Yohaane 20:17 - Emakhuwa Bible

¹⁷ Yeesu aamweerela: “Muhikivarele niwoko nlelo nkinaaye waahokoleela Atithaka. Murowe toko wa axunnaka ni mwaaleele weera Miyo kinghokoleela wa Atithaka ni Atithinyu ni wa Mulukwaaka ni Mulukwaanyu.”

Yohaane 20:17 Iomraidhean Croise

2 Mamwene 4:29

Elixa aamweerela Gehazi: “Wiitthukele mukaandyowaawo ni laamba, okuxe ekopowaaka ni otthimakelewo. Wakumana ni mutthu, ohimuulumihe ni mukina awuulumiha, ohimwaakhule. Wiikaathere ekopowaaka owiittho wa mwaana.”

2 Mamwene 7:9

Vano yaaheerelana: “Khanimpaka nnene. Olelo ti nihuku na mutthenga wooreera ni hiyo nihimaaleke! Naweherera oxa, nnoothoriheliwa. Niroweke woowaakuveya weera nathalihere yeela empa ya emwene.”

Icipo 22:22

Kinimwaalaleera axunnaka Nsinananyu; mmuthukumanoni kinimoottottopelani.

Icipo 43:4

Vano kinoorowa valtaarini* a Muluku mwa Yoowo onkivaha ohakalalaxa. Ii! Muluku Mulukwaaka, kinootthapelaniwo ni makita.

Icipo 48:14

Vano Muluku owo ti Mulukwaahu mahuku ootheene; Owo onookhala Namweettihaahu mpaka ommaleloni.

Icipo 68:18

Mwaawenlaanyu moowinani osulusulu weera mwakhalewo, Yave Muluku, mwaahaakuxa anamatthukiwa ancipale. Mwaawaakhela atthu ntoko yoovaha – mpakatho anamavaanya.

Icipo 89:26

Owo onookeerela: ‘Nyuwo ti Atithaka, Mulukwaaka, Mwala ni Mvuluxaaka.’

Yesaya 41:10

Vano muhoove niwoko Miyo kiri ni nyuwo; muhitteenguwe niwoko Miyo ti Mulukwaanyu. Miyo kinimoolipihani ni kinimookhaviherani. Kinimoovarelani ni ntatanaka noolopwana noowina.

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Yeremiya 32:38

Awosa anookhala mulokwaaka, ni Miyo kinookhala Mulukwaaya.

Ezekiyeli 36:28

Nyuwosa munookhala mulaponi kaavanghaaka makholowaanyu; nyuwosa munookhala mulokwaaka, ni Miyo kinookhala Mulukwaanyu.

Ezekiyeli 37:27

Wookhalawaka onuukhale ni yaawosa; Miyo kinookhala Mulukwaayasa ni awosa anookhala mulokwaaka.

Matheyo 12:50

Vano, yoowo ompaka otthuna wa Atiithi ari wiirimu, owo munnaka, murokoraka ni amayaka.”

Matheyo 25:40

Mwene anaakhule: ‘Miyo kinooleelani ekhaikhai: ‘Yeeyo mwaampakenlaanyu mmoha a axunnaka ooyevaxa, mwaakipakenle Miyo.

Matheyo 28:7

Murowe woowaakuveya ni mwaaleele oohuseraawe: ‘Owo oovenyerera mookhwaani ni onrowa ohoolowanyu mpaka oGalileiya, weiwo muneeraanyu mwamoone. Vano kohooleelani.”

Marku 12:26

Mwaha wa ovenyerera akhwiiye, nyuwo khamusomme elivuru ya Moisesi, mwaandiisini a niphuwa, moota Muluku aamweerenlaawe Moisesi: ‘Miyo ti Muluku a Abrahaamu, Isaaki ni Yakobe’?

Marku 16:19

Emalihakaru wuuluma ni yaawo, Apwiya Yeesu yaawelihiwa wiirimu, ni yaakilaathi moono mulopwana wa Muluku.

Luuka 10:4

Muhikuxe nihottha, hata murupa, hata ikwakwaatta, ni muhimuulumihe mutthu mphironi.

Yohaane 13:1

Yaahanle ehuhu vakhaani ahinaaye mPaska*. Yeesu aasuwela weera yoophiya ehuhu eeraawe ahiyeke elapo ya vathi ni arowe wa Atiithi. Owo aahaasivela awawe yaari mweelaponi, aani aahaasivela mpaka ommaleloni.

