Yohaane 20:31 - Emakhuwa Bible

³¹ Iyatho silempwe weera nyuwo muroromele weera Yeesu ti Kristu, Mwaana a Muluku ni muroromelaka mukhalane okumi mwa Nsinanawe.

Yohaane 20:31 Iomraidhean Croise

Icipo 2:12

Mumbeece Mwaana, weera Owo ahinyoonyiwe ni nyuwo muhiphwatiwe wootutuxereya niwoko isarasawe waakuva opatta. Ooreelihiwa yaawo ootheene antthawela mwa Yoowo!

Icipo 2:7

Kinoolaleiya ekano ya Yave. Owo ookeerela: “Weyo mwanaka; olelo kohooyara.”

Matheyo 16:16

Simeyoni Pedru aamwaakhula: “Nyuwo ti Kristu, Mwaana a Muluku Mukumi.”

Matheyo 27:54

Oonakaru kenturiyoni* ni yaawo yaamulipelenle Yeesu ni yoowo otetereiya ni sootheene seiye seereiye, yaahoova vancipale yeeraka: “Vekhaikhai, Ola aari Mwaana a Muluku.”

Matheyo 4:3

Namweerera aamukhuveela ni aamweerela: “Weyo waari Mwaana a Muluku, olamule maluku ala weera ethatuwe yooca.”

Marku 16:16

Yoowo onroromela ni ompatisiwa, anaavuluxiwe, vaheera yoowo ohinroromela, anaathorihiwe.

Luuka 1:35

Ndyelo aamwaakhula: “Munepa Wootteela onimoorweelani ni ikuru sa Musulusulu nsookhuneeleni ni erungwaawe. Hiiho, Yoole Ootteela anaayariwe, aniitthaniwe Mwaana a Muluku.

Luuka 1:4

weera nyuwo musuwele nnenesene ekhaikhai ya itthu mwaaxuttihiwaanyu.

Luuka 24:47

nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

Yohaane 1:49

Vano Nataneyeli aahima: “Muhusiha, nyuwo Mwaana a Muluku, Mwene a aYixrayeli.”

Yohaane 10:10

Namwiiya onrweela wiiya, wiiva ni ophwata paahi. Miyo kaarweenle weera atthu ekhalane okumi, aani okumi woowaattaxa.

Yohaane 19:35

Yoole oonne yeeyo, aakhalela onamoona ni onamoonaawe ti wa ekhaikhai. Owo onsuwela weera onghima ya ekhaihai ni onkhalela onamoona weera nyuwotho muroromele.

Yohaane 20:28

Tomaxi aamweerela: “Apwiyaaka ni Mulukwaaka!”

Yohaane 3:18

Yoowo onimuroromela khanthorihiwa, mene yoowo ohinimuroromela, oothorihiwa niwoko na ohiroromela mwa Nsina na Mwaana mmoharu a Muluku.

Yohaane 3:36

Yoowo onimuroromela Mwaana, ookhalano okumi woohimala. Vaheera yoowo onimukhootta Mwaana, kharwa oona okumi, mene isara sa Muluku sinkhala ni yoowo.”

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

Yohaane 6:40

Otthuna wa Atithaka ti weera ootheene aningweha Mwaana a mutthu ni animuroromela Yoowo, ekhalane okumi woohimala. Ni Miyo nkimvenyererihe nihuku noomaliha.”

Miteko 10:43

Maprofeeti ootheene animukhalela onamoona Yoowo weera ootheene animuroromela Yoowo, animwaakhela elevelelo ya soottheka mwa Nsinanawe.”

Miteko 3:16

Ti niwoko na nroromelo mwa Nsina na Yeesu, Owo omulamihalaawe mulopwana ola nyuwo mummoonaanyu ni munsuwenlaanyu. Nroromelo ninrwa wa Yoowo noomvaha ola mpuha wookwanela, ntoko ootheene mungweraanyu woona.

Miteko 8:36

Yeettaka mphironi, yaaphiya vanipuroni yaaraayawo maahi. Enoko* aamweerela: “Moone, va aakhala maahi. Enkooceeliha eheeni weera kipatisiwe?”

Miteko 9:20

Khuluwi aapacera olaleiya muSinagogani* weera Yeesu ti Mwaana a Muluku.

1 Pedru 1:9

niwoko nyuwo munimwaakhela ntthuvelo na nroromelonanyu, eyo tiiyo ovuluxiwa wa okumaanyu.

1 Yohaane 4:15

Akhala mukina onaakhulela mwaatthuni weera Yeesu ti Mwaana a Muluku, vano Muluku onkhala mwa yoowo ni owo mwa Muluku.

1 Yohaane 5:1

Khula mutthu onroromela weera Yeesu ti Kristu, oyariwe wa Muluku, ni khula mutthu onaasivela Atiithi, onimusivelatho yoole oyariwe wa Muluku.

1 Yohaane 5:20

Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.

2 Yohaane 1:9

Khula mutthu ohinkhala mwa nihusiho na Kristu, mene onghapuwa mphironi, khahiyono a Muluku. Yoole onkhala munihusihoni na Kristu ohaakhalano Atiithi nitho Mwaana.

Ethupululo 2:18

“Wa ndyelo a ekerexa eri oThiyatira, mulepe: Awo ti masu a Mwaana a Muluku, mwa Yoowo maithwaawe ari ntoko nlumi na mooro, ni inaawosawe ntoko eyuuma yoowiitthwaxa vamooroni.