Yohaane 4:21 - Emakhuwa Bible

²¹ Yeesu aahima: “Muroromele yeeyo kinooleelaakani muthiyana. Ehuhu yookhuveela nyuwo muneeraanyu muhaalapele Atiithi, hata vamwaakoni ola, hata oYerusaleemu.

Yohaane 4:21 Iomraidhean Croise

Yesaya 66:1

Yave oneera ha: “Erimu ti ehicaaka ya emwene ni elapo ya vathi ti ntthatto na inaawosaka. Moota heeni wa empa muneeraanyu mukitekele? Nipuro na wiitthuuwawaka nri woowi?

Ezekiyeli 14:3

“Mwaana a mutthu, atthu ala aheemexa miluku mmirimanimwaya, yiikaatheraka sookwattula sootakhala vamaithoniwaya xaxaxa. Heeni kintthuneyaaka waatthunihera okaasa?

Ezekiyeli 20:3

“Mwaana a mutthu, muulume ni ahooleli a oYixrayeli ni mwaaleelase: ‘Yave onlamula sootheene oneera ha: Nyuwosa murweenle okikoherera? Kinlipela mwa okumaaka weera Miyo nkoohiyani mukikohereraka, onghima Yave onlamula sootheene.’

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Matheyo 18:20

Vano, weiwo anthukumanaayawo eeli, naari araru mwa Nsinanaka, vawo Miyo kiri variyariwaya.”

Matheyo 28:19

Tivawo, murowe ni mwaakhalihe oohusera a amalapo ootheene, mwaapatisaka mwa Nsina na Atiithi, na Mwaana ni na Munepa Wootteela,

Luuka 21:24

Akina eniyiiviwe ni ikatana, ni akina eniironghiwe okaliposo mweelaponi sootheene. oYerusaleemu onuunyikaliwe ni amalapo mpaka ihuhusaya sineeraaya sikwaniheriwe.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 16:2

Nyuwo mmoomoliwe muSinagogani*. Vekhaikhai, eniiphiye ehuhu yaawo eneera ewiiveeni, eniyuupuwele weera animurumeela Muluku epakaka yeeyo.

Yohaane 16:32

Enkhuveela ehuhu, aani yoophiya, nyuwo muneeraanyu mmwaramwareiye khula mutthu wa owannyawe. Nyuwo mmwikihiye meekhaaka. Wa soothesene, Miyo nkikhanle meekhaaka niwoko Atithaka ari ni Miyo.

Yohaane 4:23

Vanonto, eneera ephiyaka ehuhu, aani vekhaikhai yoophiya, eneeraaya anamalapela a ekhaikhai yaalapele Atiithi ni mMunepani Wootteela ni mweekhaikhaiyini. Ti anamalapa ntoko awo Atiithi angwaasaaya.

Yohaane 5:25

Miyo kinoororomelihani vekhaikhai weera enoophiya ehuhu, aani, yoophiya, akhwiiye eneeraaya yiiwe nsu na Mwaana a Muluku ni yaale aniiwa nsu, eniikhale ni okumi.

Yohaane 5:28

Muhitikhine yeeyo, niwoko enoophiya ehuhu ootheene ari mmahiyeni eneeraaya yiiwe nsunawe ni eniivenye.

Miteko 6:14

Noomwiiwa eeraka weera Yeesu Owo oNasarete anaaphwate nipuro nna ni anaaceendye ikhovelelo Moisesi aanivanghaawe.”

awEfeso 2:18

Vano, niwoko na Yoowo, ooweeli hiyo nookhalano evolowelo wa Atiithi mwa Munepa mmoharu.

awEfeso 3:14

Tivawo kinnakokhorela ohoolo wa Atiithi,

1 Timootheyo 2:8

Kintthuna weera alopwana evekele mapuro ootheene, yeemexaka matata ootteela, ehikhalaka ni isara, naari ehinyakhulihanaka.

1 Pedru 1:17

Woonaka weera mungwiitthana Atiithi Yaawo anthoriha ehikhalaka nthalu miteko sa mutthu ti mutthu, mweetteke ni woova ehuhu ya mukwahaanyu wa vathi.

Ethupululo 21:22

Nkoonne Empa ya Muluku ekina musidadeni, niwoko Apwiya Muluku a ikuru sootheene ni Eputtiputthi ari empaaya yootteela.