Yohaane 4:36 - Emakhuwa Bible

³⁶ Yoowo onghepha onaakhela ntthuvelonawe ni onghephela soowiima okumi woohimala moota wooweera yoole aanle nitho yoole onghepha anootteeliwa murima.

Yohaane 4:36 Iomraidhean Croise

Masu a Miruku 11:18

Mutakhali onaakhela nlivo noolokottheya, vaheera yoowo onaala moota woowookoleleya onghepha ntthuvelo noororomeleya.

Masu a Miruku 11:30

Yoowiima ya yoororomeleya ti mwiri wa okumi, ni yoowo onaarukunxiha murima akina ti musuweli.

Daniyeli 12:3

Yaawosa ari a miruku animwaara ntoko waaraxa wa wiirimu ni yaawo angweettiha ancipale weera yaakhuleliwe ni Muluku, anooceremela ntoko ithenyeeri wa mahuku ootheene.

Matheyo 19:29

Ni ootheene ahiyale impasaya, axunnaya, axirokoraya, asitithaya, asimayaya, anamwanaaya, hoye hoye imattasaya niwoko na Nsinanaka, eniyaakhele seiyo imaara ncira, ni eniiphwanyetho okumi woohimala.

Yohaane 3:36

Yoowo onimuroromela Mwaana, ookhalano okumi woohimala. Vaheera yoowo onimukhootta Mwaana, kharwa oona okumi, mene isara sa Muluku sinkhala ni yoowo.”

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

aRooma 1:13

Kintthuna weera nyuwo, axunnaka, musuwele nnenesene weera imaara sincipale kuupuwelaaka wooxekurani. Kaatthuna ohepha yoowiima emoha variyariwanyu ntoko kihemphaaka variyari wa amalapo akina, mene kohooceelihiwa wooxekurani mpaka olelo.

aRooma 2:7

Owo anaavahe okumi woohimala wa yaawo ampwaherera opaka nnene ni anaasaasa ovuwa, nttittimiho, ni okumi woohimala.

aRooma 6:22

Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala.

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

1 aKorinto 9:17

Kaalaleiyaka ni otthunawaka, kookhalano ntthuvelo. Wa soothesene, woonaka weera koonyesererihiwa olaleiya, miyo kinkwanihera paahi ikuru seiyo kiroromelihiwaaka.

1 aKorinto 9:18

Vano, ntthuvelonaka tinni? Paahi yeeyo: Olaleiya masu ooreeraxa wa mahalani, hiiho kihivarelaka muteko ikurusaka woolaleiyani.

1 aTesalonika 2:19

Vano, ari taani owehererawahu, ohakalalawahu, hoye hoye ecireembaahu vamaithoni wa Apwiya Yeesu moorwaanimwaya, ohikhanle nyuwo?

1 Timootheyo 4:16

Othokorore nnenesene mweettelowaawo ni nihusihonawo, opwahereraka ovilela mwa itthusene seiyo, niwoko opakaka yeeyo, onoovuluxiwa weyo mwaneenaawo ni yaawo angwiiwa.