Yohaane 5:21 - Emakhuwa Bible

²¹ Vano, mooteene yoowo Atiithi anaavenyererihaaya akhwiiye ni anaavahaaya okumi, hiihotho Mwaana onaavaha okumi yaale Owo onaatthunaawe.

Yohaane 5:21 Iomraidhean Croise

1 Mamwene 17:21

Owo aamphiteera mmiravo vararu amukhuwelelaka Yave: “Ii! Yave Mulukwaaka, munghokoloxere mmiravo okumi!”

2 Mamwene 5:7

Mwene a oYixrayeli asomakaru ekaratta, aahaahula ikuwosawe eeraka: “Apaale miyo Muluku? Weeraka kinoowera ovaha okumi hoye hoye okhwa? Heeni mulopwana owo onkirumihelaawe mutthu weera kimulamihe makokho? Moone, owo ontthuna okiinanano!”

Yohaane 11:25

Yeesu aamweerela: “Miyo ti Ovenyerera ni Okumi. Yoole onkiroromela Miyo, hata akhwe, anaakhale ni okumi,

Yohaane 17:2

Vano mwaamvaha Mwaana ikuru soolamula omutthu wootheene weera aavahe okumi woohimala ootheene Nyuwo mumvanghaanyu.

Yohaane 6:63

Munepa omvaha okumi; erutthu khemphwanela etthu. Masu kooleenlaakani ti munepa ni okumi.

Miteko 26:8

Heeni nyuwo muhingweraanyu ororomela weera Muluku onaavenyereriha akhwiiye?

aRooma 8:11

Vano, wakhala mwa nyuwo Munepa wa Yoole omvenyererihale Yeesu mookhwaani, Yoowo omvenyererihale Kristu mookhwaani anaavahetho okumi wa irutthusanyu sookhwa niwoko na Munepaawe onkhala mwa nyuwo.

1 aKorinto 15:45

Hiiho yoolempwa: “Mulopwana oopacera, Adamu, aathatuwa erutthu ya okumi”; Adamu ookisera aathatuwa munepa omvaha okumi.

Deuteronomiyo 32:39

Moone weera Miyo ti mmoharu Yoomeene. Khoowowo muluku mukina kihikhanle Miyo. Ti miyo kiniiva ni kimvaha okumi. Kimvulaliha ni kinlamiha. Khaawo ongwera wiitapuxa mmatatanimwaka.