Yohaane 5:30 - Emakhuwa Bible

³⁰ Miyo nkingwera opaka naari etthu muneenaakaru. Kinthoriha paahi ntoko kiniiwaaka ni nthorihelonaka ti na ekhaikhai niwoko nkinaasaasa wiisiveliha, mene waasiveliha Yaale yaakirumihale.

Yohaane 5:30 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Icipo 96:13

Seiyo siniipa vamaithoni wa Yave, niwoko Owo ongwa, aani onrweela weera athorihe elapo ya vathi. Owo onoothoriha elapo mweekhaikhaiyini ni miloko sootheene moota woororomeleya.

Yesaya 28:6

Owo onookhala Munepa wa ekhaikhai wa yoole onkilaathela othoriha; ikuru wa yaale anghokoleela owana ekhotto vamulako.

Zefaniya 3:15

Yave oovenxa ottaruxiwawanyu, Owo ohaahokoloxa amwiittanaanyu. Yave, mwene a oYixrayeli, ori eriyaraanyu; nyuwo khamoovaru etthu.

Matheyo 26:39

Arowaka vahoolo vakhaani, aahuuramihela ekhovaawe vathi, anavekela: “Tiithi, wawereya, mususihe wa Miyo ekoomixi ela, wa soothesene, ohikhale ntoko kintthunaaka, mene ntoko muntthunaanyu.”

Yohaane 14:10

Nyuwo khamunroromela weera Miyo kiri mwa Atiithi ni Atiithi mwa Miyo? Masu kinooleelaakani khaahiyono awaka. Ohiyanawaya, ti Atiithi ankhala mwa Miyo ankwanihera mutekwaaya.

Yohaane 17:4

Miyo kihoovuwihani mweelaponi ya vathi, kikwaniheraka muteko mwaakivanghaanyu opaka.

Yohaane 18:11

Vano Yeesu aamulamulela Pedru: “Musunge ekatanaanyu! Apaale nkinrowa owura ekoomixi ela Atiithi akivanghaaya?”

Yohaane 4:34

Yeesu aaweerela: “Yoocaaka ti opaka otthuna wa Yoowo okiruminghe ni omaliha mutekwaawe.

Yohaane 5:19

Yeesu aaweerela: “Miyo kinooleelani vekhaikai weera Mwaana khangwera opaka etthu muneenaawe. Paahi ongwera opaka yeeyo owoonenlaawe Atithawe epakaka niwoko yeeyo Atiithi ampakaaya, Mwaana onoopakatho.

Yohaane 6:38

Vano, kookhuruwa wiirimu khoohiyono opaka otthunawaka, mene otthuna wa Yaawo akiruminghe.

Yohaane 8:28

Vano Yeesu aaweerela: “Nyuwo mwaamuttukhulaka Mwaana a mutthu, mmwisuwele weera Miyo kiri, ni kheewo kimpakaaka ya muneenaakaru. Vekhaikhai, kinuuluma yeeyo paahi Atiithi akixuttinghaaya.

Yohaane 8:42

Yeesu aaweerela: “Muluku aari atithinyu, nyuwo mwaamukisivela niwoko Miyo kaawiiye wa Muluku, ni vaanaano kiri va. Miyo nkiwiiye wa muneenaakaru, mene wa Awo akiruminghe.

Yohaane 8:50

Miyo nkinaasa ovuwawaka. Ti Atiithi anaasa ovuwawaka ni Awo anthoriha.

aRooma 15:3

Vano Kristu khiisivelinghe mwaneenaawe, mene ntoko elempwalaaya: “Sooruwana sa yaale anooruwanani, sookimorela Miyo.”

aRooma 2:2

Noosuwela weera nthorihelo na Muluku wa yaawo ampaka itthusene seiyo nri na ekhaikhai.

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.