Yohaane 21:16 - Emakhuwa Bible

¹⁶ Yeesu aamukoha veeli: “Simeyoni, mwaana a Yohaane, munookisivela?” Owo aamwaakhula: “Aani Apwiya, moosuwela weera kinnoosivelani.” Yeesu aamweerela: “Mukukhule ikhondoolosaka.”

Yohaane 21:16 Iomraidhean Croise

Icipo 100:3

Musuwele weera Yave ti Mulukwaahu. Owo aanipattuxa ni hiyo nri a Yoowo. Nri mulokwaawe ni muhuwo wa nipuronaya na oca.

Icipo 95:7

niwoko Owo ti Mulukwaahu ni hiyo nri muloko wa nikhoolanawe; muhuwo Owo onkosoopaawe. Olelo, mwiiwaka nsunawe,

Zakariya 13:7

“Ii! Ekatana, muvenye ni ngwaneke ni mukukhulaaka, yoowo ori mukhwaaka!” ongima Yave a ikuru sootheene.”Mummane mukukhuli ni muhuwo onoomwaraxeya ni kinimwaarukunuwela asikhaani.

Matheyo 2:6

‘Weyotho, Betelehemu, wa elapo ya oYudeiya, vekhaikhai khoohiyono mukhaani variyari wa ibooma sa oYudeiya, niwoko mwa weyo anaakhumelele Muhooleli anaakhale Mukukhuli a atthwaaka, aYixrayeli.’”

Matheyo 25:32

Miloko sootheene nsithukumanyihiwe vahoolowawe, Owo anaammwaramwaxe mukina ni mukhwaawe ntoko mukukhuli ommwaramwaxaawe ikhondoolo ni ipuri.

Matheyo 26:72

Ni owo, alipelaka, aarunatho eeraka: “Nkimusuwenle Mulopwana Owo.”

Luuka 19:10

Vano, Mwaana a mutthu aaweenle owaasaasa ni waavuluxa yaale yaariheiye.”

Yohaane 18:17

Muthiyana ole aamukoha Pedru : “Nyuwo khamuhiyono mmoha a oohusera a Mulopwana Ola?” Owo aamwaakhula: “Nkihiyono.”

Yohaane 18:25

Simeyoni Pedru ooraka, awo yaamukoha: “Nyuwo khamuhiyono mmoha a oohuseraawe?” Owo aaruna eeraka: “Nkihiyono.”

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

Miteko 20:28

Mwiipasoope nyuwo asineenaanyu ni muhuwo mwa yoowo Munepa Wootteela owiikaathenraayani ntoko asitokweene ankosoopa*, weera mukukhulele ekerexa ya Muluku Owo othumalaawe ni ephomaawe muneenaawe.

aHeberi 13:20

Ti ohaawelawaka weera Muluku a murettele omvenyererihale Yeesu Apwiyaahu, Mukukhuli mutokweene a ikhondoolo, mwa Yoowo owenre ni ephomaawe wiiraanyiha woohimala,

1 Pedru 2:25

Vano, nyuwo mwaari ntoko ikhondoolo soothweelela, mene vano moohokoleela wa Mukukhuli ni Mutokweene onkosoopa* okumaanyu.

1 Pedru 5:2

Mukukhule muhuwo wa Muluku ori wa olamulawanyu. Mweettiheke yoowo, ohikhanle moonyesereriwani, mene ni murima wootheene, ntoko Muluku ontthunaawe; ohikhanle niwoko na milili, mene ni soohaawela sa orumeela;

Ethupululo 7:17

niwoko Eputtiputthi eri eriyari ya ehice eniikhale Mukukhulaaya. Eyo eniweettihe wa anaattuuttu a maahi makumi. Ni Muluku anaawuukutthe mmaithonimwaya maithori ootheene.”