Yohaane 6:51 - Emakhuwa Bible

⁵¹ Miyo ti Yooca ya okumi yaakhurungwe wiirimu. Mukina aneera ace Yooca ela, anaakhale ni okumi mahuku ootheene. Yooca ela ti erutthwaaka kineeraaka kivahe weera elapo ya vathi ekhale ni okumi.”

Yohaane 6:51 Iomraidhean Croise

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Luuka 22:19

Akuxaka epaawu, aatthapela, aameyanya ni aahaavaha oohusera eeraka: “Ela ti erutthwaaka, yoovahereriwa wa nyuwo. Mpakeke yeeyo mukuupuwelelaka Miyo.”

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

Yohaane 11:26

ni yoowo onkhala ni okumi ni onkiroromela Miyo, kharwa akhwa wa mahuku ootheene. Munroromela yeeyo?”

Yohaane 3:13

Khaawo owenle wiirimu, ahikhanle Yoole owiiye wiirimu, eyo tiiyo Mwaana a mutthu.

Yohaane 3:14

Mooteene yoowo Moisesi eemenxaawe enowa munikareni, hiihotho ontthuneya weera Mwaana a mutthu akhale oowelihiwa

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

Yohaane 3:36

Yoowo onimuroromela Mwaana, ookhalano okumi woohimala. Vaheera yoowo onimukhootta Mwaana, kharwa oona okumi, mene isara sa Muluku sinkhala ni yoowo.”

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

Yohaane 6:33

Vano, Yooca ya Muluku ti Yoowo okhurungwe wiirimu ni omvaha okumi wa elapo ya vathi.”

Yohaane 6:35

Vano Yeesu aahima: “Miyo ti Yooca ya okumi. Yoole ongwa wa Miyo khawa avoliwa etala ni yoole onkiroromela Miyo khawa avoliwa ntthona.”

Yohaane 6:41

Wa yeeyo aYuda yaapacera omuttaandawula Yeesu niwoko Owo aaheera: “Miyo ti Yooca ekhurungwe wiirimu.”

Yohaane 6:47

Kinoororomelihani weera yoole onroromela, ookhalano okumi woohimala.

Yohaane 6:48

Miyo ti Yooca ya okumi.

Yohaane 6:50

Wa sootheene, va eri Yooca enkhuruwa wiirimu weera ahikhwe yoowo aneera ace.

Yohaane 7:38

Ntoko Yoolempwa* yeenraaya: ‘Yoole onkiroromela Miyo, mmurimanimwawe nsikhume nyooloko sa maahi a okumi.”

2 aKorinto 5:19

weera Muluku mwa Kristu iiraanyiha elapo ya vathi ni mwaneenaaweru, ahaalikelaka soottheka sa atthu. Owo aanivaherera hiyo masu a wiiraana.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

awEfeso 5:25

Asilopwana, mwaasiveleke axaarinyu ntoko Kristu osivenlaawe ekerexa ni ohiixinnyerera wa yeeyo

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

aHeberi 10:20

mphironi enyowani ni ekumi Owo onihulenlaawe eviraka mukuwoni etokotoko, eyo tiiyo mweerutthunimwawe,

1 Pedru 2:4

Ngwaattamele Apwiya, Nluku nikumi, nikhoottiwe ni atthu, mene nithanliwe ni Muluku ni noottittimiheyaxa wa Yoowo.

1 Yohaane 2:2

Owo onooponle weera sootthekasahu sikhale sooleveleliwa, ni khasihiyono paahi sootthekasahu, menetho soottheka sa elapo ya vathi yootheene.

1 Yohaane 4:10

Mwa yeeyo wookhala osivela: khoohiyono weera hiyo noomusivela Muluku, mene weera Owo oonisivela ni aamurumiha Mwanawe ntoko woopola wa sootthekasahu.

1 Yohaane 4:14

Nohoona ni ninkhalela onamoona weera Atiithi yaamurumiha Mwaana weera akhale Mvuluxa a elapo ya vathi.