Yoonasi 1:9 - Emakhuwa Bible

⁹ Yoonasi aawaakhula: “Miyo muHeberi, kinimulapa Yave, Muluku a wiirimu opattuxale ephareiya ni elapo ya vathi.”

Yoonasi 1:9 Iomraidhean Croise

Epacerero 1:10

Mpatta woowuuma Muluku aahiitthana “etthaya” ni aahiitthana maahi yaathukumanne “ephareiya.” Vano vamaithoni wa Muluku waari wooreera.

Epacerero 14:13

Vanonto, mmoha oopongwe, aarowa omuthalihera Abraamu, muHeberi, yeele yeereiye. Owo aakhala vakhiviru wa nyiri sa ikarivalyu* oMamre. Vano Mamre ori munna a Eskoli ni a Aner, mwa yaawo Abraamu iiraanannaaweno.

Epacerero 24:7

Yave Muluku a wiirimu, aakivenxale vaate wa atithaka ni elapwaaka kiyariwaaka ni aakiroromelinghe ni nlipelo weera aarwa ovaha elapo ela ekhapiraaka, anaamurumihe ndyelowaawe ohoolowawo, weera weiwo wamuruuhele muthiyana mwanaka.

Epacerero 39:14

aawiitthana arumeiyi akina a vaatevene vaavaale, anaweerela: “Mooneke! muHeberi ole niruuheliwaahu weera aniruwane. Owo aavolowa mu, aneerera okiveiha, mene miyo kaakhuwela vancipale.

2 Mamwene 17:25

Epaceraka omakawo khayaamulapa Yave, tivawo Owo aaruminghaawe amwatto variyariwaya ni ale yaawiiva akina-akina a amaki ale.

2 Mamwene 17:28

Hiiho mmoha a asaserdoti* yaavariwe oSamariya aahokoleela, anakhala oBeteli, anaaxuttiha atthu moota woomulapa Yave.

Ezera 1:2

“Siru, mwene a oParesi oneera ha: ‘Yave, Muluku a wiirimu, ookivaha omwene wootheene wa vathi ni ookithanla weera kamutekele Empa ya Yave oYerusaleemu, elapo ya oYuda.

Ezera 5:11

Yoowaakhulaaya yaari ha: “Hiyo arumeiyi a Muluku a wiirimu ni vathi ni ninrasela Empa ya Muluku yaatekiwe khalayi – Empeene yeele mwenaahu mmoha mutokweene aatenkaawe ni aamalinghaawe.

Nehemiya 1:4

Kiiwakaru itthusene seiye kaathanana, kiinlaka. Wa mahuku makina kaalalamika, kitthukaka ni kivekelaka vamaithoni wa Muluku a wiirimu.

Nehemiya 2:4

Mwene aakeerela: “Weyo ontthunani?” Vano miyo, kivekelaka wa Muluku a wiirimu,

Nehemiya 9:6

Nyuwo paahi ti Yave. Moopattuxa erimu ya osulusulu ni ithenyeerisaya; elapo ya vathi ni sootheene sirimo; iphareiya ni sootheene sirimo. Moovaha okumi wa itthu sootheene ni anakhotto a wiirimu annoolapani.

Yobi 1:9

Satana aamwaakhula: “Owo ongwoovani Nyuwo niwoko na omooniherawanyu murima wooreera.

Icipo 136:26

Muntthapele Muluku a wiirimu. Osivelawawe ompwaherera wa mahuku ootheene.

Okhuma 1:15

Mwene a wExipitu aahaalamulela anamayariha eeli aHeberi, yiitthaniwa Xifera ni Puwa:

Okhuma 2:13

Waaxawaya, aarowa, anawoona aHeberi eeli ewanaka. Aamukoha namatannya:“Oningwaxulela heeni mukhwaawo?”

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Miteko 14:15

“Alopwana, heeni nyuwo mumpakaanyu yeeyo? Hiyotho nri atthu ntoko nyuwo. Ninooruuhelani masu ooreeraxa niweerelakani mususe mwa itthusene seiyo sa siiyo, ni muhokoleele wa Muluku mukumi opanke erimu, elapo ni ephareiya ni sootheene siri mwemmo.

Miteko 27:23

Ohiyu wa osilo, aakirweela ndyelo mmoha a Muluku mwa Yoowo miyo kiraaka awawe ni mwa Yoowo kinimulapaka, ni ndyelo owo aakeerela:

aFilipi 3:5

Miyo kiineliwe kimalaka mahuku mathannamararu a oyariwawaka, muYixrayeli a epuumba ya Benyamini; muHeberi ooyariwa ni aHeberi; munlamuloni muFarisi*;

Ethupululo 11:13

Ehuhuweene yeele emoharu waakhala otetereya otokotoko ni mpatta wanaamuloko wa esidade waahononeya. Atthu macira miloko mathannameeli yaahookhwa mootetereyani wa elapo. Atthu yaahanle ni okumi yaahoova vancipale ni yaamvuwiha Muluku a wiirimu.

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”

Ethupululo 16:11

ni yaamveiha Muluku a wiirimu niwoko na ovoreiyawaya ni makhwattaaya. Wa soothesene, yaakhootta orukunxa murimaaya wa mitekosaya.