Yohaane 16:17 - Emakhuwa Bible

¹⁷ Akina a oohuseraawe yaaheerelana: “Eheeni yeeyo Owo oneeraawe: ‘Ehuhu vakhaani ni khamurwa mukoona’ ni ‘vahoolowaya vakhaani mmwiikoonetho’ ni ‘niwoko kinrowaaka wa Atiithi?’”

Yohaane 16:17 Iomraidhean Croise

Marku 9:10

Awo yaavitha mwaha ole yaaleru, evaanyihanaka entaphulela eheeni “ovenyerera mookhwaani.”

Marku 9:32

Mene awosa khayiiwexenxe yeeyo aatthunaawe ohima, ni yaamuhovela omukoha.

Luuka 18:34

Oohusera khayiiwexenxe hata etthu emoha ya seiyo. Etaphulelo ya masu ale yaahiipithiheiya wa yaawo, ni awo khayaasuwenle yeeyo Owo uulummaawe.

Luuka 9:45

Vaheera awo khayiiwexenxe etaphuleloweene yeele. Yaahiipithihiwa wa yaawo weera ehiiwexexe. Awo yaahoova omukoha mwaha wa yeeyo.

Yohaane 12:16

Ompacereroni oohuseraawe khayiiwexexa yeeyo. Paahi vahoolo wa ovuwihiwa wa Yeesu, awo yaahiiwexexa weera yeeyo yaalempwe yaari mwaha wa Yoowo ni weera itthu iye saamukhumelenle Yoowo.

Yohaane 14:22

Vano, Yudasi (omuhiya Iskariyoti) aamukoha: “Apwiya heeni muneeraanyu mwiixoonihere wa hiyo, ehikhanle amalapo?”

Yohaane 14:5

Tomaxi aamweerela: “Apwiya, khanisuwenle munkelaanyu, vano nnisuwele hai ephiro?”

Yohaane 16:1

Kinooleelani sootheene iya weera nyuwo muhikwattuliwe.

Yohaane 16:16

Ehuhu vakhaani ni khamurwa mukoona, ni vahoolotho vakhaani mmwikoonetho.”

Yohaane 16:18

Vano yannakohana: “Eheeni yeeyo oneeraawe: ‘vahoolowaya vakhaani’? Khanniiwexexa yeeyo Owo onghimaawe.”

Yohaane 16:19

Yeesu aasuwela weera yaahaawela omukohakoha mwaha wa yeeyo. Vano aaweerela: “Nyuwo munkohana mukina ni mukhwaawe yeeyo kaatthunaaka ohima kuulumaka: ‘Ehuhu vakhaani ni khamurwa mukoona, ni vahoolowaya vakhaani mmwikoonetho?’

Yohaane 16:5

Vano, kinrowaaka wa Yaale akiruminghe, khaawo mmoha a nyuwo onkikoha: ‘Munkela woowi?’