Yohaane 5:23 - Emakhuwa Bible

²³ weera ootheene emuttittimihe Mwaana ntoko anaattittimihaaya Atiithi. Yoole ohinimuttittimiha Mwaana, khanaattittimihatho Atiithi yaamurumihale.

Yohaane 5:23 Iomraidhean Croise

Icipo 2:12

Mumbeece Mwaana, weera Owo ahinyoonyiwe ni nyuwo muhiphwatiwe wootutuxereya niwoko isarasawe waakuva opatta. Ooreelihiwa yaawo ootheene antthawela mwa Yoowo!

Yesaya 42:8

Miyo ti Yave – nna ti Nsinanaka! Nkirwa kimuvaha mukina ovuwawaka naari otthapelawaka wa miluku sikina.

Yesaya 44:6

“Vano, Yave, mwene ni Mvuluxa a oYixrayeli, Yave a ikuru sootheene oneera ha: Miyo ti Oopacera ni Ookisera, kihikhanle Miyo khawowo muluku mukina.

Yesaya 45:15

Ii! Muluku ni Mvuluxa a oYixrayeli, vekhaikhai Nyuwo ti Muluku onniipitha.

Yesaya 45:21

Muhime yeeyo eneera yeereiye, moonihere yoowaakhuleleya. Awosa ethukumane elakane. Taani aahimale yeeyo khalayi? Taani aalaleiye mweehuhuni evinre? Kaari Miyo, Yave. Khoowowo muluku mukina kihikhanle Miyo, Muluku Oororomeleya ni Mvuluxa. Khoowowo muluku mukina kihikhanle Miyo.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Matheyo 10:37

Yoowo onaasivelaxa atithawe, hoye hoye amayawe wookipwaha Miyo, khakiphwanenle Miyo. Yoowo onaasivelaxa anamwanaawe wookipwaha Miyo, khakiphwanenle Miyo.

Matheyo 11:27

Itthu sootheene kivahereriwe ni Atithaka. Khaawo amusuwenle Mwaana, ehikhanle Atiithi, ni khaawo aasuwenle Atiithi ahikanle Mwaana ni yaale Mwaana ontthunaawe owoonihera Atiithi.

Matheyo 12:21

Miloko sinoomuroromela Yoowo.”

Matheyo 15:8

‘Muloko ola onkittittimiha ni eyano paahi, mene mirimasaya siri ottaiwene wa Miyo.

Matheyo 28:19

Tivawo, murowe ni mwaakhalihe oohusera a amalapo ootheene, mwaapatisaka mwa Nsina na Atiithi, na Mwaana ni na Munepa Wootteela,

Luuka 10:16

Yoole ongwiiwelelani, onkiiwelelatho Miyo. Yoole onookhoottani, onkikhoottatho Miyo. Vano, yoole onkikhootta, onimukhootta Yoowo okiruminghe.”

Yohaane 14:1

Mirimasanyu sihikacamiheye. Munroromele Muluku, mukiroromeletho Miyo.

Yohaane 16:14

Owo onuukivuwihe niwoko oniwaakhele yeeyo eri yawaka ni oniwoosuweliheni yeeyo.

Yohaane 17:10

Ootheene kiraakano ti awinyu, ni ootheene muraanyuno ti awaka. Miyo kimvuwihiwa mwaha wa yaawo.

aRooma 1:7

Wa ootheene oRooma ari oosiveleya a Muluku ni aniitthaniwa weera ekhale ootteela: Wa nyuwo, mahala ni murettele onrweela wa Muluku Atithihu ni Apwiya Yeesu Kristu.

aRooma 15:12

Vano Yesaya eenretho: “Onuumele wa mukwankhwaarini wa Yixai Yoowo oniweemele weera waalamule amalapo, ni awo eniimuroromele Yoowo.”

aRooma 6:22

Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala.

aRooma 8:9

Wa soothesene, nyuwo khamukhanle munlamuloni na erutthu yootthekeya, Munepa wa Muluku wakhala vekhaikhai mwa nyuwo. Ni akhala mukina ohinono Munepa wa Kristu, owo khahiyono a Yoowo.

1 aKorinto 1:3

Wa nyuwo, mahala ni murettele wa Muluku Atithihu ni wa Apwiya Yeesu Kristu.

1 aKorinto 10:31

Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku.

1 aKorinto 16:22

Akhala mukina ohinaasivela Apwiya, akhaleke oolamphwa. Ewe Apwiya!

1 aKorinto 6:19

Khamusuwenle weera erutthwaanyu ti empa ya Munepa Wootteela? Mohaakhela Owo wa Muluku, ni onkhala mwa nyuwo. Tivawo nyuwo khamuhiyono a nyuworu.

2 aKorinto 1:9

Mwa yeeyo hiyo asineenaahu naakhalano othoriheliwa okhwa, weera nihiiroromele asineenaahu, mene mwa Muluku onaavenyereriha akhwiiye.

2 aKorinto 13:14

Mahala a Apwiya Yeesu Kristu, osivela wa Muluku, ni wiiwanana wa Munepa Wootteela okhale ni nyuwo ootheene.

2 aKorinto 5:14

Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa.

2 aKorinto 5:19

weera Muluku mwa Kristu iiraanyiha elapo ya vathi ni mwaneenaaweru, ahaalikelaka soottheka sa atthu. Owo aanivaherera hiyo masu a wiiraana.

awEfeso 6:24

Mahala ekhale ni ootheene anaasivela Apwiyaahu Yeesu Kristu ni osivela woohimala.

2 Timootheyo 1:12

Niwoko na yaawo, miyo kinoohaawatho, mene nkinuuliwa muru, niwoko koomusuwela Yoowo kinimuroromelaaka, ni koosuwela nnenesene weera Owo ti a ikuru weera athokorore yeeyo mpaka nihuku nno kaamvaherenraaka.

aHeberi 1:6

Nitho Muluku aamoonihenraawe Mwanawe mmoharu mweelaponi, eenre: “Andyelo ootheene a Muluku ontthuneya weera yamulape.”

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

2 Pedru 3:18

Wa soothesene, munnuwe mmahalani ni moosuwelani mwa Apwiyaahu ni Mvuluxa Yeesu Kristu. Wa Awo okhale ovuwa wa vaanaano ni woohimala. Ame*.

1 Yohaane 2:23

Ootheene animukhootta Mwaana, khaanonotho Atiithi. Yoowo onimwaakhela Mwaana mwaatthuni, ookhalanotho Atiithi.

2 Yohaane 1:9

Khula mutthu ohinkhala mwa nihusiho na Kristu, mene onghapuwa mphironi, khahiyono a Muluku. Yoole onkhala munihusihoni na Kristu ohaakhalano Atiithi nitho Mwaana.