Yohaane 5:40 - Emakhuwa Bible

⁴⁰ Wa soothesene, nyuwo khamuntthuna orwa wa Miyo weera mphwanye okumi woohimala.

Yohaane 5:40 Iomraidhean Croise

Icipo 81:11

Wa soothesene, mulokwaaka khawaatthuna okiiwa, aYixrayeli yaakhootta okiiwelela.

Yesaya 49:7

Vano Yave, Mvuluxa ni Ootteela a oYixrayeli onimweerela yoole ooramusiwa ni oothanyiwa ni miloko, murumeiyi a anamalamula: “Mamwene anoowoonani, eneemela; anamwane a mamwene anoowoonani, enakokhora niwoko na Yave ori oororomeleya, Ootteela a oYixrayeli othanlaleni.”

Yesaya 50:2

Miyo kaarwaaka, kihimphwanyenreni mutthu? Miyo kiitthanaaka, kahaakhuleliweni? Apaale moonowaaka wookhuveyaxa ohiweraka owoopolani? Apaale nkinono ikuru sowoovuluxani? Kinuumiha ephareiya ni nsu na ohiiha paahi, kintatuxa nyooloko nikare; ihopasaya sinuntta niwoko na ohikhalano maahi ni sinkhwa ntthona.

Matheyo 22:3

Aahaarumihela arumeiyaawe atthu yaalattuliwe ofestani, eweerelaka weera eweeke, mene awo khayaatthunne orwa.

Matheyo 23:37

Yerusaleemu, Yerusaleemu, weyo ongwiiva maprofeeti ni onaavonya maluku yaawo onrumiheliwaawo! Hapo kaatthuna waathukumanya anamwanaawo ntoko nttehi nnaathukumanyaaya axaanaaya vathi wa mapuphaaya, mene khawaatthuna!

Yohaane 1:11

Aarweenle yaawo yaari awawe, mene awawe khayaamwaakhenle.

Yohaane 10:10

Namwiiya onrweela wiiya, wiiva ni ophwata paahi. Miyo kaarweenle weera atthu ekhalane okumi, aani okumi woowaattaxa.

Yohaane 3:19

Nthorihelo ti nna: waara wohoowa vathi, mene atthu yaasivela epiphi ohiya waara niwoko mitekosaya saari soonanara.

Yohaane 5:39

Nyuwo munsoma Yoolempwa* nnenesene niwoko munuupuwela weera mmwiphwanyemo okumi woohimala. Ti Yoolempwa* enkikhalela onamoona.

Yohaane 5:41

Miyo nkinaakhulela ovuwa wa atthu,

Yohaane 5:44

Mmwiroromele hai mwaakhulelanaka mukina ni mukhwaawe ovuwa, mene khamunaasaasa ovuwa ongwa wa Muluku mmoharu.

Yohaane 6:27

Muhivarele muteko yooca emmala, mene yooca enkhala mpaka mookumini woohimala, mwa yeeyo Mwaana a mutthu anoovaheeni. Muluku Atiithi aamvaha Yoowo eneneero ya waakhuleleya.”

Yohaane 6:37

Ootheene Atiithi ankivahaaya, eniiwe wa Miyo. Ni yoole anaawe wa Miyo, nkiwa kimoomola.

Yohaane 6:40

Otthuna wa Atithaka ti weera ootheene aningweha Mwaana a mutthu ni animuroromela Yoowo, ekhalane okumi woohimala. Ni Miyo nkimvenyererihe nihuku noomaliha.”

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

Ethupululo 22:17

Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.