Yohaane 5:22 - Emakhuwa Bible

²² Atiithi khaawo animuthorihaaya, mene aamwinnyerera Mwaana nthorihelo nootheene

Yohaane 5:22 Iomraidhean Croise

Icipo 96:13

Seiyo siniipa vamaithoni wa Yave, niwoko Owo ongwa, aani onrweela weera athorihe elapo ya vathi. Owo onoothoriha elapo mweekhaikhaiyini ni miloko sootheene moota woororomeleya.

Icipo 98:9

seiyo siipe vamaithoni wa Yave, niwoko onrweelaa othoriha elapo. Owo onoothoriha elapo mweekhaikhaiyini ni miloko moota woororomeleya.

Namalaleiya 11:9

Ohakalale mmiravo hiiha oraawo mukithi! Otteeliwe murimaawo mmahukuni a omiravowaawo! Orowe weiwo onoolamulelaayawo murimaawo, mpaka anoonaayawo maithwaawo; Vaheera osuweleke weera mwa itthu sootheene iyo onoomwaakhulano Muluku.

Namalaleiya 12:14

Vano, Muluku onooruuhela nthorihelo sootheene sipakingwe, vamoha ni seiyo siipithihingwe – ekhalaka yooreera naari yoonanara.

Matheyo 11:27

Itthu sootheene kivahereriwe ni Atithaka. Khaawo amusuwenle Mwaana, ehikhanle Atiithi, ni khaawo aasuwenle Atiithi ahikanle Mwaana ni yaale Mwaana ontthunaawe owoonihera Atiithi.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Matheyo 28:18

Yeesu aawaattamela yaawo ni aaweerela: “Koovahiwa ikuru sootheene sa wiirimu ni vathi.

Yohaane 17:2

Vano mwaamvaha Mwaana ikuru soolamula omutthu wootheene weera aavahe okumi woohimala ootheene Nyuwo mumvanghaanyu.

Yohaane 3:35

Atiithi animusivela Mwaana ni aamwinnyerera sootheene mmatatanimwawe.

Yohaane 5:27

Aamvahatho ikuru weera athorihe niwoko ori Mwaana a mutthu.

Yohaane 9:39

Yeesu aamweerela: “Miyo kirweenle mweelaponimu othoriha: weera ahinoona yoone ni anoona ekhale oohoona.”

Miteko 10:42

Owo aanirumihale olaleera muloko wa atthu ni okhalela onamoona weera Owo ti Yoowo Muluku aamukhalihalaawe Mphuki a akumi ni akhwiiye.

Miteko 17:31

Aakhaliha nihuku nimoha Owo aneeraawe athorihe elapo ni ekhaikhai mwa Mulopwana omuthanlalaawe. Ni ohoonihera yeeyo wa omutthu wootheene, woomuvenyereriha Mulopwana Owo.”

aRooma 2:16

Eyo eniikhumelele vanihukuni Muluku aneeraawe athorihe ixiiri sa atthu mwa Yeesu Kristu, ntoko anthalihaaya masu ooreeraxa miyo kinlaleiyaaka.

2 aKorinto 5:10

Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.

2 Timootheyo 4:1

Vamaithoni wa Muluku ni wa Kristu Yeesu, oneeraawe aathorihe akumi ni akhwiiye, ni kuupuwelelaka wooniherawawe ni omwenaawe, kinoodyoonttelelaxa:

1 Pedru 4:5

Wa soothesene, awo eniimwaakhule Yoole ori oolikana weera aathorihe akumi ni akhwiiye.