Yohaane 16:14 - Emakhuwa Bible

¹⁴ Owo onuukivuwihe niwoko oniwaakhele yeeyo eri yawaka ni oniwoosuweliheni yeeyo.

Yohaane 16:14 Iomraidhean Croise

Zakariya 12:10

Kinooyeehera ekhapira ya Davide ni amaki a oYerusaleemu munepa wa oreera murima ni odyoonttelela. Awosa anookiweha – yoowo yaamuhommaaya – ni anoomwiinlela ntoko oniinlelaawe yoole okhwiiye mwaniye aari mmoharu ni ntoko onlalamikeliwaaya okhwa wa ntthaara.

Yohaane 14:21

Yoowo okhalanne malamulowaaka ni oniiwelela, ti yoowo onkisivela. Yoowo onkisivela, anaasiveliwe ni Atithaka ni Miyotho nkimusivele ni nkiixoonihere wa yoowo.”

Yohaane 15:26

Namalaka awa, mwa Yoowo kineeraaka koorumiheleni wa Atiithi, Munepa wa ekhaikhai onrweela wa Atiithi, Owo onuukikhalele onamoona Miyo.

Yohaane 7:39

Owo aahima mwaha wa Munepa yeeraaya yaakhele yaawo animuroromela Yeesu. Mpaka ehuhuweene yeele Munepa nlelo weera ohinaaye ovahiwa, niwoko Yeesu khaanaaye ovuwihiwa.

1 aKorinto 12:3

Tivawo miyo kinoororomelihani weera khaawo onuuluma ni Munepa wa Muluku ongwera weera: “Yeesu alamphwe,” ni khaawo ongwera ohima: “Yeesu ti Apwiya,” ahikhanle mwa Munepa Wootteela.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

aGalata 5:5

Hiyo ningweherera munroromeloni ninrweela wa Munepa Wootteela waakhuleliwa ni Muluku ori owehererawahu.

1 Pedru 2:7

Tivawo, wa nyuwo munroromela, nluku nno ti noottittimiheyaxa, mene wa yaawo ahinroromela: “Nluku anamateka akhoonttaaya, nenno noothatuwa nluku nootthuneyaxa,”

1 Yohaane 3:23

Ni Nlamulonawe ti nna: weera niroromele mwa Nsina na Mwanawe, Yeesu Kristu ni weera nisivelane mukina ni mukhwaawe, ntoko Owo onilamulenlaawe.

1 Yohaane 5:20

Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.

1 Yohaane 5:6

Yeesu Kristu ti Yoole orwiiye, aviraka mmaahini ni mphomeni. Khoohiyono paahi mmaahini, mene mmaahini ni mphomeni. Ni Munepa ti Yoowo onkhalela onamoona, niwoko Munepa ti ekhaikhai.

Ethupululo 19:10

Kaamorela inaawosawe weera kimulape, mene owo aakeerela: “Muhipake yeeyo! Kiri murumeiyi ntoko nyuwo, ni ntoko axunninyu anlipihera moota woororomeleya onamoona wa Yeesu. Mmulape Muluku! Vano, okhalela onamoona mwaha wa Yeesu ti othalihera otthuna wa Muluku mmunepani.”