Yohaane 17:11 - Emakhuwa Bible

¹¹ Miyo nkirwa kikhalatho mweelaponi, mene awo nlelo ari mweelaponi ni, Miyo kinrowa wa Nyuwo. Tiithi Ootteela, ngwaakihe awo mwa Nsinananyu, Nsina nno mwaakivanghaanyu weera ekhale mmoha ntoko Hiyo nraahu mmoha.

Yohaane 17:11 Iomraidhean Croise

Icipo 79:9

Ii! Muluku Mvuluxaahu, munikhavihere niwoko na ovuwa wa Nsinananyu. Munoopole ni mulevelele sootthekasahu niwoko na Nsinananyu.

Masu a Miruku 18:10

Nsina na Yave ti Nipuro Noolipaxa nootthawelamo; oororomeleya antthimakela weiwo, enakhala oolipeene.

Yesaya 27:3

Miyo, Yave, ti namakosoopaaya; kinghelela maahi khula nihuku; kinlipelela ohiyu ni othana weera ahikhale anaananarihe ematta eyo.

Yesaya 64:2

Ntoko mooro onghisaaya imparumparu ni omviluwihaaya maahi, mukhuruwe ni mwaasuwelihe amwiittanaanyu Nsinananyu weera miloko sithukumele ohoolowanyu.

Yeremiya 14:21

Mwaha wa Nsinananyu muhiniramuse; muhiveihe ehicaanyu ya emwene yoovuwaxa. Muupuwelele wiiraanawanyu ni hiyo ni muhimalihe.

Yeremiya 14:7

Ii! Yave! Naari sootthekasahu sinikhalelaka onamoona, dyoontte, munikhavihere moosivelani wa Nsinananyu. Vano ohiroromeleyawahu wootepa; nohootthekelani.

Ezekiyeli 20:22

Vaheera, nkaatheteiye moonowaaka ni mwaha wa Nsinanaka, kaapaka yeeyo yaatthuneya weera Nsinanaka nihihiirihiwe vamaithoni wa miloko, mwa seiyo saawoonne, Miyo kaakhumihasaaka wExipitu.

Ezekiyeli 20:44

Ii! Muloko wa oYixrayeli, munoosuwelatho weera Miyo ti Yave, koopwatthakani, kireerelaka Nsinanaka, ohikhanle mwa iphirosanyu soonanara ni soopakasanyu sootakhala,’ onghima Yave onlamula sootheene. ”

Ezekiyeli 20:9

Vaheera moosivelani Nsinanaka, nkaapanke hiiho. Kaasembiha ohiirihiwa Nsinanaka vamaithoni wa miloko sa eriyari ya seiyo yaakhalaayawo, ni ohoolo wa seiyo kiixooniherenlaaka wa aYixrayeli, keerelaka waakhumiha wExipitu.

Matheyo 10:16

Miyo kinoorumihani ntoko ikhondoolo variyari wa miici. Tivawo, mukhale ni miruku ntoko inowa, ni oohikhalano milattu ntoko ikhunda.

Matheyo 5:48

Tivawo, mukhale ookwanela, ntoko Atithinyu ari wiirimu.

Matheyo 6:9

Vanonto nyuwo muvekeleke ha: ‘Atithihu ari wiirimu, Nsinananyu ntteelihiwe,

Yohaane 13:1

Yaahanle ehuhu vakhaani ahinaaye mPaska*. Yeesu aasuwela weera yoophiya ehuhu eeraawe ahiyeke elapo ya vathi ni arowe wa Atiithi. Owo aahaasivela awawe yaari mweelaponi, aani aahaasivela mpaka ommaleloni.

Yohaane 13:3

Yeesu aasuwela weera Atiithi yaahiikaathi itthu sootheene vathi wa ikurusawe ni weera aarwiiye wa Muluku ni anaamuhokoleeletho Yoowo.

Yohaane 14:20

Nihuku nenenenno nyuwo mmwiiwexexe weera Miyo kiri mwa Atithaka, nyuwo mwa Miyo ni Miyo mwa nyuwo.

Yohaane 16:28

Miyo kaarwiiye wa Atiithi, kinavolowa elapo ya vathi; vano kinoohiya elapo ya vathi ni kinoohokoleela wa Atiithi.”

Yohaane 16:33

Miyo kooleenleni itthu iya weera mukhalane murettele mwa Miyo. Mweelaponimu mmwikhaleno soohooxa, wa soothesene, mulipihere murima. Miyo koowina elapo ya vathi.”

