Yohaane 7:37 - Emakhuwa Bible

³⁷ Wa nihuku nookisera noottittimiheyaxa na efesta, Yeesu aavenya, anakhuwela: “Akhala mukina ori ni ntthona, awe wa Miyo ni awure!

Yohaane 7:37 Iomraidhean Croise

Nehemiya 8:18

Khula nihuku, okhuma nihuku noopacera mpaka nookisera na efesta, Ezera aasoma elivuru ya Nlamulo na Muluku. Yaapaka efesta wa mahuku mathannameeli ni nihuku nanaathanaararu waakhala muthukumano, ntoko nlamulo ninnyesereraaya.

Icipo 143:6

Kinootheteelani matataaka; ntoko etthaya yoowuumaxa okumaaka woovoliwa ntthona nowoohaawelani Nyuwo. Sela*

Icipo 42:2

Okumaaka onimuhaawela Muluku, aani Muluku Mukumi. Nkivolowe yaakhani weera kiixoonihere wa Muluku?

Icipo 63:1

Ii! Muluku, Nyuwo ti Mulukwaaka – ni murima wootheene kinoowaasani. Okumaaka onoohaawelani ni ekhalelowaaka yootheene enootthunani Nyuwo mweelaponi yoowuumaxa yoohikhala maahi.

Masu a Miruku 1:20

Miruku sinkhuwelaxa mmiseweni, aani mmapuwani amviraxiwa;

Masu a Miruku 8:1

Miruku sinkhuwela; akhili ankhuwelaxa;

Masu a Miruku 8:17

Kinaasivela yaawo ankisivela, ni yoowo onkaasa onookiphwanya.

Masu a Miruku 8:3

waansele, vamulako wa esidade, milako sa mpuwa owo onkhuwelaxa.

Masu a Miruku 9:3

Sohaarumiha arumeiyaaya athiyana oolattula okhuma vanipuroni na osuluxa wa esidade, ekhuwelaka:

Ecipo Yooreeraxa 5:1

Koovolowa muttimbenimwaka murokoraka, ootthomeriwaaka; koothukumanyiha emiraaka vamoha ni soosivasiva. Kohooca macerephaaka ni oravowaaka; koowura eviinyuwaaka ni mukakaaka. Muceeke asinthamwene, ii! Oosivelana, ngwureke muntthunelaanyu.

Yesaya 12:3

Munoorika maahi a muhimeni mwa ovuluxiwa, muhakalalaka.

Yesaya 40:2

Mwalipihe murima oYerusaleemu ni mwalaleiye weera ehuhuwaaya yoovihaxa yoomala, weera sootthekasaya sooliviwa ni weera wohaakhela mmatatani mwa Yave ottaruxiwa iphura niwoko na sootthekasaya.

Yesaya 40:6

Nsu ninlamula: “Mukhuwele.” Ni miyo kaakhunle: “Kikhuwelekeni?” Atthu ootheene ari ntoko malaxi ni ovuwawaya wootheene ori ntoko ithutu sa ntuphini.

Yesaya 44:3

Niwoko kinooyeehera maahi mulaponi mwa ntthona ni nyooloko vatthayani yoowuumaxa. Kinooyeehera Munepaaka mukhapiranimwanyu ni mareelihowaaka mwa anamwaniinyu.

Yesaya 55:1

“Ngweeke ootheene nyuwo mumvoliwa ntthona, nkarwani wa maahi; ni nyuwo muhinono musurukhu, ngweeke, muthume ni muceeke! Nkarwani, muthume eviinyu ni mukaka wa mahala woohiliva etthu.

Yesaya 55:3

Mwiiwe ni nkarwani wa Miyo; mukiiwe weera munepaanyu okhale ni okumi. Kinoopaka wiiraana woohimala ni nyuwo ntoko wiiraanawene weiwe kaapankaaka ni Davide.

Yesaya 58:1

“Mukhuwele ni nsu ntokotoko, muhihovelaka! Murumihe nsunanyu ntoko nipalapatta. Mulaleere mulokwaaka ovaanyawaya ni wa ekhapira ya Yakobe sootthekasaya.

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Yeremiya 2:2

“Murowe mwalaleere maaru a oYerusaleemu: Miyo kinuupuwelela ororomeleyawanyu mwaaraanyu mmiravo: ‘Ntoko ootthomeriwa nyuwo mwannakisivela, mukittharaka munikareni, mulaponi yoohaaleya.

Ezekiyeli 47:9

Wakhalaru omviraayawo mooloko ole, onookhala moota wootheene wa axinama ni wa ihopa, niwoko maahi ale ampiluwela weiwo, enaceendya maahi a maakha okhala oowureya; tivawo weiwo ompiluwaayawo mooloko, sootheene sinookhala ni okumi.

Levitiku 23:36

Mumveleelele Yave sooveleela soorehereriwa vayikho ni vanihukuni nanaathannamararu mpake muthukumano wootteela ni mumveleelele Yave yooveleela yoorehereriwa vayikho. Ti muthukumano woottittimiheya; muhivareru muteko.

