 Mamwene 19:4

Owo aavolowa munikareni eettaka wa nihuku nenenno. Aaphiya wa mwiri mmoha, anakilaathi vathi avekelaka weera akhwe. Aamweerela Yave: “Ii Yave, wookwana! Mukuxe okumaaka niwoko nkihiyono ooreerela waapwaha makholowaaka.”

Namalaleiya 7:1

Fataari nsina nooreera ohikhanle makhura oowunkhela oorikaxa, ni nooreerela ti nihuku na okhwa ohikhanle oyariwa.

Namalaleiya 7:9

Muhitthunihere otannyereya isara woowaakuveya okumaanyu, niwoko isara sinkilaathi vaciroroni wa alolo.

Yeremiya 8:3

Ootheene ahalahanle a muloko owo anoothanla wiiviwa ohiya okhala ni okumi mmapuroni ootheene mwa weiwo kineeraaka kiwoomolele, onghima Yave a ikuru sootheene.’”

Yoonasi 4:4

Yave aamwaakhula: “Munnyoonyereliwa heeni?”

Yoonasi 4:8

Nikhumaka nsuwa, Muluku aarumiha epheyo yoovihaxa ekhumaka ninkhuma nsuwa ni nsuwa naamvihera Yoonasi mpaka ohaleela okomoka. Hiiho owo aahaawela okhwa eeraka: “Wa miyo waari fataari okhwa ohikhanle okhala ni okumi.”

Nuumeru 11:15

Mwakipakela hiiha, mukiive vaanaano va; mwakisivela, muhikihiye koonaka oheleyawaka nthala.”

Nuumeru 20:3

Yaanyakulihana ni Moisesi yeeraka: “Fataari naakhwiiye ni axunnihu attaruxiwe ni Yave!

1 aKorinto 9:15

Vano miyo nkivarenle muteko hata emoha ya ikurusene seiya. Hata nkinoolepelani kiwehereraka weera nyuwo munookivaha etthu. Niwoko fataari kikhwe ahinaaye mukina ocipiha ovuwawaka wu.