Yohaane 3:27 - Emakhuwa Bible

²⁷ Yohaane aawaakhula: “Mutthu ongwera waakhela paahi yeeyo omvahiwaawe wiirimu.

Yohaane 3:27 Iomraidhean Croise

Yeremiya 1:5

“Miyo kihinaaye woopakani mmirimani mwa amayinyu, kaahoosuwelani. Nyuwo muhinaaye oyariwa, Miyo kaahoothanlani ni kaahookhalihani ntoko mprofeeti wa miloko.”

Yeremiya 17:16

Miyo nkinkhootta okhala mukukhulaanyu. Munsuwela weera miyo nkaahaawenle nihuku na ohiweherera. Yeeyo kinuulumaaka yoosuwanyeya wa Nyuwo.

Amosi 7:15

Vaheera Yave ookivenxa vamutekoni, muxerexere muhuwo, anakeerela: ‘Murowe mwathalihere otthuna wa Muluku oYixrayeli, mulokwaaka.’

Nuumeru 17:5

Ekopo ya yoowo kineeraaka kimuthanle enoottuva, ni Miyo kinimwiitapuxa mwa okhupanyaxa anoopakelasaayani aYixrayeli.”

Matheyo 21:25

Opatiso wa Yohaane, waari wa wiirimu, hoye hoye wa atthu?” Awo yaakohana yaaworu: “Neera ‘wa wiirimu,’ ola onoonikoha: ‘Vano, niwoko heeni nyuwo mwahaamuroromenlaanyu?’

Matheyo 25:15

Mmoha aamvaha italentu* ithanu, mukina italentu* piili, ni mukinatho aamvaha emoha, wa mutthu ti mutthu aamvaha moota ongweraawe. Vahoolowaya aapwaha ni mukwahaawe.

Marku 13:34

Ori ntoko mulopwana ompwaha ni mukwahaawe. Owo onghiya empaawe, amuhiyeraka murumeiyi ti murumeiyi ni mutekwaawe, ni onimulamula namalipelela milako weera alipelele.

Yohaane 10:41

ni atthu ancipale yaarowa weiwo aaraawewo yeeraka: “Ori mweeraru Yohaane ahinatoke opaka eneneero yootikhiniheya, sootheene owo aahimaawe mwaha wa Mulopwana Ola saari sa ekhaikhai.”

Yohaane 6:65

Owo aapwaherera eeraka: “Tivawo Miyo kooleenlaakani weera khaawo ongwera owa wa Miyo, ohikhanle weera eyo ovahiwe ni Atiithi.”

aRooma 1:5

Niwoko na Yoowo ni na Nsinanawe nohaakhela mahala ni muteko okhala arummwa, weera niweettihe atthu a miloko sootheene weera eroromele ni yiiwelele.

aRooma 12:6

Nookhalano sa mahala soohiyanahiyana ntoko mahala nivahiwaahu. Akhala mukina ongwera othalihera otthuna wa Muluku, ontthuneya ovarela muteko mahaleene yaawo munroromelonimwawe.

1 aKorinto 1:1

Ya Pawulo, iitthaniwe ni otthuna wa Muluku weera akhale murummwa a Kristu Yeesu, ni wa munna Sostene.

1 aKorinto 12:11

Itthusene seiya sootheene simpakiwa ni Munepeene Yoowo mmoharu. Ni Owo onkawa samahalasaya wa mutthu ti mutthu, ntoko ontthunaaya.

1 aKorinto 15:10

Vano, niwoko na mahala a Muluku miyo kiri yeeyo kiraaka, ni mahalaawe wa miyo khayaahiyono a siiyo. Mwa yeeyo koovara muteko waapwaha yaawo ootheene, wa soothesene nkihiyono miyo, mene mahala a Muluku yaari ni miyo.

1 aKorinto 3:5

Woomaleloni, nneereke Apolo taani? Pawulo taani? Ari arumeiyi paahi, yookhavihenreni ororomela. Ni awo ooweeli aapaka yeeyo Apwiya yaarumalaaya paahi.

1 aKorinto 4:7

Vano, taani ongweerelani weera nyuwo moovirikana ni akina? Eheeni muraanyuno muhaakhenlaanyu? Ni mwaakhenleene, heeni muniixooniheraanyu ntoko khamwaakhenle?

aGalata 1:1

Ya Pawulo, murummwa ahirumihiwe ni alopwana, naari mutthu mmoha, mene aani, ni Yeesu Kristu ni Muluku Atithi, amvenyererihale Yeesu mookhwaani.

awEfeso 1:1

Ya Pawulo, murummwa a Kristu Yeesu, ntoko Muluku aatthunaawe, wa ootteela ni oororomeleya mwa Kristu Yeesu ari wEfeso:

1 Timootheyo 2:7

Wa yeeyo kookhalihiwa namalaleiya ni murummwa, muhusiha a nroromelo na ekhaikhai wa amalapo. Kinghima ekhaikhai – nkinootha.

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.