Yohaane 20:26 - Emakhuwa Bible

²⁶ Yaaviralaaya esimana emoha, oohuseraawe yaaritho vaavaale ni Tomaxi vamoha ni yaawo. Saarookhalaru milako soowaliwasene, Yeesu aavolowa, aaheemela eriyaraaya, anaweerela: “Murettele okhale ni nyuwo.”

Yohaane 20:26 Iomraidhean Croise

Yesaya 26:12

Yave, Nyuwo moonikhalihera murettele; moonipakela sootheene niwenraahu.

Yesaya 27:5

Waahikhala hiiho, awosa erweeke weera etthawele wa Miyo; awosa epakeke murettele ni Miyo; aani epakeke murettele ni Miyo.”

Yesaya 54:10

Naari nyaako sittikinyeyaka ni mattumuxa evenxiwaka, woosivelaniwaka woohimala khoottikinyeyaru naari wiiraanawaka wa murettele khoovenxiwa,” onghima Yave onoomorelani ikharari.

Matheyo 17:1

Amalihaka mahuku mathannamosa, Yeesu aamukuxa Pedru, Yakobe, ni Yohaane, munneiye Yakobe ni aahaarongha meekhaaya vamwaako woorakama.

Marku 16:14

Vahoolotho Yeesu aahiixoonihera wa muloko nimmoha, ereene woocaani. Aahaahiiha niwoko na ohiroromelawaya ni wuumawaya murima, woonaka weera khayaaroromenle yaawo yaamoonne Yeesu avenyererakaru.

Luuka 24:36

Yuulumaka hiihaale, Yeesu muneenaawe aahiixoonihera wa yaawo ni aaweerela: “Murettele okhale ni nyuwo.”

Luuka 9:28

Eviraka mahuku mathannamararu vahoolo woohima itthu iye, Yeesu aamurowano Pedru, Yakobe ni Yohaane ni aawela vamwaakoni weera avekele.

Yohaane 11:16

Vano, Tomaxi, iitthaniwa Didimu, aaweerela oohusera akina: “Nrowetho weera nakhwe ni Yoowo.”

Yohaane 14:27

Kinoohiyerani murettele; murettelaaka kinimoovahani. Miyo nkinoovahani ntoko elapo ya vathi emvahaaya. Sihituthuwe mirimasanyu, hata muhoove.

Yohaane 20:19

Wiilaka nihuku nenne noopacera na esimana ni ethukumanneene oohusera mpaani ni milako soowaliweene niwoko na owoova aYuda, Yeesu aavolowa, aakhala eriyaraaya, anaweerela: “Murettele okhale ni nyuwo.”

Yohaane 20:21

Yeesu aaweerela veeli: “Murettele okhale ni nyuwo. Ntoko Atiithi akirumihale, hiihotho Miyo kinimoorumihani.”

Yohaane 21:1

Vahoolowaya Yeesu aahiixooniheratho wa oohuseraawe mukerekhere wa ephareiya ya oTiberiyade.

Yohaane 21:14

Eyo yaari emaara yanaararu Yeesu iixoonihenraawe wa oohuseraawe vahoolo wa ovenyerera mookhwaani.

Miteko 1:3

Vahoolo wa ohaawawawe, Owo aahiixoonihera wa atthweene yaale ni aahaaviriyela ni mikhalelo soowaatta weera ori ni okumi. Anniixoonihera wa yaawo ehuhu ya mahuku miloko mixexe, aaleelaka mwaha wa omwene wa Muluku.