Yohaane 20:22 - Emakhuwa Bible

²² Wa yeeyo, aawiiseelela yaawo, anaweerela: “Mwaakhele Munepa Wootteela.

Yohaane 20:22 Iomraidhean Croise

Epacerero 2:7

Vano Yave Muluku aamoopa mulopwana avarelaka muteko ntthupi na etthaya ni aamwiiseelela mphulanimwawe ngwiya wa okumi ni mulopwana aathatuwa okhala ni okumi.

Yobi 33:4

Munepa wa Muluku wookipaka; iphumu sa Muluku a ikuru sootheene sookivaha okumi.

Icipo 33:6

Erimu yaapattuxiwa ni nsu na Yave; ithenyerisaya saapattuxiwa ni iphumu sa eyanowaawe.

Ezekiyeli 37:9

Woottharelana, Owo aakeerela: “Mwaana a mutthu, muthalihere iphumu otthuna wa Muluku, ni mweerele weera Yave onlamula sootheene, oneera ha: ‘Ii! Iphumu, murwe okhuma mattuumba maxexe a ipheyo, ni mwiiseelele mpuwa wa anamakhwa ala, weera ekhaleno okumi.’”

Yohaane 14:16

Miyo nkaavekele Atiithi ni Awo eniyoovaheeni Namalaka mukina weera akhale ni nyuwo mahuku ootheene,

Yohaane 15:26

Namalaka awa, mwa Yoowo kineeraaka koorumiheleni wa Atiithi, Munepa wa ekhaikhai onrweela wa Atiithi, Owo onuukikhalele onamoona Miyo.

Yohaane 16:7

Vano Miyo kinooleelani ekhaikhai weera ti wa mpuhaanyu Miyo kinrowaaka. Miyo kaahirowa, Namalaka kharwa ooweelani. Vano Miyo karowa, nkoorumiheleni Namalaka.

Yohaane 20:21

Yeesu aaweerela veeli: “Murettele okhale ni nyuwo. Ntoko Atiithi akirumihale, hiihotho Miyo kinimoorumihani.”

Yohaane 20:23

Nyuwo mwalevelela soottheka sa mukina, anaaleveleliwe; mwaahilevelela soottheka sa mukina, khanleveleliwa sootthekasawe.”

Yohaane 7:39

Owo aahima mwaha wa Munepa yeeraaya yaakhele yaawo animuroromela Yeesu. Mpaka ehuhuweene yeele Munepa nlelo weera ohinaaye ovahiwa, niwoko Yeesu khaanaaye ovuwihiwa.

Miteko 10:47

“Awo ahaakhela Munepa Wootteela ntoko hiyo! Vano, khaawo ongwera owooceeliha weera epatisiwe ni maahi.”

Miteko 19:2

ni aahaakoha: “Nyuwo mohaakhela Munepa Wootteela mwaaroromenlaanyu?” Awo yaamwaakhula: “Hoye, hata khaniiwale weera wookhala Munepa Wootteela.”

Miteko 2:38

Pedru aawaakhula: “Murukunxeke mirimasanyu, ni mutthu ti mutthi a nyuwo apatisiweke mwa Nsina na Yeesu Kristu wa elevelelo ya sootthekasanyu, ni mmwaakhele mahala a Munepa Wootteela.

Miteko 2:4

Ootheene yaasareya ni Munepa Wootteela ni yaapacera wuuluma muulumo makina ntoko Munepa waavanghaaya wuuluma.

Miteko 4:8

Vano Pedru, asareiyeene Munepa Wootteela, aaweerela: “Ahooleli a aYuda ni asitokweene a muloko!

Miteko 8:15

Awo ephiyaka, yaahaavekelela aSamariya a nroromelo weera yaakhele Munepa Wootteela,

aGalata 3:2

Miyo kaatthuna osuwela etthu emoha paahi: Nyuwo mohaakhela Munepa ni miteko sa malamulo, hoye hoye niwoko mohaakhulela yeeyo mwiiwalaanyu?