Yohaane 2:19 - Emakhuwa Bible

¹⁹ Yeesu aawaakhula: “Mukankhanyule Empa ya Muluku ela ni Miyo kinooteka wa mahuku mararu.”

Yohaane 2:19 Iomraidhean Croise

Matheyo 12:40

Vano, hiiho ntoko Yoonasi aaraawe mahuku mararu ni ohiyu miraru mmirimani mwa ehopa etokotoko, hiihotho Mwaana a mutthu anaakhale mahuku mararu ni ohiyu miraru mpuwa mwa etthaya.

Matheyo 16:21

Okhuma ehuhuweene yeele Yeesu aapacera waathalihera oohuseraawe weera waatthuneya orowa oYerusaleemu ni ohaawa itthu sincipale niwoko na asitokweene, ahooleli a asaserdoti*, ni anamawera a nlamulo*, nitho okhwa ni ovenyerera nihuku nanaararu.

Matheyo 27:40

yeeraka: “Weyo weera ophwate Empa ya Muluku ni oteke mmahukuni mararu – wiivuluxe! Okhuruwe vamuttandani, Weyo waari Mwaana a Muluku!”

Matheyo 27:63

yaamweerela: “Apwiya, ninuupuwelela weera areene mukumi, namalokottha Ole aaheera: ‘Kinoovenyerera yamala mahuku mararu.’

Marku 14:58

“Hiyo naamwiiwa eeraka: ‘Miyo kinoophwata Empa ya Muluku epakiwe ni atthu, ni wa mahuku mararu kinooteka ekina yoohipakiwa ni atthu.’”

Marku 15:29

Yaawo yaavira, yaamuruwana, yiinihaka nyuru, yeeraka: “Khuu! Weyo waarowa ophwata Empa ya Muluku ni waateka wa mahuku mararu,

Marku 8:31

Owo aapacera waaxuttiha weera waatthuneya Mwaana a mutthu ohaawa ni itthu sincipale, okhoottiwa ni asitokweene, ahooleli a asaserdoti* ni anamawera a nlamulo*, okhwa, ni ovenyerera nihuku nanaararu.

Yohaane 11:25

Yeesu aamweerela: “Miyo ti Ovenyerera ni Okumi. Yoole onkiroromela Miyo, hata akhwe, anaakhale ni okumi,

Yohaane 5:19

Yeesu aaweerela: “Miyo kinooleelani vekhaikai weera Mwaana khangwera opaka etthu muneenaawe. Paahi ongwera opaka yeeyo owoonenlaawe Atithawe epakaka niwoko yeeyo Atiithi ampakaaya, Mwaana onoopakatho.

Miteko 2:24

Vaheera Muluku oomuvenyereriha mookhwaani, amutaphulaka wa ovoreiya wa okhwa, niwoko khawaawereya weera okhwa omvare.

Miteko 2:32

Muluku oomuvenyereriha Yeesu Owo, ni hiyo ootheene nri anamoona a etthweene yeeyo.

Miteko 3:15

Nyuwo mwaamwiiva Mwaneene a okumi, mene Muluku aamvenyereriha mookhwaani. Hiyo nri anamoona a yeeyo.

Miteko 3:26

Muluku amvenyererihaleene murumeiyaawe, ohoorumihelani toko nyuwo weera ooreeliheni oorukunxakani nyuwo ootheene wa sootakhalasanyu.”

Miteko 6:14

Noomwiiwa eeraka weera Yeesu Owo oNasarete anaaphwate nipuro nna ni anaaceendye ikhovelelo Moisesi aanivanghaawe.”

aRooma 4:24

menetho wa hiyo Muluku aneeraawe anaakhulele, wa hiyo ninroromela mwa Yoowo omvenyererihale mookhwaani Yeesu, Apwiyaahu.

aRooma 6:4

Tivawo, nivithiwe ni Yoowo mookhwaani niwoko na opatiso, weera hiyo nikhale ni okumi onyowani, hiiho ntoko Kristu ovenyererihiwaawe mookhwaani niwoko na ovuwa wa Atiithi.

aRooma 8:11

Vano, wakhala mwa nyuwo Munepa wa Yoole omvenyererihale Yeesu mookhwaani, Yoowo omvenyererihale Kristu mookhwaani anaavahetho okumi wa irutthusanyu sookhwa niwoko na Munepaawe onkhala mwa nyuwo.

1 aKorinto 15:12

Moone, waalaleiwaka weera Kristu oovenyerera mookhwaani, heeni akina a nyuwo aneeraaya weera khoowowo ovenyerera mookhwaani?

aKolosi 2:12

Yeeyo yeereiye nyuwo mwaavithiwaanyu vamoha ni Kristu moopatisani ni mwaavenyererihiwaanyu ni Yoowo niwoko na nroromelonanyu mukuruni sa Muluku, mwa Yoowo omvenyererihale Kristu mookhwaani.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,