Yohaane 6:37 - Emakhuwa Bible

³⁷ Ootheene Atiithi ankivahaaya, eniiwe wa Miyo. Ni yoole anaawe wa Miyo, nkiwa kimoomola.

Yohaane 6:37 Iomraidhean Croise

Icipo 102:17

Owo onaakhula nivekelo na oowiixeetta; khanramusa wiidyoonttelelawaya.

Icipo 110:3

Anakhottwaanyu anookhalano murima woolipa vanihukuni na ekhotto, ewarenleene soowara sootteela; okhuma oxeexelo amirawaanyu anoothukumana wa nyuwo ntoko nikame.

Yesaya 41:9

kookhumihaleni ekotenle elapo, mmapuroni oorakamelaxa koowiitthanani. Keenre: ‘Nyuwo murumeiyaaka.’ Kohoothanlani ni nkokhoontteni.

Yesaya 42:3

Owo khasinsa ettheere yoowinteya, naari khacipiha mutthambo ontthuwaxa. Owo onookwanihera ekhaikhai moororomeleyani.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Matheyo 11:28

Ngweeke wa Miyo, ootheene nyuwo mukhulumungwe ni mulemelingwe yoolemela, ni Miyo nkoovaheeni wiitthuuwa.

Matheyo 24:24

Eniikhumelele akristu oowootha ni maprofeeti oowootha eneera epake ineneero sitokotoko ni sootikhiniha weera, wawereya, yaalokotthe mpaka oothanliwa.

Yohaane 17:11

Miyo nkirwa kikhalatho mweelaponi, mene awo nlelo ari mweelaponi ni, Miyo kinrowa wa Nyuwo. Tiithi Ootteela, ngwaakihe awo mwa Nsinananyu, Nsina nno mwaakivanghaanyu weera ekhale mmoha ntoko Hiyo nraahu mmoha.

Yohaane 17:2

Vano mwaamvaha Mwaana ikuru soolamula omutthu wootheene weera aavahe okumi woohimala ootheene Nyuwo mumvanghaanyu.

Yohaane 17:24

Tiithi, kintthuna weera awo mwaakivanghaanyu ekhale vamoha ni Miyo weiwo kiraakawo, ni weera yoone ovuwawaka, ovuwa mwaakivanghaanyu, niwoko mwaakisivela ehinaaye ephattuwelo ya elapo ya vathi.

Yohaane 17:6

Miyo kohaathupululela Nsinananyu yaale mukivanghaanyu mweelaponi ya vathi. Awo yaari awinyu ni mookivaha ni awo yaahiiwelela maswaanyu.

Yohaane 6:39

Ni wu ti otthuna wa Yaale akirumihale: weera Miyo nkiwa kimuyeleela hata mmoha a yaawo Atiithi yaakivanghaaya, mene weera kaavenyererihe nihuku noomaliha.

Yohaane 6:65

Owo aapwaherera eeraka: “Tivawo Miyo kooleenlaakani weera khaawo ongwera owa wa Miyo, ohikhanle weera eyo ovahiwe ni Atiithi.”

Yohaane 9:34

Awo yaamwaakhula: “Weyo waayariwe oosareya yoottheka! Ontthuna onihusiha?” Vano yaamoomola.

aRooma 5:20

Nlamulo nivaheriwe weera yoottheka yaandyeerereye. Weiwotho yaattiyaayawo yoottheka, ahaattatho mahala,

aFilipi 1:29

Vano, wa nyuwo moovahiwa weera muhimuroromele paahi Kristu, menetho ohaawa niwoko na Yoowo,

1 Timootheyo 1:16

Mene ti niwoko na yeeyo miyo kiphwannyaaka omoreliwa ikharari, weera mwa miyo, namattheka ootepaxa, Kristu Yeesu oonihere owehererawawe ni ovilela woohimala ntoko ethoonyero wa yaale yeera emuroromele Yoowo wa okumi woohimala.

2 Timootheyo 2:19

Wa soothesene, nthipelo noolipaxa na Muluku ninkhala nooweemelaxa, ni nookhalihiwa ni yoolempwa ela: ‘Apwiya anaasuwela yaawo ari awaya’ ni ‘Ootheene anlapa Nsina na Apwiya, esuseke sootakhala.’

aHeberi 4:15

Vano, khaninono mutokweenexa a asaserdoti* ohingwera onimorela ikharari ni ohilipawahu, mene aani, Mukina aavinre ngweereriwani wootheene ntoko hiyo, ahitthekakatho.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

1 Yohaane 2:19

Awo akhumelenle mwa hiyo, mene vekhaikhai khayaahiyono awihu, niwoko yaari awihu, saano ekhanleene ni hiyo. Moota akhummaaya onoonihera weera khaawo mmoha a yaawo aari awihu.

Ethupululo 22:17

Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.