Yohaane 17:23

Miyo mwa yaawo ni Nyuwo mwa Miyo. Kimvekela weera omoharuwaaya okhale wookwanela weera amalapo esuwele weera Nyuwo mwaakirumiha ni mwaahaasivela, hiiho ntoko mwaakisivenlaanyu.

Yohaane 17:25

Tiithi oororomeleya, orookhalaru weera amalapo khayoosuwenleni, Miyo kohoosuwelani, ni yaawo ari awaka aansuwela weera mwaakirumiha.

Yohaane 17:6

Miyo kohaathupululela Nsinananyu yaale mukivanghaanyu mweelaponi ya vathi. Awo yaari awinyu ni mookivaha ni awo yaahiiwelela maswaanyu.

Yohaane 7:33

Yeesu aaweerela: “Kiri ni nyuwo ehuhu vakhaani paahi ni vano nkirowe wa Yaawo akirumihale.

Miteko 3:21

Ontthuneya weera Owo akhale wiirimu, mpaka ophiya ehuhu Muluku aneeraawe areherere itthu sootheene, ntoko aahimalaawe khalayi ni iyano sa maprofeeti ootteela.

aRooma 12:5

hiihotho hiyo nri ancipale, nimpaka erutthu emoharu mwa Kristu, ni mpatta ti mpatta ontthukiwa vamoha ni mipatta sootheene sikina.

aRooma 9:17

Vano Yoolempwa* eneera sa Farawu*: “Miyo kooweemexa niwoko na nthowa nna paahi: weera kiwoonihere mwa weyo ikurusaka, ni weera Nsinanaka nilaleiwe elapo yootheene.”

1 aKorinto 1:10

Axunnaka, kinoodyoonttelelani nyuwo ootheene mwa Nsina na Apwiya Yeesu Kristu, weera mwiiwanane mukina ni mukhwaawe yeeyo munuulumaanyu, weera ohikhale ohiiwanana variyariwanyu. Aani, weera ootheene mukhaleno wiiwanana omoharu ni wuupuwela omoharutho.

aGalata 3:28

Khawowo muYuda, hata muGrego, epottha, hata neethi, mulopwana, hata muthiyana, niwoko ootheene ti mmoha mwa Kristu Yeesu.

awEfeso 4:4

Yookhala erutthu emoharu ni ori Munepa mmoharu paahi, mooteene yoowo ntoko nyuwo mwiitthaniwaanyu mwa nroromelo nimoha paahi,

aFilipi 2:9

Tivawo Muluku omunnuwihalaawe Yoowo ni nipuro na osuluxa, ni oomvaha Nsina noopwaha masina ootheene

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

aHeberi 9:24

Vano, Kristu khaavolongwe vaNipuroni Nootteela* noopakiwa ni atthu, etakiho emoha ya yeele ya ekhakhai. Owo aavolowa wiirimu oneenexa, weera iixoonihere vamaithoni wa Muluku niwoko na hiyo.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

1 Pedru 1:5

muri oowaakihiwa ni ikuru sa Muluku niwoko na nroromelo mpaka wa ophiya ovuluxiwa, mwa weiwo oneera wooniheriwe ehuhu yoomalihera.

1 Yohaane 3:12

Nihikhale ntoko Kayini aari a Diyabu* ni aamwiivale munneiye. Vano heeni aamwiivalaawe? Niwoko mitekosawe saari soonanara, ni miteko sa munneiye soowaakhuleliwa.

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

Yuda 1:1

Ya Yuda, murumeiyi a Yeesu Kristu, ni munneiye Yakobe, wa yaawo yiitthaniwe, yaasiveliwe ni Muluku Atiithi ni yaakosoopiwe ni Yeesu Kristu:

Yuda 1:24

Wa Yoole ongwera owooceelihani wuuwa ni owooniherani vahoolo wa ovuwawawe woohikhala nlepa ni moohakalalani otokotoko,

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”

Ethupululo 19:12

Maithwaawe ari ntoko malumi a mooro, ni mmurumwawe sookhala icireemba sincipale. Owo ookhalano nsina, mwa nenno khaawo onsuwela, ahikhanle mwaneenaawe.

Ethupululo 4:8

Ekhalelo ti ekhalelo yaarino mapupha mathannamosa ni yaasareya maitho mapuro ootheene – mpaka mmapuphani. Ohiyu ni othana sihiitthuuwaka sineera: “Ootteela, Ootteela, Ootteela ti Apwiya Muluku a ikuru sootheene, yaari, ari, ni eniirwe.