Yohaane 16:33 - Emakhuwa Bible

³³ Miyo kooleenleni itthu iya weera mukhalane murettele mwa Miyo. Mweelaponimu mmwikhaleno soohooxa, wa soothesene, mulipihere murima. Miyo koowina elapo ya vathi.”

Yohaane 16:33 Iomraidhean Croise

Icipo 68:18

Mwaawenlaanyu moowinani osulusulu weera mwakhalewo, Yave Muluku, mwaahaakuxa anamatthukiwa ancipale. Mwaawaakhela atthu ntoko yoovaha – mpakatho anamavaanya.

Mikeyasi 5:5

Owo onookhala murettelaaya. awAsiriya yaavoleelaka elapwaahu, ni yeetteettaka moolipamwahu, nnimwaakhumihera akukhuli athanneeli, mpakatho ahooleli athannaararu oothanliwa.

Matheyo 9:2

Atthu akina yaamuruuhela mutthu ooheetta aataleliweene munrepani. Oonaka Yeesu nroromelo yaakhalannaaya, aamweerela mutthu ooheetta: “Olipihe murimaawo mwanaka! Sootthekasawo sooleveleliwa.”

Luuka 19:38

“Ooreelihiwa ti Mwene ongwa mwa Nsina na Apwiya! Murettele wiirimu ni ovuwa musulusulu.”

Luuka 2:14

“Ovuwa okhale wa Muluku Musulusulu, ni vathi vaava murettele wa yaale animusiveliha Muluku.”

Yohaane 12:31

Yoophiya ehuhu ya nthorihelo na elapo ya vathi ela. Vano mutokweene a elapo ya vathi anoomoliwe.

Yohaane 14:1

Mirimasanyu sihikacamiheye. Munroromele Muluku, mukiroromeletho Miyo.

Yohaane 14:27

Kinoohiyerani murettele; murettelaaka kinimoovahani. Miyo nkinoovahani ntoko elapo ya vathi emvahaaya. Sihituthuwe mirimasanyu, hata muhoove.

Yohaane 16:11

ni wa nthorihelo niwoko mutokweene a elapo ya vathi ela oothorihiwa.

Miteko 14:22

elipiheraka mirima sa oohusera ni ewoopereraka weera epwaherere munroromeloni, yeeraka: “Ontthuneya weera nivire mmahooxoni mancipale weera nivolowe moomweneni wa Muluku.”

Miteko 23:11

Ohiyu wa oxaawaya Apwiya emwaattamelaka yoowo yaamweerela: “Mulipihe murimaanyu! Ntoko mwaakhalenlaanyu onamoona mwaha wa Miyo oYerusaleemu, hiihotho ontthuneya okhalela onamoona oRooma.”

Miteko 27:22

Mene vano kinoolakani weera mulipihe murima, niwoko khaawo mmoha a nyuwo aneera akhwe; nikula paahi nniphwateiye.

Miteko 27:25

Hiiho mukhale ni murima woolipa! Kinimuroromela Muluku weera eniikhumelele mooteene yoowo kileeliwaaka.

Miteko 9:31

Ekerexa yaakhalano ehuhu ekina ya murettele oYudeiya, oGalileiya ni oSamariya wootheene. Eyo yaamwiipuhiha ni, elipihiweene ni Munepa Wootteela, yaandyeerereya atthu oororomela, yeettaka mowoovani Apwiya.

2 aKorinto 1:3

Oottottopeliwa akhale Muluku ni Atiithi a Apwiyaahu Yeesu Kristu, Atiithi a ikharari ni a opepesa wootheene.

2 aKorinto 13:11

Kihipwahereraka axunna, miyo kinoolaxerani. Mwaase wiikwanihera, ni mwiiwe nivekelonaka. Muupuweleke etthu emoharu, mukhaleke ni murettele. Ni Muluku a osivela ni a murettele anaakhale ni nyuwo.

2 aKorinto 2:14

Vano atthapeliwe Muluku, Yoowo onneettiha moowinani mwa Kristu, ni onnivarela muteko hiyo omwaramwaxa wunkhela wa osuwelawawe mmapuroni mootheene.

2 aKorinto 4:7

Nookhalanotho muhakhu owo nnyaapuni sa oloko, weera woonihere weera ikuru soopwahaxa sinrweela wa Muluku, khasihiyono wa hiyo.

