Yohaane 8:37 - Emakhuwa Bible

³⁷ Miyo koosuwela weera muri ekhapira ya Abrahaamu. Wa soothesene, munaasaasa okiiva niwoko khamuntthuna waakhela nsunaka.

Yohaane 8:37 Iomraidhean Croise

Matheyo 13:15

Vano mirima sa muloko ola saathatuwa soohipwattha, waakhalano maaru oolipa ni maitho ookhuneeleya. Wahaari hiihaawo, yaahereke woona ni maitho, wiiwa ni maaru, wiiwexexa ni murima ni orukunxa murima, ni Miyo kaamwaalamiha.’

Matheyo 3:9

Muhuupuwele weera nyuwo munoowera wiixeerela: ‘Nookhalano Abrahaamu ntoko atiithi.’ Vano miyo kinooleelani weera Muluku ongwera otatuxa maluku ala anamwane a Abrahaamu.

Yohaane 10:31

aYuda yaattottatho maluku weera emvonye,

Yohaane 11:53

Hiiho evenyero vaavaale awo yaavaanela omwiiva.

Yohaane 5:44

Mmwiroromele hai mwaakhulelanaka mukina ni mukhwaawe ovuwa, mene khamunaasaasa ovuwa ongwa wa Muluku mmoharu.

Yohaane 7:1

Vahoolowaya, Yeesu anneetteetta oGalileiya akhalaka mwayiini ottaiwene wa oYudeiya niwoko iwe aYuda yaasaasa omwiiva.

Yohaane 7:19

Moisesi khoovangheni nlamulo? Wa sootheene, khaawo a nyuwo oniiwelela. Heeni nyuwo munaasaanyu okiiva?”

Yohaane 7:25

Vano akina yaamanke oYerusaleemu yaapacera okoha: “Khahiyono Ola Mulopwana awo ammwaasaaya omwiiva?

Yohaane 8:33

Awo yaamwaakhula: “Hiyo nri ekhapira ya Abrahaamu ni khanitonke okhala ipottha sa mukina. Heeni Nyuwo muneeraanyu weera nnikhale maneethi?”

Yohaane 8:43

Heeni muhiniiwexexaanyu nuulumonaka? Niwoko khamungwera wiiwa yeeyo kinghimaaka.

Yohaane 8:56

Abrahaamu, atithinyu, yaahakalala niwoko yeera yoone nihukunaka. Awo yaahoona ni yaahakalalaxa.”

Yohaane 8:59

Vano yaasaasa maluku weera emvonye, mene Yeesu aahiipitha ni aakhuma Mpaani mwa Muluku.

Yohaane 8:6

Awo yaakoha hiiho ntoko ntapha weera ephwanye nthowa na omoothera. Yeesutho aahuurama ni aapacera olepa vatthayani ni ekatha.

Miteko 13:26

Axunna, anamwane a Abrahaamu ni nyuwo mummoova Muluku, wa hiyo noorumiheliwa mutthenga ola wa ovuluxiwa,

aRooma 9:7

Hata khoohiyono weera ekhapira yootheene ya Abrahaamu eri anamwanaaya a ekhaikhai. Ohiyanawaya: “Ti niwoko na Isaaki ekhapiraanyu eneeraaya yaalikeliwe.”

1 aKorinto 2:14

Mutthu ohikhanleno Munepa Wootteela, khanaakhulela itthu singwa wa Munepa wa Muluku, niwoko siri sa anepa wa yoowo. Owo khangwera wiiwexexa itthu iyo, niwoko ontthuneya ophima iyo ni ekhalelo ya mmunepani.

1 Yohaane 2:14

Anamwane miyo kohoolepelani, niwoko mohaasuwela Atiithi. Asitiithi, miyo kohoolepelani, niwoko moomusuwela Yoole ori okhuma ompacereroni mpaka vano. Amiravo, miyo kohoolepelani, niwoko nyuwo muri oolipa, ni Nsu na Muluku ninkhala mwa nyuwo, ni moongwina namatakhala.