Yohaane 17:23 - Emakhuwa Bible

²³ Miyo mwa yaawo ni Nyuwo mwa Miyo. Kimvekela weera omoharuwaaya okhale wookwanela weera amalapo esuwele weera Nyuwo mwaakirumiha ni mwaahaasivela, hiiho ntoko mwaakisivenlaanyu.

Yohaane 17:23 Iomraidhean Croise

Yohaane 10:38

Kapakatho miteko sa Atithaka, orookhalaru weera khamuntthuna okiroromela, muroromele mwa miteko weera musuwele ni mwiiwexexe weera Atiithi ari mwa Miyo ni Miyotho mwa Yaawo.”

Yohaane 13:35

Hiiho ootheene eniisuwele weera nyuwo muri oohuseraaka: nyuwo mwasivelana mukina ni mukhwaawe.”

Yohaane 14:10

Nyuwo khamunroromela weera Miyo kiri mwa Atiithi ni Atiithi mwa Miyo? Masu kinooleelaakani khaahiyono awaka. Ohiyanawaya, ti Atiithi ankhala mwa Miyo ankwanihera mutekwaaya.

Yohaane 14:23

Yeesu aamwaakhula: “Mukina akisivela Miyo, oniiwelela maswaaka. Atithaka eniimusivele ni hiyo nnirwe wa yoowo ni nnikhale mwa yoowo.

Yohaane 15:9

Ntoko Atiithi akisivenlaaya, Miyotho kohoosivelani. Mukhale moosivelanimwaka.

Yohaane 16:27

niwoko Atiithi aneenaaya animoosivelani, mweenre nyuwo mukisivelaka ni muroromela weera Miyo kirweenle wa Muluku.

Yohaane 17:11

Miyo nkirwa kikhalatho mweelaponi, mene awo nlelo ari mweelaponi ni, Miyo kinrowa wa Nyuwo. Tiithi Ootteela, ngwaakihe awo mwa Nsinananyu, Nsina nno mwaakivanghaanyu weera ekhale mmoha ntoko Hiyo nraahu mmoha.

Yohaane 17:21

weera ootheene ekhale mmoha, Tiithi, ntoko Nyuwo muraanyu mwa Miyo ni Miyo mwa Nyuwo, ni weera awo ekhaletho mwa Hiyo. Hiiho amalapo eniiroromele weera Nyuwo mwaakirumiha.

Yohaane 17:24

Tiithi, kintthuna weera awo mwaakivanghaanyu ekhale vamoha ni Miyo weiwo kiraakawo, ni weera yoone ovuwawaka, ovuwa mwaakivanghaanyu, niwoko mwaakisivela ehinaaye ephattuwelo ya elapo ya vathi.

Yohaane 17:26

Miyo kohaasuweliha Nsinananyu, ni nkipwaherere opaka yeeyo weera osivelawene weiwo mwaakisivenlaanyu, okhale mwa yaawo ni Miyotho kikhale mwa yaawo.”

Yohaane 17:3

Okumi woohimala ti ola: weera awo yoosuweleni Nyuwo, Muluku mmoharu a ekhaikhai, ni emusuwele Yeesu Kristu mwaamurumihalaanyu.

Yohaane 17:8

Miyo kohaaleela masu mukivanghaanyu ni awo ahaakhulela. Mwa yeeyo awo ansuwela vekhaikhai weera Miyo kirwiiye wa Nyuwo, ni yaaroromela weera mwaakiruma.

Yohaane 3:17

Muluku khaamurumihenle Mwanawe mweelaponi ya vathi weera athorihe, mene weera elapo evuluxiwe ni Yoowo.

Yohaane 6:56

Ootheene ankhuura erutthwaaka ni angwura ephomaaka, ankhala mwa Miyo ni Miyotho mwa yaawo.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aGalata 3:28

Khawowo muYuda, hata muGrego, epottha, hata neethi, mulopwana, hata muthiyana, niwoko ootheene ti mmoha mwa Kristu Yeesu.

aFilipi 3:15

Ootheene hiyo nunnuwale mmunepani nuupuweleke itthu iyo mooteene yoola, ni mwa etthu ekina nyuwo muupuwela moota mukina, Muluku anoothaliherenitho yeeyo.

aKolosi 1:28

Hiyo nnimulaleiya Yoowo, nimoopereraka ni nimuxuttihaka khula mutthu ni miruku sootheene weera niwoonihere atthu ootheene ookwanela mwa Kristu.

aKolosi 2:2

Kimvara muteko weera ekhale oolipihiweene mirimasaya, ni ekhale vamoha moosivelani ni ewere mihakhu sootheene ni esuwelo yootheene weera esuwele nnenesene ntikhinelo na Muluku, eyo tiiyo Kristu.

aKolosi 3:14

Opwaha soothesene, mwiiwarihe osivela ori yookumanela enkhaliha omoha wookwanela.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

1 Yohaane 1:3

Hiyo ninoolaleerani yeeyo noonnaahu ni niiwalaahu weera nyuwotho mukhale oowiiwanana ni hiyo. Wiiwananawahu ori ni Atiithi ni Mwanaya, Yeesu Kristu.

1 Yohaane 3:1

Moone moota wa osivela aTiithi anisivenlaayano, mpaka niitthaniwaahu anamwane a Muluku! Ni nri anamwanaawe vekhaikhai. Tivawo amalapo ahinisuwenlaaya, niwoko khayaamusuwenle Muluku.

1 Yohaane 4:19

Hiyo ninimusivela, niwoko Owo aapacenre onisivela.

Ethupululo 3:9

Miyo kinimwaanyesereriha yaawo ari a eSinagoga* ya Satana, yaawo aniixeerela weera ari aYuda ehikhanle, ereene toko anamootha, weera erwe yookokhoreleni inaawosanyu ni esuwele weera kohoosivelani nyuwo.