2 aKorinto 6:4

Ohiyanawaya, ntoko arumeiyi a Muluku, hiyo ninniilaihera mwa soothesene: moovilelani otokotoko, mmakacamihoni, moohaawani, moothananani,

2 aKorinto 7:4

Kohoororomelani vancipale. Wiivuwihawahu mwaha wa nyuwo ti otokotoko. Kinniixoona olipihiwa vancipale murimaaka, ohakalalawaka woosareya mwa soohooxa sootheene.

aGalata 1:4

yinnyerenre okumaaya wa sootthekasahu weera enoopole hiyo wa ehuhu ela yoonanara. Yaapaka yeeyo niwoko na otthuna wa Muluku Atithihu.

aGalata 6:14

Wa miyo, nkinono yoowiivuwihera, ohikhanle mwa muttanda wa Apwiyaahu Yeesu Kristu. Vano ti niwoko na muttanda ola elapo ethomeiwalaaya wa miyo, ni miyo wa elapo.

aFilipi 4:7

Ni murettele wa Muluku ompwaha soowuupuwela sootheene onuuthokorore mirimasanyu ni soowuupuwelasanyu mwa Kristu.

aKolosi 1:20

ni weera niwoko na Yoowo siiraanyihiwe itthu sootheene ni Muluku, sikhalaka sa wiirimu, hata sa vathi. Aawenre yeeyo akhalihaka murettele niwoko na ephomaawe evuuvihiwe vamuttandani.

1 aTesalonika 3:4

Hiyo naaraahu ni nyuwo naahooleelani weera naarwa osoondiwa, ni yeeyo vekhaikhai yookhumelela, ntoko nyuwo musuwenlaanyu.

1 aTesalonika 3:7

Tivawo, axunna, moohaawelanimwahu ni soohooxa sootheene noolipihiwa mwaha wa nyuwo niwoko na nroromelonanyu.

2 aTesalonika 3:16

Apwiya aneenaaya a murettele yoovaheeni murettele ehuhu yootheene ni moota wootheene. Apwiya ekhale ni nyuwo ootheene.

2 Timootheyo 3:12

Vekhaikhai, ootheene anghaawela okhala mwa Kristu ni murima wa omuluku, eniisoondiwe.

aHeberi 11:25

athanlaka ohasuliwa vamoha ni muloko wa Muluku ohiya soohaawela sootthekeya sa ehuhu vakhaani.

aHeberi 7:2

Vano, Abrahaamu aamvaha yanaamuloko ya soothesene. Woopacera nsinanawe nintaphulela ‘mwene a ekhaikhai,’ ni vahoolowaya ‘mwene a oSalemi’ entaphulela ‘mwene a murettele.’

1 Pedru 5:9

Munkhootte, mukhalaka oolipa munroromeloni, musuwelaka weera axunninyu a mweelaponi yootheene anghaawa ni soohaawasene seiyo.

1 Yohaane 2:13

Asitiithi, miyo kinoolepelani, niwoko moomusuwela Yoole ori okhuma ompacereroni mpaka vano. Amiravo, kinoolepelani, niwoko moongwina namatakhala.

1 Yohaane 4:4

Anamwane, nyuwo muri a Muluku ni mohaawina yaawo, niwoko Yoowo ori mwa nyuwo ti woopwahaxa munepa ori mweelaponi.

1 Yohaane 5:4

Yoowo oyariwe wa Muluku ongwina elapo ya vathi, ni owina ophwannyaawe elapo ya vathi ti wu: nroromelonahu.

Ethupululo 12:11

Awo yaamuwina ni ephome ya Eputtiputthi, ni ni masu a onamoona akhalenlaaya. Awo khayaakhoontte oleva okumaaya asineenaaya.

Ethupululo 3:21

Nkimvahe namawina ikuru sa okilaathi vamoha ni Miyo vahiceniwaka, hiiho ntoko Miyotho kiwinnaaka ni kikilaathiyaaka vamoha ni Atithaka vahiceniwaya.

Ethupululo 7:14

Miyo kaamwaakhula: “Apwiya nyuwo moosuwela.” Mutokweene ole eenre: “Awo ari yaawo avinre moosoondiwani otokotoko ni yaakattha mikaandyosaya ni yaatteeliha iyo mwa ephome ya Eputtiputthi.

Ahooleli 3:2

Aapakenle yeeyo weera aaxuttihe moota woowana aYixrayeli yaale yahaawanne oKanaani. Vano miloko saari ti iya: