Yohaane 4:23 - Emakhuwa Bible

²³ Vanonto, eneera ephiyaka ehuhu, aani vekhaikhai yoophiya, eneeraaya anamalapela a ekhaikhai yaalapele Atiithi ni mMunepani Wootteela ni mweekhaikhaiyini. Ti anamalapa ntoko awo Atiithi angwaasaaya.

Yohaane 4:23 Iomraidhean Croise

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

Icipo 147:11

Yave onaahakalalela yaale ammoova; yaale anroromela osivelawawe woohimala.

Icipo 17:1

Ii! Yave, mwiiwe mavekelowaaka ororomeleya ni okhuwelawaka; mwiiwe nivekelonaka, niwoko khaninrweela mmwaano moowootha.

Icipo 32:2

Ooreelihiwa mutthu Yave ohimmoonanaawe soottheka ni mwa yoowo ohinimphwanyanaawe wiixeera.

Icipo 51:6

Koosuwela weera muntthuna woona ekhaikhai mpuwamwaka; munkixuttiha miruku mmurimanimwaka.

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Ecipo Yooreeraxa 2:14

Ekhundaaka eri mmakhukuni a nyala, moowiipitha muxerexere nyaako, mukoonihere ekhovaanyu, mukihiye kiiwe nsunanyu; niwoko nsunanyu ti noosiveleya, ni ekhovaanyu ti yooreeraxa.

Yesaya 10:20

Vanihukuni nenenenno oohalahala oYixrayeli; yaale eniikhale ni okumi a ekhapira ya Yakobe khayaaroromela yaale yaavulalinghe, mene anoomuroromelaxa Yave, Ootteela Yoowo a oYixrayeli.

Yesaya 29:13

Yave oneera: “Muloko ola onkaattamela ni masu ni onkittittimiha ni iyano paahi, vaheera mirimasaya siri ottaiwaka. Onkilapa ni ekhovelelo ya atthu paahi.

Yesaya 43:21

muloko kiipakenlaaka weera owo olaleiye ottottopeleyawaka.

Yesaya 58:2

Vano khula nihuku awosa annikaasa; awosa antthunaxa osuwela iphirosaka ntoko waari muloko ompaka yeeyo eri yooreera ni ohihingye malamulo a Mulukwaaya. Awosa ankivekela soolakela sa ekhaikhai ni ankhala ntoko anamahaawela weera Muluku aakhuveele.

Yeremiya 3:10

Orookhalaru hiiho, axunnaya aYuda anamavariha, khaahokoleenle wa Miyo ni murima wootheene, mene ni woothereriha,” onghima Yave.

Yeremiya 4:2

ni nyuwosa mwalipela mwa Nsina na Yave moota woororomeleya, wa ekhaikhai ni wookwanela, vano miloko sinooreelihiwa ni Yoowo ni sinoomvuwiha.”

Ezekiyeli 22:30

Koomwaasaasa eriyaraaya mulopwana eera arasele exiri ni eemelele mitari vamaithoniwaka, eerelaka elapo ela, weera Miyo kihiphwate, mene nkimphwannyeru.

Yohaane 1:17

Vano, nlamulo nivahiwe ni Moisesi, mahala ni ekhakhai erwiiye ni Yeesu Kristu.

Yohaane 12:23

Yeesu aawaakhula: “Yoophiya ehuhu ya ovuwihiwa wa Mwaana a mutthu.

Yohaane 16:2

Nyuwo mmoomoliwe muSinagogani*. Vekhaikhai, eniiphiye ehuhu yaawo eneera ewiiveeni, eniyuupuwele weera animurumeela Muluku epakaka yeeyo.

Yohaane 16:32

Enkhuveela ehuhu, aani yoophiya, nyuwo muneeraanyu mmwaramwareiye khula mutthu wa owannyawe. Nyuwo mmwikihiye meekhaaka. Wa soothesene, Miyo nkikhanle meekhaaka niwoko Atithaka ari ni Miyo.

Yohaane 4:21

Yeesu aahima: “Muroromele yeeyo kinooleelaakani muthiyana. Ehuhu yookhuveela nyuwo muneeraanyu muhaalapele Atiithi, hata vamwaakoni ola, hata oYerusaleemu.

Yohaane 5:25

Miyo kinoororomelihani vekhaikhai weera enoophiya ehuhu, aani, yoophiya, akhwiiye eneeraaya yiiwe nsu na Mwaana a Muluku ni yaale aniiwa nsu, eniikhale ni okumi.

Yohaane 5:28

Muhitikhine yeeyo, niwoko enoophiya ehuhu ootheene ari mmahiyeni eneeraaya yiiwe nsunawe ni eniivenye.

aRooma 1:9

Muluku, mwa Yoowo kinimurumeelaaka ni murima wootheene kilaleiyaka masu ooreeraxa a Mwanawe, ti namoonaaka moota miyo kingwuupuwelelaakani mahuku ootheene

aRooma 8:15

Nyuwo khamwaakhenle munepa wa okaporo weera moove veeli, mene mohaakhela Munepa onookhalihani ntoko anamwane. Vano, hiyo ninkhuwela ni Munepa Owo: “Aba,” entaphulela “Tiithi.”

aRooma 8:26

Mooteene yoowo Munepa onnikhavihera ohilipawahu, niwoko kanisuwenle nnenesene ovekela, mene Munepeene Yoowo onnanivekelela wa Muluku ni soowiipulela soohiwereya ohimeya.

aGalata 4:6

Hapo muri anamwane a Muluku, Owo aaruma Munepa Wootteela wa Mwanawe wa mirimasanyu, mwa Yoowo oneera: ‘Aba, Tiithi!’

awEfeso 6:18

Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene.

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

Yoxuwa 24:14

Vanonto, mmoove Yave ni munrumeele ni murima woororomeleya. Mvonyere okhwipi miluku yaalapaaya makholowaanyu okhopela wEfrates ni wExipitu ni munrumeele Yave.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Samuweli 12:24

Mmoove paahi Yave, munrumeeleke oororomeleyeene ni murima wootheene ni muupuwelele itthu sootikhiniheya Owo oopakenlaaweni.