Yohaane 3:11 - Emakhuwa Bible

¹¹ Kinoororomelihani weera hiyo ninuuluma sa yeeyo ninsuwelaahu ni ninkhalela onamoona sa yeeyo nnoonaahu, hata hiihotho, mulokwaanyu khoonaakhulela onamoonaahu.

Yohaane 3:11 Iomraidhean Croise

Yesaya 50:2

Miyo kaarwaaka, kihimphwanyenreni mutthu? Miyo kiitthanaaka, kahaakhuleliweni? Apaale moonowaaka wookhuveyaxa ohiweraka owoopolani? Apaale nkinono ikuru sowoovuluxani? Kinuumiha ephareiya ni nsu na ohiiha paahi, kintatuxa nyooloko nikare; ihopasaya sinuntta niwoko na ohikhalano maahi ni sinkhwa ntthona.

Yesaya 53:1

Taani ororomenle mutthengaahu ni moono wa Yave ooniheringwe taani?

Yesaya 55:4

Moone, koompaka namoona a miloko, muhooleli ni namalamula a miloko.

Yesaya 65:2

Mahuku ootheene kootheteela matata muloko woottiyamaaru, mwa yoowo oneetta mphironi yoonanara ni onaasa soowuupuwelasaya paahi.

Matheyo 11:27

Itthu sootheene kivahereriwe ni Atithaka. Khaawo amusuwenle Mwaana, ehikhanle Atiithi, ni khaawo aasuwenle Atiithi ahikanle Mwaana ni yaale Mwaana ontthunaawe owoonihera Atiithi.

Matheyo 23:37

Yerusaleemu, Yerusaleemu, weyo ongwiiva maprofeeti ni onaavonya maluku yaawo onrumiheliwaawo! Hapo kaatthuna waathukumanya anamwanaawo ntoko nttehi nnaathukumanyaaya axaanaaya vathi wa mapuphaaya, mene khawaatthuna!

Luuka 10:22

Atithaka aakivaha itthu sootheene. Khaawo onsuwela weera Mwaana taani, ehikhanle Atiithi, ni khaawo onsuwela weera Atiithi taani, ahikhanle Mwaana ni yaale Mwaana ontthunaawe waathupululela.”

Yohaane 1:11

Aarweenle yaawo yaari awawe, mene awawe khayaamwaakhenle.

Yohaane 1:18

Khaawo omoonne Muluku, ahikhanle Mwanawe mmoharu ori vamoha ni Atiithi mwa Yoowo aasuwelihale.

Yohaane 12:49

Vano nkiixuulumenle muneenaaka, mene Atiithi akiruminghe yaakilamulela yoohima ni yoowuuluma.

Yohaane 14:24

Yoole ohinkisivela Miyo, khaniiwelela maswaaka. Masu ala nyuwo muniiwaanyu khaahiyono awaka; ari a Atithaka akiruminghe.

Yohaane 3:12

Miyo kohooleelani itthu sa vathi ni khamuroromenle. Mmwiroromele hai Miyo kooleelani itthu sa wiirimu?

Yohaane 3:13

Khaawo owenle wiirimu, ahikhanle Yoole owiiye wiirimu, eyo tiiyo Mwaana a mutthu.

Yohaane 3:3

Yeesu aamwaakhula: “Kinooleelani ekhakhai: khaawo ongwera woona omwene wa Muluku owo ahiyariwetho wa osulu.”

Yohaane 3:5

Yeesu aamwaakhula: “Kinooleelani ekhaikhai: khaawo ongwera ovolowa moomweneni wa Muluku owo ahiyariwe wa maahi ni wa Munepa.

Yohaane 5:43

Miyo kirwiiye mwa Nsina na Atithaka ni nyuwo khamukaakhulenle, mukinatho awa mwa nsinanaweru, nyuwo mmwimwaakhulele.

Yohaane 7:16

Yeesu aawaakhula: “Nihusihonaka khanihiyono nawaka muneenaaka. Ningwa wa Yaale akirumihale.

Yohaane 8:14

Yeesu aawaakhula: “Kiri mweeraru Miyo kiikhalelaka onamoona muneenaakaru, onamoonaaka ori wa ekhaikhai niwoko koosuwela kinkhumaaka ni kinkelaaka. Vaheera nyuwo khamusuwenle kinkhumaaka, hata kinkelaaka.

Yohaane 8:26

Kookhalano masu mancipale weera kihime wa nthorihelonanyu, mene Yaawo akiruminghe amphwanela ororomeliwa, ni Miyo kinghima wa elapo ya vathi paahi yeeyo kiiwalaaka wa Yaawo.”

Yohaane 8:38

Miyo kinooleelani yeeyo koonnaaka kaakhalaaka ni Atthiiti ni nyuwo mumpaka yeeyo mwiiwalaanyu wa atithinyu.”

Miteko 22:18

ni kaawoona Apwiya yaakeerenle: ‘Mwaakuveke! Mukhume oYerusaleemu woowaakuveya, niwoko atthu a wenno kheerwa yaakhulela onamoonaanyu mwaha wa Miyo.’

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

Ethupululo 1:5

ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

Ethupululo 3:14

“Wa ndyelo a ekerexa eri ya oLawodiseiya, mulepe: Awo ari masu a Ame*, Namoona oororomeleya ni a ekhaikhai, Namalamula a ephattuwelo ya Muluku.