Yohaane 2:24 - Emakhuwa Bible

²⁴ Yeesutho khaaroromela yaawo niwoko aahaasuwela atthu ootheene.

Yohaane 2:24 Iomraidhean Croise

1 Mamwene 8:39

vano mwiiwe wiirimu munkhalaanyuwo ni mulevelele. Mumvahe khula mutthu yeeyo omphwanelaawe, niwoko Nyuwo munsuwela mirima sa atthu ootheene. Aani ti Nyuwo paahi munsuwela murima wa khula mutthu.

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

Yeremiya 17:9

Murima ti woolokotthaxa opwaha itthu sootheene ni erettaaya ti yoohilameya. Khaawo anaawere wiiwexexa.

Matheyo 9:4

Asuwelaka soowuupuwelasaya, Yeesu aaweerela: “Heeni munuupuwelaanyu soonanara mmirimanimwanyu?

Marku 2:8

Woowaakuveya Yeesu aasuwela mmunepanimwawe weera awo yuupuwela yeeyo, ni aaweerela: “Heeni nyuwo munaapaanyu itthu iya mmurimanimwanyu?

Yohaane 1:42

Vano aamurongha wa Yeesu. Yeesu aangweha yoowo ni aamweerela: “Nyuwo ti Simeyoni, mwaana a Yohaane. Mmwiitthaniwe Kefasi, entaphulela Pedru.”

Yohaane 16:30

Vano ninoowera woona weera moosuwela itthu soothesene ni khoontthuneya weera nookohakoheni etthu. Tivawo ninroromelaahu weera Nyuwo murwiiye wa Muluku.”

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

Yohaane 4:16

Owo aamweerela: “Murowe, mwawiitthane aiyinyu ni ngweke wenno.”

Yohaane 5:42

mene kohoosuwelani nyuwo. Koosuwela weera nyuwo khamunono osivela wa Muluku.

Yohaane 6:15

Yeesu asuwelaka weera awo yaatthuna omunyesereriha omvara omwene, aavenyatho arowaka omwaako meekhaawe.

Yohaane 6:64

Wa soothesene, aakhala akina a nyuwo ahinroromela.” Vano, Yeesu aasuwela okhuma ompacereroni taani a yaawo yaahaaroromela nitho taani eera amvarihe.

Miteko 1:24

Vahoolowaya yaavekela: “Apwiya nyuwo munsuwela mirima sa ootheene. Munoonihere taani a eeli ala munthanlalaanyu,

Miteko 15:8

Muluku onsuwela murima aahoonihera weera Owo aawaakhulela amalapo, aavahaka Munepa Wootteela ntoko aanivanghaawe khalayi.

Deuteronomiyo 31:21

Saarweelaka irisa ni makacamiho mancipale, ecipo ela enimwaakhalela onamoona, niwoko ekhapiraaya kheettiwala ela. Koosuwela sootthunasaya, kihinaayeru waavoleiha mweelaponi kaaroromelinghaaka ni nlipelo.”

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

Ethupululo 2:23

Nkiwiive anamwane a muthiyana owo. Vano, ikerexa sootheene nsisuwele weera Miyo ti Yoole onsuwela nnenesene soowuupuwela ni mirima, ni khula mutthu nkimwaakhelihe ntoko mutekwaawe omphwanelaaya.

1 Samuweli 16:7

Vano Yave aamweerela Samuweli: “Muhiwehexexe ekhalelowaawe naari orakamawawe, niwoko Miyo koomukhootta. Yave khangweha ekhove ntoko mutthu: Mutthu ongweha ekhove, vaheera Yave ongweha murima.