Yohaane 5:46 - Emakhuwa Bible

⁴⁶ Nyuwo mwaamuroromela Moisesi, saano mukiroromenleenetho Miyo niwoko owo aalepa mwaha wa Miyo.

Yohaane 5:46 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Epacerero 18:18

Abrahaamu anaakhale tiithi a muloko mutokotoko ni woolipaxa, ni mwaha wa yoowo miloko sootheene sa mweelaponi nsireelihiwe.

Epacerero 22:18

Vano mwaha wa yeeyo miloko sootheene sa elapo ya vathi nsireelihiwe niwoko nyuwo mookiiwelela.”

Epacerero 28:14

Ekhapiraanyu eniikhale ntoko ntthupi na etthaya ni eniimake okhuma ninkhuma nsuwa mpaka ninkela nsuwa, nitho oottuttuwani mpaka ohitto wa elapo, ni mwa miloko sootheene sa mulaponi nsireelihiwe niwoko na nyuwo ni ekhapiraanyu.

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

Luuka 24:27

Vano, okhuma Moisesi ni maprofeeti ootheene, aahaathalihera sootheene saalempwa sa Yooworu.

Yohaane 1:45

Owo aamphwanya Nataneyeli ni aamweerela: “Noomphwanya Yoole aamulempaawe Moisesi mmalamuloni, nitho mwa Yoowo maprofeeti yaamulempaaya: Yeesu muNasarete, Mwaana a Yoseefe.”

Yohaane 5:47

Woonaka weera khamunroromela yeeyo aalempaawe, mmwiroromele hai yeeyo kinghimaaka?”

Miteko 26:22

Koheetta ni ekhavihero ya Muluku mpaka nihuku na olelo, ni mwaha wa yeeyo kiri va, ni kinnaakhalela onamoona asitokweene nitho asikhaani. Miyo nkinghima etthu ekina, ehikhanle yeeyo maprofeeti ni Moisesi yaahimmaaya weera yaarwa okhumelela:

aRooma 10:4

Moone, Kristu ti ommaleloni wa nlamulo, akwaniheraka waakhuleliwa ni Muluku wa ootheene anroromela.

aGalata 2:19

Niwoko na nlamulo kohookhwa wa nlamulo weera kimukhalele Muluku.

aGalata 3:10

Yaawo ootheene anroromela miteko sa malamulo alaphiwa, niwoko yoolempwa: “Oolaphiwa ootheene yaale ahinkwanihera itthu sootheene silempwe mulivuruni ya malamulo.”

aGalata 3:13

Kristu oonivuluxa munlaphoni na malamulo, athatuwaka nlapho vanipuroniwahu, niwoko yoolempwa: “Oolaphiwa ti ootheene yaale athomeiwale vamuttandani.”

aGalata 3:24

Hiiho malamulo yaari muhusihaahu weera enironghe wa Kristu, weera hiyo naakhuleliwe ni Muluku niwoko na nroromelo.

Deuteronomiyo 18:15

Yave Mulukwaanyu onookhaliherani mprofeeti ntoko miyo oothanliwa variyari wa axunninyu. Mmwiiwelele yoowo.