Yohaane 13:3

Yeesu aasuwela weera Atiithi yaahiikaathi itthu sootheene vathi wa ikurusawe ni weera aarwiiye wa Muluku ni anaamuhokoleeletho Yoowo.

Yohaane 14:2

Vaate wa Atithaka aakhala mapuro mancipale. Wahaakhanle hiiho, Miyo saano kooleenleeneni. Miyo kinkela woorehererelani nipuro.

Yohaane 14:28

Nyuwo mookiiwa keeraka: ‘Kinoorowa, mene kinimoohokoleelani.’ Nyuwo mwaakisivela Miyo, mwaanghakalala niwoko kinkela wa Atiithi yeenre Atiithi ekipwahaka Miyo.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Yohaane 16:28

Miyo kaarwiiye wa Atiithi, kinavolowa elapo ya vathi; vano kinoohiya elapo ya vathi ni kinoohokoleela wa Atiithi.”

Yohaane 17:11

Miyo nkirwa kikhalatho mweelaponi, mene awo nlelo ari mweelaponi ni, Miyo kinrowa wa Nyuwo. Tiithi Ootteela, ngwaakihe awo mwa Nsinananyu, Nsina nno mwaakivanghaanyu weera ekhale mmoha ntoko Hiyo nraahu mmoha.

Yohaane 17:25

Tiithi oororomeleya, orookhalaru weera amalapo khayoosuwenleni, Miyo kohoosuwelani, ni yaawo ari awaka aansuwela weera mwaakirumiha.

Yohaane 17:5

Vano Atiithi, mukivuwihe vamoha ni Nyuwo ni ovuwa iwe kaaraakano khalayi ni Nyuwo ehinaaye okhala elapo ya vathi.

Yohaane 20:27

Vano aamweerela Tomaxi: “Muvoleihe ekathaanyu; moone matataaka. Mookole moonowaanyu ni muvoleihe ntata mpararinimwaka. Muhihovele – muroromele!”

Yohaane 7:33

Yeesu aaweerela: “Kiri ni nyuwo ehuhu vakhaani paahi ni vano nkirowe wa Yaawo akirumihale.

aRooma 8:29

Vano, yaawo Muluku aasuwenlaawe okhuma khalayi, aahaathanlatho weera ekhale oolikana ni Mwanawe, weera Owo akhale Ntthaara variyari wa axunneiye ancipale.

2 aKorinto 6:18

Nkikhale Atithinyu, ni nyuwo mmwikhale anamwanaaka alopwana ni athiyana, aneera Apwiya a ikuru sootheene.”

aGalata 3:26

Nyuwo ootheene muri anamwane a Muluku niwoko na nroromelo mwa Kristu Yeesu.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

aHeberi 8:10

Wu ori wiiraana Miyo kineeraaka kipake ni muloko wa aYixrayeli vahoolo wa mahuku awo, anghima Apwiya: Nkihele malamulowaaka mmuupuwelonimwaya, ni nkilepe yaawo mmirimanimwaya. Nkikhale Mulukwaaya, ni awo eniikhale mulokwaaka.

1 Pedru 1:3

Ooreelihiwa akhale Muluku, Atiithi a Apwiyaahu Yeesu Kristu. Niwoko na ovenyerera mookhwaani wa Yeesu Kristu, Muluku, mwa ikhararisawe sitokotoko, oonivaha oyariwa onyowani woosareya ni oweherera wa okumi.

1 Yohaane 3:2

Oosiveleya, vano nri anamwane a Muluku, ni nlelo khayoonihereiye yeeyo nneeraahu nikhale, mene noosuwela weera Owo iixooniheraka, nnikhale oolikana ni Yoowo, niwoko nnimoone moota okhanlaawe.

Ethupululo 21:3

Kaahiiwa nsu ntokotoko naarweela vahiceni neeraka: “Vano etabernaakulu* ya Muluku eri ni atthu, ni Owo anaakhale ni yaawo. Awo eniikhale mulokwaawe ni Muluku muneenaawe anaakhale ni yaawo, ni anaakhaletho Mulukwaaya.

Ethupululo 21:7

Namawina anaakhele soothesene iya ni Miyo nkikhale Mulukwaawe, ni owo mwanaka.