Yohaane 7:42 - Emakhuwa Bible

⁴² Yoolempwa* enghima nnenesene weera Kristu anaawe wa ekhapira ya Davide, wa esidade ya oBetelehemu weiwo Davide aakhalaawewo!”

Yohaane 7:42 Iomraidhean Croise

1 Nyaha 2:51

Salma, aatenke oBeteleheemu, ni Harefe, aatenke oBede-Gaderi.

Icipo 132:11

Yave aamuroromeliha murumeiyaawe Davide – nlipelo na ekhaikhai noohiceendyeya: “Kinoomukhaliha vahiceniwanyu ya emwene mmoha a ekhapiraanyu xaxaxa.

Icipo 89:4

‘Kinookhaliha ekhapiraanyu wa mahuku ootheene kilipihaka omwenaanyu wa ikhapira soohimala.’ ”

Yesaya 11:1

Niphuwa nnoophuwa munikottoni mwa Yixai; mukwankhwaarinimwawe enoophuwa ephandi enyowani.

Yeremiya 23:5

“Anoophiyera mahuku,” onghima Yave, “Miyo kineeraaka kimurehererele Davide Ephuwela ya Ekhaikhai, mwene anaalamule ni miruku ni anaapake yeeyo eri yoororomeleya ni ya ekhaikhai mweelaponi.

Mikeyasi 5:2

“Vaheera nyuwo Beteleheemu Efrata, murookhalaru mukhaani eriyari ya mahimo a oYuda, wa nyuwo onimoorwa wa Miyo mmoha aneera akhale mulamuli a oYixrayeli – mwa yoowo epacererowaawe ekhumale khalayixa.”

Matheyo 1:1

Ela elivuru ya ikhapira sa Yeesu Kristu, Mwaana a Davide, mwaana a Abrahaamu:

Matheyo 2:5

Awo yaamwaakhula: “oBetelehemu, elapo ya oYudeiya, niwoko mprofeeti aalepa ha:

Matheyo 2:6

‘Weyotho, Betelehemu, wa elapo ya oYudeiya, vekhaikhai khoohiyono mukhaani variyari wa ibooma sa oYudeiya, niwoko mwa weyo anaakhumelele Muhooleli anaakhale Mukukhuli a atthwaaka, aYixrayeli.’”

Luuka 2:11

Olelo, musidadeni ya Davide, mooyareliwa nyuwo Mvuluxa ori Kristu, Apwiya.

Luuka 2:4

Hiiho, Yoseefe aarowatho, akhumaka esidade ya oNasarete ya oGalileiya mpaka oBetelehemu, esidade ya Davide, elapo ya oYudeiya, niwoko aari a emusi ni ekhapira ya Davide.

Yohaane 7:27

Hiyo noosuwela onkhumelelaawe Mulopwana Ola. Kristu aawaaka, khaawo aneera asuwele onkhumelelaawe.”

1 Samuweli 16:1

Yave aamweerela Samuweli: “Mpaka yaakhani muneeraanyu mmwiinlele Sawuli, keenre kimukhootta okhala mwene a aYixrayeli? Musarihe nnyakananyu makhura ni mpwaheke oBeteleheemu. Kinimoorumihani wa Yixai. Koomuthanla mmoha a anamwanaawe asilopwana weera avariwe omwene.”

1 Samuweli 16:18

Mmoha a arumeiyaawe aamwaakhula: “Koomusuwela mwaana mulopwana mmoha a Yixai a oBeteleheemu ongwera omwiipa makita. Owo ti nakhotto oowera, onnuuluma nnenesene ni oophwaneliwa. Ni Yave ori ni yoowo.”

1 Samuweli 16:4

Samuweli aapaka yeeyo Yave uulummaawe. Aphiyakaru oBeteleheemu, asitokweene a esidade yaamuciceera ethukumelaka ni woova. Awosa yaamukoha: “Munrwa mmuretteleni?”

1 Samuweli 17:58

Sawuli aamukoha: “Weyo mwaana awani?” Davide aamwaakhula: “Miyo mwaana a murumeiyaanyu Yixai a oBeteleheemu.”