Levitiku 23:39

Hiiho naapaceraka vanihukuni nanaamuloko ni mathanu na mweeri wanaathannamiili muhempheene sootheene muruwenraanyu, mumpakele efesta Yave wa mahuku mathannameeli; nihuku noopacera ni nanaathannamararu ekhaleketho a wiitthuuwa.

Mikeyasi 6:9

Nsu na Yave nniitthana esidade; woova Nsinananyu ti miruku! “Ngwiriyane ekopo yoottaruxela ni Yoowo okhalihale.

Zakariya 9:15

ni Yave a ikuru sootheene onoowaakiha. Awosa anoonyikalela ni anoophwata ni ekhwambala. Awosa anoowura ephome ya amwiittana ntoko ereene eviinyu; anookhala oosareyeene ntoko ebasiya yoovuuvihera mmaloothoni mwa altaari*.

Nuumeru 29:35

Vanihukuni nanaathannamararu mpake muthukumano ni muhivareru muteko.

Matheyo 11:28

Ngweeke wa Miyo, ootheene nyuwo mukhulumungwe ni mulemelingwe yoolemela, ni Miyo nkoovaheeni wiitthuuwa.

Matheyo 3:3

Waari mwaha wa yoowo mprofeeti Yesaya uulumalaawe eeraka: “Nsu na mutthu onlaleiyaawe munikareni: ‘Mwaarehererele ephiro Apwiya. Ngwookolele ephiro Yaawo.’”

Matheyo 5:6

Ooreelihiwa ti yaale anghaawelaxa weera yaakhuleliwe ni Muluku, niwoko eniivonihiwe.

Yohaane 1:23

Yohaane aawaakhula ni masu a mprofeeti Yesaya: “Miyo nsu ninkhuwela munikareni: ngwookolele ephiro Apwiya.”

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 4:10

Yeesu aamwaakhula: “Nyuwo mwaasuwenle yamahala ya Muluku ni taani onoovekelani maahi, mwaamumvekela maahi ni Owo aamoovahani maahi a okumi.”

Yohaane 4:11

Muthiyana aaweerela: “Apwiya khamunono yoorikela maahi ni ehime eri yoowiixera. Mmwiphwanye woowi maahi a okumi awo?

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 5:40

Wa soothesene, nyuwo khamuntthuna orwa wa Miyo weera mphwanye okumi woohimala.

Yohaane 6:35

Vano Yeesu aahima: “Miyo ti Yooca ya okumi. Yoole ongwa wa Miyo khawa avoliwa etala ni yoole onkiroromela Miyo khawa avoliwa ntthona.”

Yohaane 6:37

Ootheene Atiithi ankivahaaya, eniiwe wa Miyo. Ni yoole anaawe wa Miyo, nkiwa kimoomola.

Yohaane 6:55

Vano, erutthwaaka ti yooca ya ekhaikhai ni ephomaaka ti yoowura ya ekhaikhai.

Yohaane 7:28

Yeesu eera axuttihaka Mpaani mwa Muluku, aakhuwela: “Aani nyuwo mookisuwela ni moosuwela kinkhumelelaaka. Miyo nkikhanle va niwoko na mwaneenaakaru, mene Yaawo akirumihale ti a ekhaikhai. Nyuwo khamwaasuwenle,

1 aKorinto 10:21

Nyuwo khamungwera owura ekoomixi ya Apwiya nitho ya minepa soonanara. Khamungwera wiiwanana vameesa a Apwiya nitho a minepa soonanara.

1 aKorinto 10:4

ni yaawura maahi a mmunepani niwoko yaawura wa mwala wa mmunepani waahoola. Vano mwala ole waari Kristu.

1 aKorinto 11:25

Mooteene yoowo, emalihaka oca, yaakuxa ekoomixi ni yaaheera: “Ekoomixi ela ti wiiraana onyowani mwa ephomaaka. Mpakeke yeeyo, mahuku ootheene muneeraanyu muwureke, mukuupuwelelaka Miyo.

1 aKorinto 12:13

Ootheene hiyo noopatisiwa mwa Munepa mmoharu nipakaka erutthu emoha – hata aYuda, hata aGrego, hata ipottha, hata maneethi. Ni wa ootheene hiyo noovahiwa owura wa Munepa mmoharu.

awEfeso 5:18

Muhihapaliwe ni eviinyu, niwoko mwemmo wookhalamo olavilavi, mene muhiye woosareyeni Munepa,

Ethupululo 21:6

Aakeerelatho: “Yoopakiwa. Miyo ti Alfa* ni Omega*, Epacerero ni Emalihero. Wa yoowo anaavoliwe ntthona, nkingwurihe woohiliva maahi a naattuuttu a okumi.

Ethupululo 22:1

Vano ndyelo aakoonihera mooloko wa maahi a okumi, oowaara ntoko ekristalo*, okhumaka vahiceni ya Muluku ni ya Eputtiputthi

Ethupululo 22:17

Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.